الخلاصة 1 .... فى موضوع تكييف لل 504 ...

**kisho55555** · 24-04-2011 11:18 PM

انا جيت يا رجالة ....السلام عليكم ورحمه الله وبركاته ....

الكلام اللى هقوله ده خلاصة شغل ولف ودوان تلات سنين ... واللى هيقول ايه هضريه ....

قيل اى حاجة ... ملحوظه مهمة ... اهم حاجة فى الموضوع ده هو تقفيا العربية ... من جلود وفرش باب ةسدر العربية وخصوصا فتحة السقف ليها حلين ياما تكن فبريكا او تقفلها خالص ... لو فى اى حاجة من دول ناقصة يبقى متكملش الموضوع لانه مش هيكون نافع نهائى ووهيبهدل العربية زيادة ...

اولا التكييف ...
فى نوعين من التكييف ...
1-التكييف الكهربا ... بمعنى ان الكباس بيكون شغال على الكهربا وده طبعا بياخد من اليطارية ولازم عشان كدا تحط دينامو 504 طيارة ال 70 امبير ...

سؤال : التكييف ده بيسخن العربية ؟
جواب : طبعا ,,, اى تكييف يسرفع من درجة حرارة العربية
التفسير : التكببف ده بياد كهربا عالية من البطارية فبالتالى يعمل تقل على الدينامو بالتالى هتلاقى العربية بتسخن اكتر شوية

سؤال : التكييف بيسحب بنزين ؟؟؟
جواب : اه عشان الحمل الزادة على الدينامو ويكون ملاحظ جوه البلد .. على الطريق بسيط ..

سوال : التكييف الكهربا بيكون تبريده كويس ؟؟
جواب : التكييف تبريده كوبس ولكن فى الايام شديدة الحرارة ... مش هيكون فى كفائة الكباس السير ,..

سوال : التكييف الكهرا ايه مشاكله ؟؟
جواب : الكباس لا يوجد له صيانة ... ضفيرة كهربا معقدة .... كتاوت غاليةوقليلة نسبيا ....

سوال : التكييف الكهربا بياثر على سحب العربية ؟؟
جواب : جوه البلد بيكون ملحوظ لكن على الطربق بسيط...

سوال : ما هى متطلبات العربية ؟؟؟
جواب : 1-كارتيرة زيت الومنبوم
2- قاعدة فلترمقلوبة 505
3-مروحة ريداتير فرنساوى وليس مصرى 8 ريشة
4- ريداتير سعودى كبير

2- التكييف السير ... ده بيكون راكب على كارتبرة الزيت وبيكون واصل بسيرعلى طمبورة الكرنك ...

سؤال : التكييف ده بيسخن العربية ؟
جواب: اه وبنسبة اكبر من الكهربا ....

سؤال : التكييف بيسحب بنزين ؟؟؟
جواب : اه وبنسبة اكبر جوه البلد ولكن على الطريق بسيط ...

سوال : التكييف السير هيكون تبريده كويس ؟؟
جواب : جميل جدا وخصوصا لو الكباس يابانى ساندن ... مثلا زى ال 508 و ال 506 ...

سوال : التكييف السير ايه مشاكله ؟؟
جواب : بسيطة جدا وقليلة ... وكمان فى اسوء الظروف ممكن نغير اولسيه للكباس لو بيسرب فريون ...

سوال : التكييف السير بياثر على سحب العربية ؟؟
جواب : اه وده بيكون زى العربيات الجديدة وخصوصا جوه البلد .. لكن فى الطريق بيكون بسيط وده بيكون فى بداية طلعة الكباس فقط....

سوال : ما هى متطلبات العربية ؟؟؟
جواب :-كارتيرة زيت الومنبوم
2- قاعدة فلترمقلوبة 505
3-مروحة ريداتير فرنساوى وليس مصرى 8 ريشة
4- ريداتير سعودى كبير
5-طمبورة 2 سير
6-قاعدة بطارية عالية
7-سير ناعم ...

انا بقى لى كتير مش بعمل مواضيع ولكن ده البداية لحاجات جميلة ناوى عليها ... وفى مفاجات عملتها ...

زالموضوع ده عشان كل الناس اللى بحبهم فى المنتدى وخصوصا احمد حسنى وعمر السقا واسلام البنا واحمد ياقوت وناااااااااااااااااس كتير.....

وان شاء الله هتلاقوا مواضبع فيها الخلاصة من مواضبع كتير ....

**islambana** · 24-04-2011 11:23 PM

موضوع جميل ومستنيني باقي التفاصيل وباقي المواضيع الجميله

**kisho55555** · 24-04-2011 11:34 PM

شكرا يا اسلام ... انا مستنى استفسارات الناس ... ولو افتكرت حاجة هبلغكوا

**mohamedadelemam** · 25-04-2011 12:03 AM

ماشاء الله..أحسنت حضرتك والله

**sterio_504ever** · 25-04-2011 12:08 AM

الله ينور يا معلم بس الكلام ده كلو هيخشلو فى كاام مونى
عشان الحاله تعبانه و لسه داخل على شد ان شاء الله

**kisho55555** · 25-04-2011 12:20 AM

شكرا يا جماعة .... ده اقل واجب

الموضوع ممكن يدخلله فى 3000 ... و حاجات جديدة ومنها حاجات نظيفة ...

**kisho55555** · 25-04-2011 12:23 AM

السعر ده بالتجهيزات بتاعت العربية ... وكمان ممكن اجيبه مستعمل ... لو الفوس مش مساعده

**abo_hosni** · 25-04-2011 12:56 AM

جميل جداً. أنا عايز أروح بالعربية لواحد صنايعي، أدخل له ه من غير تكييف، أطلع من عنده مشغل تكييف.
انا كلمت المراكبي بتاع جسر السويس و قال أنه هيخلص كل حاجة بـحوالي 3000 جندي

هل لازم نغير كارتيرة الزيت، ولا ممكن نركب القاعدة عليها و نلحمها؟
و الرادياتير السعودي ده بكام و مواصفاته ايه؟
و أعتقد هنجيب صدر لمروحة الرادياتير، مش كده؟

**amrelsaqqa** · 25-04-2011 01:04 AM

الله ينور

ايه الرجوع الجامد ده يا كريم
ما شاء الله انت جاوبت على الاسئلة اللى في دماغى فعلا وطريقة تنظيم الموضوع جميلة جدا
ومستنى مفاجآتك وخليك معانا هنا على طوووول

بالنسبة للموضوع بقى ، دلوقتى الكباس مين يكسب عموما الكهربا ولا السير ؟
والكباس الكهربا اسمه ايه ؟ وسعره كام لوحده ؟

وتقفيل العربية يكلف كام وجلد الابواب والحاجات دى يتجاب منين ؟

**kisho55555** · 25-04-2011 05:42 PM

جميل جداً. أنا عايز أروح بالعربية لواحد صنايعي، أدخل له ه من غير تكييف، أطلع من عنده مشغل تكييف.
انا كلمت المراكبي بتاع جسر السويس و قال أنه هيخلص كل حاجة بـحوالي 3000 جندي

تمام يا حسنى ... بس لازم تحط فى حسابك ان الكلام ده من غير تجهير العربية من كارتيرة و طمبورة وقاعدة فلتر ... يعنى ضيف عليهم 700 جنيه مستريح ...

وانا كنت كلمت ناس كتير وفيهم اللى قال 2500 ولغاية 4000 ... المهم المكونات والصناعة ... من رائى التجميع افضل ....

هل لازم نغير كارتيرة الزيت، ولا ممكن نركب القاعدة عليها و نلحمها؟

ممكن تلحمها وانا شفتها ولقيته شغل مقرف وكمان مش حلو ... ده غير ان الزيت مش هيحصل له تبريد كويس .. وده فايدة الال
ومنيوم ...

و الرادياتير السعودي ده بكام و مواصفاته ايه؟

ده زى بتاع العربية النحاس ولكن اكبر ومواسيره اكتر ...وسعره من 380 - 450 ... على حسب التاجر و النظافة ...

و أعتقد هنجيب صدر لمروحة الرادياتير، مش كده؟

فعلا يا ابو حسنى ... اللى انت بتقول عليه صدر ده اسمه قميص الريداتير ...وده بيجى مع الريداتير الكبير ..... وللعلم الرديداتير الصغير ملوش لزمة مع التكييف ... وكلمة صدر بيتكتب ب السين مش الصاد .... احنا فى العربية مش فى جسم الانسان يا دوك ...

كدا انا رديت على كل اسئلتك ... لو افتكرت حاجة قول لى

الموضوع: الخلاصة 1 .... فى موضوع تكييف لل 504 ...

LinkBack

أدوات الموضوع

عرض

الخلاصة 1 .... فى موضوع تكييف لل 504 ... - انشر الموضوع فى :

-

-

-

-

-

-

المواضيع المتشابهه

الخلاصة 2 ... فى موضوع تعميير موتور بيجو 504 و 505 (العمرة ) ..

مين يديني الخلاصة في الـe46 في مصر؟؟

الخلاصة بعد موضوع ابو مريم ... نهدى شويه يا جماعه

تركيب تكييف للبيجو موضوع تعليمى

الخلاصة فى ال c4 لو سمحتوا....!!

الكلمات الدلالية لهذا الموضوع

المفضلات

المفضلات

ضوابط المشاركة