الموضوع: تجربتى فى تغيير موتور وتظبيط عربيتى الستروين ax

السلام عليكم ورحمة الله وبركاته
حبيبت اشارككم معايا فى تجربتى الجميلة والمتعبه جدا
فى البداية مشكلة الموتور كانت ان المكان اللى بيركب فيه مسامير وش السلندر فى البلوكه مبوش وبعد تركيب جلب والذى منه وبعد ما استهلكت كل الطرق الممكنه للاستفاده من الموتور قبل تغيره جوان وش السلندر ضرب فقولت اجيب الموتور وخلاص بس بصراحه دخلة العيد دى كانت مشكله فقولت اغير الجوان وخلاص بعد ماغيرت الجوان واتكلف 25 جنيه جوان و150 مصنعيه بشويه حاجات الميكانيكى اشتراها وغيرت زيت وفلتر والعربيه بقت تمام لحد ما روحت مشوار بعيد شويه العربيه سخنت بسبب مشكلة وش السلندر والجوان ضرب تانى
باقى الايام اللى بعد كده بقيت ازود ميه وامشى وخلاص لحد ما المكنه عملتها وقفشت :(
طبعا كانت العربيه بتسخن وتوصل ل 110 وكنت بكبر لان كده كده الموتور بايظ بس للاسف السخونيه دى اثرت على كل حاجه فى الحوض لدرجه انى غيرت كل حاجه الموتور والفتيس والمارش والدينمو والكاربيراتير والموبينه والاسبيراتير والدفيرة وبالمرة عملت الحاجات اللى كنت عايز اعملها فى العفشه واكتر حاجه زعلتنى انى وديت العربيه عند الميكانيكى بونش وكان نفسى اوديها وهى شغاله بس ده نتيجه اهمالى يالا الحمد لله
التفاصيل:
شورت بلوك = 1800 جنيه
طقم دبرياج = 250
فلام = 150
مارش = 120
دينامو = 150
فتيس = 450
دفيرة موتور = 150
كوعة مياه = 40
خرطوم هواء + مجموعة هواء = 150
طقم جوان وش السلندر = 130
مسامير داير + مسامير مارش = 20
حمالة عمة = 60
زيت موتور + زيت فتيس = 130
خراطيم بنزين + فلتر = 15
مقص = 240
مساعد = 120
2 بطاحة = 120
صدادة مساعد = 40
غمازات اشارة = 30
اوكر ابواب = 30
مصنعية ميكانيكى = 400
مصنعية كهربائى = 70

اللى فات ده لحد ما مشيت من عند الميكانيكى بعد كده كان فى شويه حاجات عملتها تانى يوم:

تركيب سلك عداد السرعة والكيلومتر = 70 جنيه
شراء وتركيب جزء فى عمة الكاربيراتير = 70
تغيير ترموستات الحرارة بواحد 90/80 = 35
تركيب مرايات شاهين لان مرايات العربيه الاستيراد لقيتها غاليه = 90

فى حاجات اتغيرت بس مش فاكر سعرها ونسيت اكتبها ساعتها وفى حاجات الميكانيكى ماحاسبنيش عليها
الحاجات اللى مش فاكر سعرها:
الكاربيراتير بس تقريبا 350 جنيه
البوبينه
الاسبراتير
الحاجات اللى ماحاسبتش عليها:
2 كالون ابواب اماميه بس للاسف بتاع المفاتيح بوظهم
الزيوت

وديت العربيه عند الميكانيكى يوم الاربعاء 9-10-2013 واستلمتها السبت 12-10-2013 وعملت باقى الحاجه امبارح الاحد 13-10-2013 وجارى تجربة العربيه اول امبارح وامبارح والنهارده
الحمد لله اداء العربية ممتاز بس طبعا محتاج اروح للميكانيكى تانى عشان فى شوية حاجات صغيره كده يظبطها زى تظبيط الكاربيراتير والهواء وكده

على قد المصاريف الكتير اللى انا دفعتها على قد ما شيلت همها من على قلبى والحمد لله نفسيتى استريحت وهاقدر اعيد بيها