تقرير بالتفصيل الممل عن الفلوانس 2014

**Dr.mostafaa** · 17-09-2014 10:00 AM

المشاركة الأصلية كتبت بواسطة ramymechanics

عشان الباشا اللى زعل عشان الصور اعادة رفع الصور وارجو المشرف يعيد رفعها تانى ... لا و نفس الصور اللى باكياسها كمان

ما شاء الله، حاجة متازة، تسلم يا رامى باشا على الجهد ده

**mfraig** · 17-09-2014 12:22 PM

المشاركة الأصلية كتبت بواسطة dr.mostafaa

ماشاء الله حضرتك دايما بتبادر لتوضيح أى معلومة أو استفسار، باشكرك على هذا الذوق العالى. وبالنسبة للتفييم فكلام حضرتك منطقى جدا، وياريت نولدج مان يأكدلنا المعلومة

آه، أنا ممكن أعرف إسم حضرتك يا باشا

تحياتى

محمد فريج معاك ياباشا ومن غير كلمة شكر الصراحه انا استفدت كتير من المنتدى الرائع ده واقل حاجه ان الواحد يحاول يساعد غيره في وقت الفراغ
بالمناسبه بأه انت دكتور ايه عشان انا اسنان يمكن نطلع معرفه وللا حاجه :)))

**mfraig** · 17-09-2014 12:23 PM

المشاركة الأصلية كتبت بواسطة ramymechanics

عشان الباشا اللى زعل عشان الصور اعادة رفع الصور وارجو المشرف يعيد رفعها تانى ... لا و نفس الصور اللى باكياسها كمان

بسم الله ماشاء الله اهو ده الكلام تسلم ايدك بجد

**Dr.mostafaa** · 17-09-2014 02:27 PM

المشاركة الأصلية كتبت بواسطة mfraig

محمد فريج معاك ياباشا ومن غير كلمة شكر الصراحه انا استفدت كتير من المنتدى الرائع ده واقل حاجه ان الواحد يحاول يساعد غيره في وقت الفراغ
بالمناسبه بأه انت دكتور ايه عشان انا اسنان يمكن نطلع معرفه وللا حاجه :)))

ربنا يخليك يا دكتور محمد، وسعدت جدا بمعرفة حضرتك، وفعلا والله المنتدى مفيد جدا، وربنا يقدرنا ونقدر نفيد غيرنا،
والحقيقة أنا مش طبيب
أخوك مصطفى أبوزيد مدرس مساعد بكلية الزراعة - جامعة الأزهر بالقاهرة
وبالنسبة لموضوع نطلع معرفة وللا حاجة ، فيا باشا أخوك الأسنان كلها عندى مشاكل، فممكن نغير الدكتور ونيجى نزورك، مع إنه صديق، بس ولا يهمك ههههه،
وللا لسه حضرتك بتدرس، حتى لو كان ، نستناك يا باشا

يا باشا سعدت جدا بمعرفة حضرتك، وبإذن الله معرفة خير
تحياتى لحضرتك دكتور محمد

**mfraig** · 17-09-2014 03:25 PM

المشاركة الأصلية كتبت بواسطة dr.mostafaa

ربنا يخليك يا دكتور محمد، وسعدت جدا بمعرفة حضرتك، وفعلا والله المنتدى مفيد جدا، وربنا يقدرنا ونقدر نفيد غيرنا،
والحقيقة أنا مش طبيب
أخوك مصطفى أبوزيد مدرس مساعد بكلية الزراعة - جامعة الأزهر بالقاهرة
وبالنسبة لموضوع نطلع معرفة وللا حاجة ، فيا باشا أخوك الأسنان كلها عندى مشاكل، فممكن نغير الدكتور ونيجى نزورك، مع إنه صديق، بس ولا يهمك ههههه،
وللا لسه حضرتك بتدرس، حتى لو كان ، نستناك يا باشا

يا باشا سعدت جدا بمعرفة حضرتك، وبإذن الله معرفة خير
تحياتى لحضرتك دكتور محمد

لاياباشا انا بشتغل من 13 سنه ومعرفة خير ان شاء الله

**spndo1** · 17-09-2014 03:39 PM

الحمدلله استلمت الفلوانس الجميلة موديل 2015 e3 لون موكا, ما شاء الله لون جميل وبيتغير حسب الاضاءة...
عايز أقول إن الموضوع ده كان من أهم أسباب اختياري للسيارة ... بجد ما شاء الله عليكم وربنا يبارك لكل واحد بيساعد في ابداء الرأي بكل حيادية .. أستاذ هاني .. جزاك الله كل خير وربنا يباركلك في عربيتك إن شاء الله

الناس اللي بتسأل عن موديل 2015, أنا جايبها 169 ألف من المصرية والطارق كان مديني نفس السعر .. لو حد عايز أرقام الناس اللي اتعملت معاهم أنا تحت امركم

عندي بعض الاستفسارات

- أنا كنت فاكر في مكان للنظارة في السقف .. ياترى ده تعديل في 2015 ولا ماكانتش موجودة برده في 2014
- مسند الراس المفروض 4 اتجاهات ولا فوق وتحت بس ؟ علشان مش عارف اجيبه وراه وقدام
- العربية فيها hill assist ولا لأ, أنا حاولت في الجراج وماكانش في فرق .. مع إن والدتي معاها أبل استرا وشغال على نفس المطلع
- اخيرا إزاي اجرب حاسس الضوء وحاسس المطر

**Dr.mostafaa** · 17-09-2014 05:53 PM

المشاركة الأصلية كتبت بواسطة mfraig

لاياباشا انا بشتغل من 13 سنه ومعرفة خير ان شاء الله

بإذن الله يا باشا

وتحياتى لحضرتك

**Hany Saad** · 17-09-2014 10:14 PM

المشاركة الأصلية كتبت بواسطة spndo1

الحمدلله استلمت الفلوانس الجميلة موديل 2015 e3 لون موكا, ما شاء الله لون جميل وبيتغير حسب الاضاءة...
عايز أقول إن الموضوع ده كان من أهم أسباب اختياري للسيارة ... بجد ما شاء الله عليكم وربنا يبارك لكل واحد بيساعد في ابداء الرأي بكل حيادية .. أستاذ هاني .. جزاك الله كل خير وربنا يباركلك في عربيتك إن شاء الله

الناس اللي بتسأل عن موديل 2015, أنا جايبها 169 ألف من المصرية والطارق كان مديني نفس السعر .. لو حد عايز أرقام الناس اللي اتعملت معاهم أنا تحت امركم

عندي بعض الاستفسارات

- أنا كنت فاكر في مكان للنظارة في السقف .. ياترى ده تعديل في 2015 ولا ماكانتش موجودة برده في 2014
- مسند الراس المفروض 4 اتجاهات ولا فوق وتحت بس ؟ علشان مش عارف اجيبه وراه وقدام
- العربية فيها hill assist ولا لأ, أنا حاولت في الجراج وماكانش في فرق .. مع إن والدتي معاها أبل استرا وشغال على نفس المطلع
- اخيرا إزاي اجرب حاسس الضوء وحاسس المطر

الف مبروك لحضرتك و ربنا يديك خيرها و يكفيك شرها
بالنسبة لأستفسارات حضرتك:
- فئة 169 ألف للأسف مفهاش مكان للنظارة.....موجود فقط فى فئة ال 178 ألف و فئة الهاى لاين و ده دون تغيير منذ 2013
- مسند الرأس أربع اتجاهات كان فى الفلوانس القديمة فى اغلب الفئات و فى الفيس ليفت موديل 2013، من اول 2014 بقى موجود فى فئة الهاى لاين فقط
- العربية عندى أكيد فيها hill assist و المفروض يكون موجود فى باقى الفئات...حضرتك لو وقفت على مطلع الجراج و فرملت تماماً و شلت رجلك من على الفرامل بتنزل على طول؟ برده اللى معاه فئة حضرتك ياريت يأكد المعلومة
- حساس الضؤ هتلف بكرة دراع النور للأخر لغاية كلمة Auto....حساس المطر هتلف بكرة دراع المساحة على اول تكة اللى مرسوم عليها نقط مياه متدرجة و بتختار درجة حساسيته عن طريق اختيارك لسمك النقطة...يعنى كل ما تختار نقطة اكبر كلما زادت حساسية حساس المطر

مبروك مرة أخرى و منتظرين انطباعات عن الفلوانس و مقارنة مع الأسترا

تحياتى