أنا عايز الخلاصة فى موضوع الكاوتش و ياريت كل اللى غير يقولنا

**adel_edrees** · 10-10-2013 07:16 PM

برضه ماحدش فادنا انهى أحسن من ناحية الفرامل نوع أيه اللى بيخلى الفرامل تزحف فى حدود المعقول وهل موضوع تغيير الكاوتش حيفرق فى أداء الفرامل و أيه نوع الكاوتش الأحسن فى الناحية دى بالذات هل اليوكوهاما و لا الدانلوب ولا البريدجستون ولا الكونتنتال و لا الجى تى و لا الهانكوك والبريدجستون أيه البوتنزا و لا التورنزا و لا my-02 و هل زحف السيارة هو ده اللى أسمه ال progressive

**saddam** · 10-10-2013 08:02 PM

صديقي المواطن
من.أعلاه.تاخد.يوكوهاما ثم كونتينينتال ثم لاسسا التركي أو أي كاوتش محترم صناعة ماليزية وكل اﻷنواع أعلاه تجيب شوال وترميها من فوق كوبري قصر النيل
أما زحف الفرامل فده يحدده ظبط.زوايا السيارة أولا ثم تخلي الهوا على 33 أو 32'ثم تبص على نقشة الكاوتش.هل هي مطرية ولا بتاعت سباقات ولا فيها سهم إتجاه واحد وعامة حاول تاخد إطار نقشته بيها تفاصيل كتير صغيرة مش كتل كبيرة وفيها مجاري لطرد الهواء والمياه لجوانب اﻹطار عشان تاخد فرامل شديدة وبالتوفيق
ودمتم للنضال

**eleanor** · 10-10-2013 08:07 PM

انا مجرب الكونتيننتال والميشلان والاتنين جامدين ما عدا ميشلان سايف انرجى على اده

**adel_edrees** · 10-10-2013 09:45 PM

فى نوع كاوتش من باروم جامد جدا أسمه
Barum Polaris 3

يبقى معنى كده أن باروم نفسه كويس لكن هما حطين موديل مش كويس

**jericho** · 11-10-2013 01:54 AM

المشاركة الأصلية كتبت بواسطة saddam

صديقي المواطن
من.أعلاه.تاخد.يوكوهاما ثم كونتينينتال ثم لاسسا التركي أو أي كاوتش محترم صناعة ماليزية وكل اﻷنواع أعلاه تجيب شوال وترميها من فوق كوبري قصر النيل
أما زحف الفرامل فده يحدده ظبط.زوايا السيارة أولا ثم تخلي الهوا على 33 أو 32'ثم تبص على نقشة الكاوتش.هل هي مطرية ولا بتاعت سباقات ولا فيها سهم إتجاه واحد وعامة حاول تاخد إطار نقشته بيها تفاصيل كتير صغيرة مش كتل كبيرة وفيها مجاري لطرد الهواء والمياه لجوانب اﻹطار عشان تاخد فرامل شديدة وبالتوفيق
ودمتم للنضال

يعني يا باشا معني كلامك ان البريدجيستون يترمي في الزبالة ومعناه برده ان اليوكوهاما مثلا افضل من البريدجستون مثلا برده طبعا اختلف معاك تماما مثلا البريدجستون فرده محترمة جدا مالشكاوي منها قليلة جدا وازاي الصناعة الماليزي افضل اذا كان البريدجستون في منو هنا في مصر ياباني وايطالي استحالة تكون الماليزي افضل من الياباني والايطالي مثلا وبرده لو مكانتش اليوكوهاما تقترب في المستوي من البريدجستون هتكون اقل منه مش اعلي واللاسا التركي ده كاوتش تركي بشراكة من بريدجستون ازاي هيبقي افضل من البريدجيستون نفسه او الميشلان الفرنساوي وشكرا

**ahmed_m_ashraf** · 11-10-2013 02:46 AM

أنا مغير ٤ فرد بريدجستون تورانزا GR90 مقاس ١٨٥/٦٥/١٥ ياباني الصنع من سنه تقريبا، الفرامل حاجة تانية، الصوت أهدأ، السحب أحسن، والتخكم والثبات أحسن، بس تقل جيوبك، الفردة دلوقت ب ٧٠٠ وشوية.

فيه اليوكوهاما C-Drive كمان تقريبا نفس المستوي بس معرفش سعره كام وموجود ولا لأ، توكيله غبور.

معلش ياجماعة إللي يذكر ماركة يقول موديل الفردة كمان، كل ماركة فيها أكتر من ١٠ موديلات متفاوتين في المستوى والسعر، يعني ممكن تجيب فردة بريدجستون موديل تاني يكون أدائها متواضع.

**hossam eldeen** · 11-10-2013 04:59 AM

المشاركة الأصلية كتبت بواسطة egyzizo

حد جرب لاسا (تركى بشراكة مع بريدجستون) ؟؟ ايه رأيكم فيه؟

حد ياجماعه يأكدلنا او ينفي موضوع شراكة (بريدجستون مع لاسا تركي ) دا عشان بجد اول مره اسمعه ,, اعتقد ان دي هاتبقي حاجه جميله اوي لو طلع صحيح

-

-

-

الموضوع: أنا عايز الخلاصة فى موضوع الكاوتش و ياريت كل اللى غير يقولنا

LinkBack

أدوات الموضوع

عرض

-

-

المواضيع المتشابهه

الخلاصة 1 .... فى موضوع تكييف لل 504 ...

يا جماعه ياريت اللى عربيته اتسرقت يقولنا اتسرقت ازاى علشان نخلى بالنا (متجدد)

ايه موضوع البلالين اللى فى الكاوتش ؟؟

عاوز الخلاصة في موضوع جهاز الإنذار ...

سؤال عن السنوركل ، ياريت اللى يعرف يقولنا ؟

الكلمات الدلالية لهذا الموضوع

المفضلات

المفضلات

ضوابط المشاركة