الموضوع: تقرير بالتفصيل الممل عن الفلوانس 2014

المشاركة الأصلية كتبت بواسطة hany saad

فتيس الفلوانس القديم زى فتيس الميجان و فيه نفس النتشة
أما فتيس الفلوانس الفيس ليفت فده xtronic cvt و مفهوش اى نتش نهائى و ناعم نعومة ملهاش حل
فيه جزء الاستيب ترونيك و ده بيتحكم فيه الكترونى مش تروس....يعنى بدل ما ال cvt فيه عدد لا نهائى من النقلات لما حضرتك بتجيب الستيب ترونيك او المانيوال فى الفتيس العربية بتتحكم فى الفتيس عن طريق سوفت ويير و بتديك احساس ب 6 نقلات و لكنه احساس فقط و التحديد ده الكترونياً لان فعلياً زى ما حضرتك اشرت مفيش تروس
على فكرة...الكورولا الجديدة برده فتيسها cvt

تحياتى

تمام كده اوي واشكرك على ردك يبقى كده الفلونس ماتتركبش غير فيس ليفت لان الفيتيس القديم مستفز بكل المعاني

المشاركة الأصلية كتبت بواسطة yasser100

شكرا لك و الف مبروك مقدما و هاتنبسط إن شاء الله .نتمنى نشوف تقاريرك :)

ده سعر 2015 و مش هاتلاقى اقل منه و ده سعر التوكيل الرسمى دلوقتى . زياده 2500 جنيه عن 2014 تقريبا

الاوف وايت لون جميل فيها جدا و مميز بس حافظ عليه على اد ما تقدر

هو في فرق بين 2014 و 2015؟
كمان مش ناويين تعيدو رفع صور الموضوع؟
المفروض انه موضوع مثبت ويبقى مرجع لاي حد فلازم يكون دايما كامل
وللا ايه

المشاركة الأصلية كتبت بواسطة yasser100

شكرا لك و الف مبروك مقدما و هاتنبسط إن شاء الله .نتمنى نشوف تقاريرك :)

ده سعر 2015 و مش هاتلاقى اقل منه و ده سعر التوكيل الرسمى دلوقتى . زياده 2500 جنيه عن 2014 تقريبا

الاوف وايت لون جميل فيها جدا و مميز بس حافظ عليه على اد ما تقدر

أ. ياسر
ربنا يبارك ف حضرتك

المشاركة الأصلية كتبت بواسطة knowledgman

سلامتى ليك يا بشمهندس هانى على كل المعلومات القيمة و الدقيقة اللى بتقولها اما بخصوص طلبك طبعا اكيد انت تؤمر ده كفاية اننا بلديات انا اسكندرانى على فكرة و لازم نتقابل قريب ان شاء الله و انا حرد على السريع الاول هنا
فلوانس 2012 الشكل القديم60000كم
المشاكل:-
-ميكانيكا---------------الحمد لله و لا مشكله كبيرة خالص و على فكرة انا كنت عامل 60000 فى 18 شهر بس
-كهربا----------------- الكاست باظ و اتغير فى الضمان

فلوانس 2014 الشكل الجديد عامله 35000كم :-
المشاكل :-
-ميكانيكا---------------الحمد لله مفيش حاجة تذكر بس انا لبست فى فردة كاوتش على طريق السفر و غيرت الاكصدام فى التوكيل بالتامين
-كهربا----------------- مشكلة واحدة ان الكاست ساعات بيفصل لوحدة و يرجع يشتغل تانى الباقى الحمد لله زى الفل
--------------------------------------------------------------------------------
الفروقات ما بين الشكل القديم و الجديد :-
- الاداء
فرق شاسع cvt عامل شغل غير طبيعى فعلا مخلى العربية بقدر اشد مع كورى و يابانى فى الطلعات الاولانية وده كان شئ مستحيل بالشكل القديم
- التكييف
فعلا افضل من اللى قبلة و نصحية التفيم الحرارى بيعمل فرق جامد جداااااااااااااااااااااا
-العفشة
ان اللى فهمه ان فى بعض التعديلات البسيطة بس اللى حسه ان مافيش فرق يذكر لانها اساسا كانت ممتازة و نصيحة زود نتيروجين عند حد كويس زى fix&fit مثلا على نفس المقياس اللى مكتوب على الباب و حتس بفرق رهيب فعلا
-الدواخل
نفس الشكل مع اضافة لمسة جمالية بس برضة انا لسه شايف انهم محتاجين يعيدوا توزيع المساحى بين كرسى السائق و الراكب الامامى زى الفورد كدة و الاوبل
-الكاست
فعلا فرق شاسع فى الصوت مع 3d بس راى انهم محتاجين يضيفوا صب صغير حتى
اكتر حاجة ضيقتنى فعلا موضوع بكرة التحكم و انها مش بتعمل ok و انها مافيش تقليب بين القوائم و الغاء voice dialing ده بالنسبة لى ماسأة علشان انا بعمل مكالمات كتير فكنت متخيل و جودة فى الجديدة بس للاسف لا و انا شايف اننا ممكن نضغط على الشركة و تعيد تلك الخاصية فعلا مهمة

الصراحة انا بفكر اركب جنط 19 علشان لما شوفت c7 ستروين الجنط 19 جامد جدااااا عليها مخلى العربية اجمد كتيييير

ؤال بقى اخير حد يعرف اجيب الكاسيت gps منين فى اسكندرية

حضرتك ممكن بس توضح حكاية التفييم الحرارى دى أيه المقصود بيها

المشاركة الأصلية كتبت بواسطة dr.mostafaa

حضرتك ممكن بس توضح حكاية التفييم الحرارى دى أيه المقصود بيها

اعتفد يقصد الفاميه الشفاف اللي بيعمل عزل للاشعه ir
وده بيخللي العربيه معزوله حتى لو راكنه في الشمس وفي نفس الوقت مش مخالف مروريا
بس مش عارف هو ده قصده وللا انا فهمت غلط

المشاركة الأصلية كتبت بواسطة mfraig

اعتفد يقصد الفاميه الشفاف اللي بيعمل عزل للاشعه ir
وده بيخللي العربيه معزوله حتى لو راكنه في الشمس وفي نفس الوقت مش مخالف مروريا
بس مش عارف هو ده قصده وللا انا فهمت غلط

ماشاء الله حضرتك دايما بتبادر لتوضيح أى معلومة أو استفسار، باشكرك على هذا الذوق العالى. وبالنسبة للتفييم فكلام حضرتك منطقى جدا، وياريت نولدج مان يأكدلنا المعلومة

آه، أنا ممكن أعرف إسم حضرتك يا باشا

تحياتى