فتيس صني الشكل القديم مش بيعمل كيك دون ؟؟؟

**A.Roushdy** · 22-09-2013 10:28 PM

السلام عليكم
ازيكم يا رجالة نيسان
انا معايا صني الشكل القديم 2013 لسة معملتش 1000 كيلو
كنت ماشي النهاردا بيها عالبحر وعيل رخم بسيراتو كان عمال يزنق عليا
المهم حبيت اطلع منه فدوست على الدواسة بتاعت البنزين جامد بس مجبتهاش للاخر
حسيت ان العربية جمعت معايا والار بي ام زاد وطلعت فعلا منه
بس استغربت لاني محستش ان العربية عملت كيك دون زي ما كنت متعود مع الاوكتافيا
الاوكتافيا كانت 2005 اة وخربانه وطالع عنيها بس كان الكيك داون بتاعها فعلا رهيب وبيحسسك بعزم العربية
دة محستش بيه خالص النهاردا حسيت انها طلعة عادية كأني مزود بنزين عادي مش كيك دون

فكنت عاوز اعرف هو فتيس الصني الاوتوماتيك مبيعملش تسقيط نقلة اصلا وبيكتفي بالحرق على النقلة الحالة
ولا فيه كيك دون عادي بس انا محستش بيها لان العربية كانت على سرعة اصلا !!!

ملحوظة انا كنت ماشي على 40 تقريبا او ازيد حاجة بسيطة

**Kefo_Honda** · 22-09-2013 11:21 PM

مبروك على العربية و ربنا يبارك لحضرتك فيها , وحاول متعملش Kick down أو تشد مع حد عشان العربية دلوقتي لسة بتلين, هي عملت كده مع حضرتك لانك مدستش على دواسة البنزين للآخر, وممكن تجرب تاني بعد صيانة الالف كيلو

**abofandy** · 23-09-2013 12:25 AM

معلش هو يعنى اية كيك دون
اعذورنى لجهلى ولكن اريد المعرفة

**mohamedali33** · 23-09-2013 04:50 PM

على السرعة المنخفضة دى مابتعملش كيك داون, لكن على السرعات العالية بتعمل, سواء دوست على البنزين جامد أو ضغطت زرار الأوفردرايف

**jos** · 23-09-2013 05:09 PM

المشاركة الأصلية كتبت بواسطة احمد رشدي

السلام عليكم
ازيكم يا رجالة نيسان
انا معايا صني الشكل القديم 2013 لسة معملتش 1000 كيلو
كنت ماشي النهاردا بيها عالبحر وعيل رخم بسيراتو كان عمال يزنق عليا
المهم حبيت اطلع منه فدوست على الدواسة بتاعت البنزين جامد بس مجبتهاش للاخر
حسيت ان العربية جمعت معايا والار بي ام زاد وطلعت فعلا منه
بس استغربت لاني محستش ان العربية عملت كيك دون زي ما كنت متعود مع الاوكتافيا
الاوكتافيا كانت 2005 اة وخربانه وطالع عنيها بس كان الكيك داون بتاعها فعلا رهيب وبيحسسك بعزم العربية
دة محستش بيه خالص النهاردا حسيت انها طلعة عادية كأني مزود بنزين عادي مش كيك دون

فكنت عاوز اعرف هو فتيس الصني الاوتوماتيك مبيعملش تسقيط نقلة اصلا وبيكتفي بالحرق على النقلة الحالة
ولا فيه كيك دون عادي بس انا محستش بيها لان العربية كانت على سرعة اصلا !!!

ملحوظة انا كنت ماشي على 40 تقريبا او ازيد حاجة بسيطة

سحب النيسان عامة وخصوصا الشكل القديم مش قوى والكيك دوان بتاعه برده ميكيفيش بس بيتحسن جدا جدا بعد الا 5000 كم الاولى
النيسان صنى عربية الرجال بعد ال 35 الناس العاقلة اللى بتقيم العربية صح عربية عفية عفشه قوية اعتمادية فى الموتور والفيتيس فرامل ممتازة تستحمل السفر و متطلبات الاسرة من مشاوير وتحميل طلبات وتوصيل الخ الخ اما ان كنت شاب عاوز تروح الجامعه تشغل ساووند سسيستم تروش وتعلم على الناس على الطريق فابعد عن النيسان صنى

**ahmedalaa88** · 23-09-2013 05:16 PM

علشان تعمل كيك داون لازم تشيل رجلك و دوس للاخر

**A.Roushdy** · 24-09-2013 12:56 AM

المشاركة الأصلية كتبت بواسطة mohamedali33

على السرعة المنخفضة دى مابتعملش كيك داون, لكن على السرعات العالية بتعمل, سواء دوست على البنزين جامد أو ضغطت زرار الأوفردرايف

منا توقعت برضو كدة

المشاركة الأصلية كتبت بواسطة jos

سحب النيسان عامة وخصوصا الشكل القديم مش قوى والكيك دوان بتاعه برده ميكيفيش بس بيتحسن جدا جدا بعد الا 5000 كم الاولى
النيسان صنى عربية الرجال بعد ال 35 الناس العاقلة اللى بتقيم العربية صح عربية عفية عفشه قوية اعتمادية فى الموتور والفيتيس فرامل ممتازة تستحمل السفر و متطلبات الاسرة من مشاوير وتحميل طلبات وتوصيل الخ الخ اما ان كنت شاب عاوز تروح الجامعه تشغل ساووند سسيستم تروش وتعلم على الناس على الطريق فابعد عن النيسان صنى

حاليا سحب العربية بالنسبالي مرضي جدا لانها تاني عربية ليا
كان معايا اوكتافيا قبلها لكن كان طالع عنيها وكل حاجة فيها بايظة
وانا في العادة سواقتى هادية مش بحب اجري واشد لكن الموقف كدة كان لازم اعمل كدة علشان اطلع مع العيل اللي كان بيزنق عليا دة

المشاركة الأصلية كتبت بواسطة ahmedalaa88

علشان تعمل كيك داون لازم تشيل رجلك و دوس للاخر

تمام كلامك صح بس في عربيات مش ضروري تشيل رجلك
يكفي انك تلبس الدواسة للاخر وهي هتسقط النقلة لوحدها

الف شكر للردود يا رجالة

**حماده المصري** · 24-09-2013 12:27 PM

طبيعي العربيه تعمل كده حضرتك ماشي على 40 ولا 50 يعني اخر الاول واول التاني

ف لو انت كنت على التاني ودوست رجلك طبيعي التاني يطلع من غير عزم لانك على 40 والاربي ام ممكن يبقى 2.5 ف عشان يطلع وتحس بالعزم يوصل لحد 4 مثلا وده ياخد وقت يعني يجري بس ميبقاش قوي جدا

طيب ولو كنت دوست بنزين على الاخر القتيس كان هينزل نقله للاول وحضرتك ماشي على 40 او 50 وده مضر جدا لانك هتحرق على اخر الاول وترجع تاخد التاني بس على سرعه اعلى ف الموضوع هيبقى افضل شويه

**Ahmed Amin** · 25-09-2013 11:04 AM

المشاركة الأصلية كتبت بواسطة mohamedali33

على السرعة المنخفضة دى مابتعملش كيك داون, لكن على السرعات العالية بتعمل, سواء دوست على البنزين جامد أو ضغطت زرار الأوفردرايف

دا الكلام الصح,, وعلي سرعتك اللي بتحكي عليها في الغالب العربية كانت علي التاني,
ومكنتش أخدت تالت,, ومكنش ينفع تسقط أول طبعاً لأنك دوست براحة مش للأخر بس عايز تجري,
فمكنش منها إلا أنها تحرق علي التاني وعشان كدا ال RPM علي معاك براحة,,

والأخ اللي بيقول لازم تشيل رجلك وتدوس عشان تعمل كيك داون الكلام دا مع أحترامي ليه مش صح.

ال Function واضحة من أسمها,
Kick down يعني دوس برجلك للأخر,, وهيا الطريقة الصح عشان تسقط غيار والفتيس متبرمج عليها كدا,,
أنك تدوس مرة واحدة للأخر وأنت رجليك علي الدواسة,,

وكمان غلط أنك تشيل رجلك بعدين تحطها تاني, لأنك لو بتجري بسيط وماشي علي RPM عالي نسبياً زي 3.5 أو 4 RPM
وشلت رجلك وكبست تاني, هتلاقي العربية أتحدفت ووطت بوشها لقدام مرة واحدة,,
ولما تدوس هترجع تسحب تاني بسرعة مرة واحد مع تسقيط الغيار فهتعلي معاك من قدام وتسحب من ورا,,
وبكدا هتبقي بتضغط علي قواعد الموتور والفتيس والعفشة بشكل عالي ومالوش أي لازمة,,