الموضوع: مشكله لمبه الزيت رجاء الحل

مساء الخير عليكم جميعا انا ليل الشرف انى انضم للمنتدى الجميل ده وخاصه قسم عاشقى الاسكودا
انا عندى مشكله محيرانى جدا ومش لاقيلها اى حل ...... لمبه الزيت !!!!!!!! مش نافع معاها حاجه ابدا جربت كل حاجه ساعه زيت - ظبط كهرباء - ظبط كربراتير - تغيير طرمبه زيت - فلتر زيت مش نافع معاها حاجه ابداااااااااااااااااااااا اااااااااااااااااا دايما تنور ازود بنزين تفصل ترعش فى السلانسيه
افيدونى يا اصحاب الخبره

المشاركة الأصلية كتبت بواسطة mina turbo

مساء الخير عليكم جميعا انا ليل الشرف انى انضم للمنتدى الجميل ده وخاصه قسم عاشقى الاسكودا
انا عندى مشكله محيرانى جدا ومش لاقيلها اى حل ...... لمبه الزيت !!!!!!!! مش نافع معاها حاجه ابدا جربت كل حاجه ساعه زيت - ظبط كهرباء - ظبط كربراتير - تغيير طرمبه زيت - فلتر زيت مش نافع معاها حاجه ابداااااااااااااااااااااا اااااااااااااااااا دايما تنور ازود بنزين تفصل ترعش فى السلانسيه
افيدونى يا اصحاب الخبره

نفس العيب ده دوخنى وطير النوم من عينى ولا ميكانيكى ولا كهربائى عرف يفيدنى بحاجة كله عمال يفتى زى ما فتولك كدة وانا مشفق عليك من الحاجات اللى غيرتها دى ربنا يعوض عليك - انا الحمد لله الفتوى جات فى ساعة الزيت وكنت على شك اسمع كلام الميكانيكى فى تغيير طلمبة الزيت لكن ربنا سلم - مش هطول عليك العيب بقى يا سيدى ظهر بالصدفة - دورت الصبح العربية ويا دوب مشيت 2 كم ولقيت اللمبة نورت ومش فصلت حتى مع دوس البنزين زى الاول - خير ركنت العربية وببص تحت لقيت العربية بتجيب زيت من عند جوان وش التقسيمة - الجوان ضرب والعربية فضت الزيت اللى فيها كلله - اخدتها للميكانيكى واشتريت له 3 حاجات بسيطة جدا هما - جوان وش التقسيمة اصلى مش فاكر كان ب 15 او 20 ج وجوان لكرتيرة الزيت مش فاكر بكام فى نفس الحدود باردو و طبعا جركن زيت - اصحى معايا بقى العيب طلع يا سيدى ان الميكانيكى اللى غيرى جوان وش التقسيمة لما كان بيغير وش السلندر مش لزقه بجمالكة وحطه كدة وكمان الجوان كان مصرى مش اصلى ودى طبعا غلطتى انى اشتريته مصرى - عشان كدة الجوان كان بينفس ويتسبب فى إنارة لمبة الزيت ويخليها ترعش فى السلانسيه الخ ....
بس يا سيدى ومن ساعتها المشكلة اتحلت بقالها اكتر من سنتين اهى والحمد لله مش رجعت تانى
بس أوكد عليك تانى = جوان وش تقسيمة أصلى + تضمن ان الميكانيكى يلزقه بجمالكة ويقفله كويس