الموضوع: تجربتى فى تغيير موتور وتظبيط عربيتى الستروين ax

المشاركة الأصلية كتبت بواسطة rotanamasoud

الف مبروك يا باشا بس كنت جبت بلوك زهر كان حيستحمل ويبقى اقوى بكتير

الموتور الزهر ممكن يكون اقوى بس اللى موجود كله موديل قديم ووزنه تقيل عن الالومونيوم وهايبقى حمل على العربيه وفى نفس الوقت عمرته غاليه تقارب سعر بلوكه جديده ولما سألت كل الناس رشحولى البلوكه اللى انا جبتها لأنها خفيفة الوزن وتنفع تتعمر بسعر كويس وادائها ممتاز وربنا يصلح الحال

المشاركة الأصلية كتبت بواسطة ahmed_ramadan

ألف مبروك والله حاجة العربية حنينة ومش غالية خالص ..... ربنا يباركلك فيها

الله يكرمك
هى حاجتها رخيصه بس لما تكون هاتعمل حاجه واحده او اتنين انما لما بتعمل زى ما انا عملت بتلاقيها اتكلفت كتير قوى يعنى على الحسبه بتاعتى عدت ال 5000 جنيه بس الحمد لله ادينى خلصت من القلق بتاعها مره واحده وان شاء الله عندى امل انها ماتحتاجش حاجه تانى غير بعد فتره طويله اخد فيها نفسى :)

المشاركة الأصلية كتبت بواسطة silent~dream

مبروك التظبيط دى اسعار جديد ولا استيراد

الله يبارك فيك يا باشا
الحاجه كلها استيراد ماعدا حاجات صغيره قوى هى اللى جديده زى الترموستات والسلوك وكده

المشاركة الأصلية كتبت بواسطة s o p h o s

مبروك

الله يبارك فيك يا باشا
وكل سنه وانت طيب

المشاركة الأصلية كتبت بواسطة aaah

الموتور الزهر ممكن يكون اقوى بس اللى موجود كله موديل قديم ووزنه تقيل عن الالومونيوم وهايبقى حمل على العربيه وفى نفس الوقت عمرته غاليه تقارب سعر بلوكه جديده ولما سألت كل الناس رشحولى البلوكه اللى انا جبتها لأنها خفيفة الوزن وتنفع تتعمر بسعر كويس وادائها ممتاز وربنا يصلح الحال

الزهر بتاع الاكسارا يعنى الزهر هو اللى موديلاته اعلى انا الزهر بتاعى كان انجكشن وركبت عليه الكربراتير يبقى ازاى كموديلات الزهر اقدم ومش حتلاقى زهر كاربراتير
العكس تماما افشل محرك فى العمره هو محرك الالومنيوم وانجح محرك فى العمره هو محرك الزهر والاطول عمر الزهر واى ميكانيكى بيخاف مجرد انه يربط جامد مسامير وش السلندر للالومنيوم لانه بيفوت وبتبقى مشكله وبيربط براحته فى الزهر غير ضبط الشمايز اللى فى الهوا ومفيش محرك قدره عاليه او ينفع يركبله تربو المونيوم لازم زهر
الax الفبريكا محرك زهر يعنى الوزن محسوب ومدروس على العربيه
الكلام من خبره تعامل مع محركين زهر ومحركين الومنيوم وخبرات ميكانيكيه تخصص ستروين

المشاركة الأصلية كتبت بواسطة rotanamasoud

الزهر بتاع الاكسارا يعنى الزهر هو اللى موديلاته اعلى انا الزهر بتاعى كان انجكشن وركبت عليه الكربراتير يبقى ازاى كموديلات الزهر اقدم ومش حتلاقى زهر كاربراتير
العكس تماما افشل محرك فى العمره هو محرك الالومنيوم وانجح محرك فى العمره هو محرك الزهر والاطول عمر الزهر واى ميكانيكى بيخاف مجرد انه يربط جامد مسامير وش السلندر للالومنيوم لانه بيفوت وبتبقى مشكله وبيربط براحته فى الزهر غير ضبط الشمايز اللى فى الهوا ومفيش محرك قدره عاليه او ينفع يركبله تربو المونيوم لازم زهر
الax الفبريكا محرك زهر يعنى الوزن محسوب ومدروس على العربيه
الكلام من خبره تعامل مع محركين زهر ومحركين الومنيوم وخبرات ميكانيكيه تخصص ستروين

انا مركب نفس الموتور اللى انت بتقول عليه ده
الشورت بلوك فعلا كان انجيكشن وانا ركبتله كربيراتير عشان كده بقول انه موديل احدث بس هو قاللى انه بتاع zx مش اكسارا
وبالنسبه للموتور الالومينيوم اللى انا مركبه مش بيتعمله عمرة بالمعنى المفهوم اللى هو خراطه وتغيير قطع انما الجزء الداخلى اللى فيه السلندرات بيتغير كتله واحده زى ماهو
انما تظل مشكله انه الومونيوم فى موضوع مسامير وش السلندر لأن ده كان السبب الاساسى عندى اللى خلانى اغير الموتور
وعموما المواتير الزهر اللى موجوده استيراد شكلها ماعجبنيش خالص تحس ان بقالها 100 سنه شغاله
انما البلوك اللى انا ركبته كان شكله جديد خالص كأنه ما اشتغلش وكان لسه مزيت واستريحتله نفسيا بغض النظر عن ترشيح الميكانيكى ليه
ولو كان النقاش ده قبل ما اركب كنت اكيد هاستشيرك :)
بس المشكله ان الموضوع حصل فجأه وركبت فى يومين عشان زنقة العيد

المشاركة الأصلية كتبت بواسطة saddam

صديقي المواطن
أنا.أهم حاجة في موضوعك هو إن نفسيتك إرتاحت وأنا سعيد بيك وعشانك وبالتوفيق وإلى الامام
ودمتم للنضال

عزيزى المواطن صدام
سعادتك بها احاسيسى تسعد ولها قلبى يطرب :)
نشكركم لتعاونكم النفسى معنا
وكل عام وانتم بخير وعيد سعيد :)
ودامت مصر حرة مستقله