دا موضوع فى المنتدى عن ظبط التاكيهات بس انا حاسس إن الموضوع حيبقى صعب عليك وكمان مش أى ميكانيكى حيقدر يعمله لآنه لو أتعمل غلط حيلخبط الموتور وحتقول يا رينى ما عملته
http://www.nilemotors.net/Nile/331345-a.html
ودى صورة الفيلر اللى بيتظبط بيه التاكهيات
ودى صورة للتاكيهات بس عربية تانية مش إسكودا
هى بتبقى زى الشواكيش طالعة نازلة فوق الصبابات والسوست الجامده دى اللى بتساعد انها تحكم الصبابات فى غرف الحريق
الشواكيش دى بقى لازم تظبط المسافة بينها وبين الصباب اللى بتدق عليه علشان ماتبقاش محملة ( علشان كده يقولك التاكيهات محملة) أو يكون الخلوص بزيادة فيقولك التاكيهات مفتوحة
وفى كلتا الحالتين العربية مش بتبقى مظبوطة - تسخن - تاكل بنزين - تنفخ زيت -تضرب كاوتش الصبابات
معلش الواحد لسه مبتدأ فالشرح ممكن يكون مش وافى
المفضلات