الموضوع: بخصوص التاكيهات

بص هقولك على حاجة انا قعد ادورلك على موضوع كان عامله
اخونا محمد المنسى كان عامل موضوع تحفة ربنا يكرمه

و مش هقدر اقول كلام على كلامه و اية كمان بالصور

مجهود طيب منه

المشاركة الأصلية كتبت بواسطة المنسي

اولا ظبط الصبابات وفق لمعطيات المصنع بشرط ان تكون موتور السيارة بارد وهى

ضبط صبابات العادم بفيلر 0.20 مم

ضبط صبابات الهواء بفيلر 0.25 مم

تسلسل الصبابات كالاتى

v-s-s-v-v-s-s-v

v يدل على صباب العادم
s يدل على صباب الهواء
هنلاقى ترتيب التاكيهات
العادم – البنزين – البنزين – العادم – العادم – البنزين – البنزين – العادم
ترتيب وتسلسل الاسطوانات فى العمل هو 1-3-4-2
الرسم التالى يوضح صمامات العادم والبنزين

1 صبابات الهواء
2 صبابات العادم
معايرة الصبابات يتم بواسطة الفيلر وطريقة المعايرة هى اولا عمل تحيير للمكبس المطلوب معايرة صبابه وذلك يكون بدقة شديدة بحيث نضمن ان الصبابين في اتم وضع الفتح ومن ثم نستخدم الفيلر
(التحيير يكون للمكبس المعاكس بمعنى)
لو ان الظبط للمكبس رقم 1 يكون التحيير للمكبس رقم 4
لو ان الظبط للمكبس رقم 3 يكون التحيير للمكبس رقم 2
لو ان الظبط للمكبس رقم 4 يكون التحيير للمكبس رقم 1
لو ان الظبط للمكبس رقم 2 يكون التحيير للمكبس رقم 3
بمعنى اخر لو احنا بنظيط البستم رقم 1 راقب البلوف الخاصة بالبستم رقم 4 وبعدين نلف المحرك حيت يتم ضغط الكام على صباب العادم نستمر فالضغط حتى يبدا الكام في رفع الضغط عن صباب العادم ويبدأ الضغط على بلف السحب هنا توقف وهذه النقطة التي تسمى (الحيرة)
والتحيير معناه ان كلا البلفين مفتوح
ويفضل فك البوجيهات لسببين هما سهولة تدوير المحرك لان شوط الضغط يتقل المحرك وكذلك لاستخدام المفك للتاكد ان البستم فى اقصى ارتفاع له

طريقة الظبط
يتم فك 4 بوجيهاتـ (مع مراعاة ترتيب الاسلاك اثناء تركيب البوجيهات مرة اخرى ) وفك غطاء التاكيهات ثم رفع السيارة من الجانب الامامي وتعشيق الفتيس علي الرابع او الخامس ان وجد ثم سد فتحة البوجيه رقم واحد باصبعك وتدوير العجلة الاماميه للامام حتي تجد اندفاع هواء من فتحة البوجيه الاول في هذه الحاله يكون البستم في اعلي مستوي له تضع مفك رفيع وطويل داخل فتحه البوجيه الاول وتبدا بحذر تحريك العجلة المرفوعه للامام او الخلف بحركات قليله حتي تحصل علي اعلي مستوي للبستم الاول نفك الصامولة بتاعة التاكيه ثم بمفك عادة نلف المسمار (بعد وضع الفيلر تحته علي القراءة الموصي بها)
0.25 للبنزين و 0.20 للعادم
نلف المسمار حتي يصبح الخلوص (المسافة) بين المسمار و الصباب يادوبك علي حجم الفيلر ..... خد بالك مايكونش مجرح في الفيلر و في نفس الوقت يعدي منه
و نكرر نفس الأمر مع تاكيه العادم بس بحجم 0.25 و بعدها تلف العجلة لتحرير السلندر أللي بعده
و هكذا حتي تنهي العملية

الموضوع تم ترجمته من الكتاب service manual for skoda felecia
انا كنت عامل بيه موضوع قبل كده واتردم الحمد لله ومحدش حاول يترجم منه ولو جزء بسيط



http://www.nilemotors.net/nile/317766-a.html

الموضوع مترجم منى شخصيا ولو فيه اى اخطاء منى اعذرونى وارجو التصحيح

ودة للينك الموضوع

لو عاوز تشوفه بالردود و مشاركته

و عاوز اضيف حاجة بسيطة على الموضوع انتا سياتك هتفك غطا عمود التاكيهات و ترفع العربية بالكوريك من عند العجلة اللى قصاد السواق و تجيب الغيار الرابع و تخلى حد يلفلك العجلة بايده وظبط يامعلم تاكيه تاكيه و بعد كدة قفل الغطا و نزلها من على الكوريك و دور على السلانسية و اسماعها كويس

http://www.nilemotors.net/Nile/33134...post3874763867

قرا الموضوع كويس و اعملها بنفسك مش قضية و هات الفيلرات و مفك و مفتاح و اتوكل على الله
ومتنساش تيبقى تشرحلنا