الموضوع: تجربتى فى تغيير موتور وتظبيط عربيتى الستروين ax

المشاركة الأصلية كتبت بواسطة aly_72200

اخى الفاضل الف مبروك ولى مؤاخذة بسيطة واستحملنى لقد تم استغلالك لان الموتور بالفتيس بطقم الدبرياج لا يتعدى باى حال 2500 جنيه اما عملية التقطيع فهى مقصودة لرفع السعر حتى وصل معك الموتور الى 3600 جنيه فكان هناك حلول افضل قدر الله وما شاء فعل وابقى استشير افضل

الله يبارك فيك يا باشا
الموتور الكامل كان مواصفاته مش عجبانى عشان كده لجأت لعملية التقطيع دى وبالفعل هو سعره كان 2500 لكن الشورت بلوك اللى انا اخترته كان سعره غالى 1800 جنيه مع ادوات التغذيه هو اللى رفع السعر كده وعموما الميكانيكى اللى بتعامل معاه معروف ان سعره اغلى من الباقى بحولى 30 او 40 % بس ده الوحيد اللى بثق فيه لأن فيه حواليه كذا واحد وقدامى واحد جابله عربيه ماكنتها بايظه وكان لسه مركبها عند واحد من التجار التانيين اللى فى نفس المنطقه فقولت اشترى نفسى وراحتى بالفلوس الزياده دى
وفى الاخر الفلوس بتروح وتيجى واهم حاجه الشغل المظبوط والحمد لله على كل حال

المشاركة الأصلية كتبت بواسطة AAAH

الله يبارك فيك
السحب والتجميع ممتاز بس فيه صوت هواء عالى مش عارف من الكربيراتير والا من ايه
ان شاء الله هروح للميكانيكى بعد العيد يبصلى عليها
سؤال صغير بقى بما انك غيرت اربع مواتير قبل كده
الميكانيكى قاللى اجرى زى ما انت عايز بس ما تكبس بنزين جامد
طبعا الموضوع ده متعب جدا خصوصا فى السحب على ما الغيار بياخد سرعته بكون زهقت
وقاللى الموضوع ده هايبقى فى اول 1000 كيلو فقط
هل ده ضرورى والا استعمل العربيه عادى ومش هاتفرق؟

انا المواتير مغيرتش 4
اللى حصل للax
موتورها زهر وغيرته بالومنيوم واكتشفت ان التاجر اشتغلنى انا شارى موتور 1400 والتاجر ادانى موتور 1100 فرجعته وعمرت الزهر وكان ممتاز
اللى حصل للzx
انا شاريها بعيب ان البلوك الالومنيوم مخروم(احد عيوب الالومنيوم تاكل الالومنيوم بسبب الاملاح اللى فى الميه)وخاصم سعر الموتور واشتريتلها واحد زهر لانى عارف مميزاته من ايام الax
اما التلييين فالمكنه اصلا كانت ماشيه مش محتاجه تلييين بالمعنى التانى مجرد حرص اول 100 كيلو بعد كده افتح والزيت اللى فيها يعتبر زيت غسيل يتغير بسرعه وامشى بيها عادى

المشاركة الأصلية كتبت بواسطة rotanamasoud

انا المواتير مغيرتش 4
اللى حصل للax
موتورها زهر وغيرته بالومنيوم واكتشفت ان التاجر اشتغلنى انا شارى موتور 1400 والتاجر ادانى موتور 1100 فرجعته وعمرت الزهر وكان ممتاز
اللى حصل للzx
انا شاريها بعيب ان البلوك الالومنيوم مخروم(احد عيوب الالومنيوم تاكل الالومنيوم بسبب الاملاح اللى فى الميه)وخاصم سعر الموتور واشتريتلها واحد زهر لانى عارف مميزاته من ايام الax
اما التلييين فالمكنه اصلا كانت ماشيه مش محتاجه تلييين بالمعنى التانى مجرد حرص اول 100 كيلو بعد كده افتح والزيت اللى فيها يعتبر زيت غسيل يتغير بسرعه وامشى بيها عادى

الله يباركلك
انا كده فهمت :)
وبالنسبة للتليين انا اصلا مشيت بها اكتر من 250 كيلو على الموتور الجديد وان شاء الله بكره اكمل ال 300 وازود بعد بكره واشوف هاتعمل معايا ايه ان شاء الله

250 يبقى تدوس وتحرق وتجرى عشان لو فى اى عيوب تبان (الموتور على تجربه اسبوع ولا متفق على ايه)
انت عارف الموتور 1400 ولا 1100 عشان ميتدحكش عليك زيي الكود بتاع الموتور وعدد اسنان سير التقسيمه هى اللى بتبين الفروق
سير التقسيمه ال1100 عدد اسنانه104
سير التقسيمه ال1400 عدد اسنانه108 للالومنيوم
سير التقسيمه ال1400 عدد اسنانه101 على ما اتذكر للزهر
الاسهل كود المحرك ال1400 لازم يبدء بk مثلkdy k2a
الاسهل كود المحرك ال1100 لازم يبدء بh مثلhdz hdy
الاسهل كود المحرك ال1000 لازم يبدء بc مثلcdz cdy
اتاكدت انك 1400 والمكنه تمام بعد 1000 كيلو تروح تظبط التاكيهات وتجيب فلتر زيت وزيت نضيف شل الاصفر ولو فى وسع شل الازرق وحيبقى معاك مكنه من الزيرو ومتنساش تكون ظابط التبريد وتحط ميه خضرا وربنا يباركلك

المشاركة الأصلية كتبت بواسطة rotanamasoud

250 يبقى تدوس وتحرق وتجرى عشان لو فى اى عيوب تبان (الموتور على تجربه اسبوع ولا متفق على ايه)
انت عارف الموتور 1400 ولا 1100 عشان ميتدحكش عليك زيي الكود بتاع الموتور وعدد اسنان سير التقسيمه هى اللى بتبين الفروق
سير التقسيمه ال1100 عدد اسنانه104
سير التقسيمه ال1400 عدد اسنانه108 للالومنيوم
سير التقسيمه ال1400 عدد اسنانه101 على ما اتذكر للزهر
الاسهل كود المحرك ال1400 لازم يبدء بk مثلkdy k2a
الاسهل كود المحرك ال1100 لازم يبدء بh مثلhdz hdy
الاسهل كود المحرك ال1000 لازم يبدء بc مثلcdz cdy
اتاكدت انك 1400 والمكنه تمام بعد 1000 كيلو تروح تظبط التاكيهات وتجيب فلتر زيت وزيت نضيف شل الاصفر ولو فى وسع شل الازرق وحيبقى معاك مكنه من الزيرو ومتنساش تكون ظابط التبريد وتحط ميه خضرا وربنا يباركلك

المكنه 1400 من كلام الميكانيكى فقط
انما انا مابصتش على اى حاجه من اللى انت بتقول عليها دى :(
عموما هابص على الكود بتاعها الصبح ان شاء الله
وانا ما اتفقتش على حاجه غير ان المكنه لو فيها مشكله بتاعته بس ماحددناش وقت معين
وان شاء الله اجرب الجرى والحرق زى ما انت بتقول عشان اطمن (عموما امبارح والنهارده اداء المكنه اتحسن عن الاول فى السحب والتجميع خصوصا فى الغيار الاول والتانى)
وموضوع التاكيهات ده الميكانيكى قاللى عليه فعلا وبالنسبه للتبريد انا كنت مستنى اتأكد ان مفيش تسريب عشان احط ميه خضرا والحمد لله مفيش تسريب
بس عايز اسألك على حاجتين معلش هاتعبك معايا
الاول: انا عايز اغير الميه لوحدى من غير ما اروح لبتاع رادياتير بس مش عارف افضى الميه اللى موجوده منين ... انا فكرت فى خرطوم الميه اللى داخل على الموتور بس بيتهيألى مش هاقدر انزل الميه كلها منه وفى نفس الوقت مش عارف اوصل لنهاية الرادياتير عشان اشوف فى طبه والا لأ لأن الحوض ضيق ومش شايف ولا عارف ادخل ايدى كويس
التانى: كنت سألتك قبل كده عن طريقة تنظيف عوامه البنزين فى رساله وماردتش عليا
انا فكتها فعلا قبل كده بس معرفتش اعمل فيها ايه فركبتها تانى زى ماهى بتاع العدادات قاللى لازم الشريحه تتنضف بس انا مش عارف الشريحه دى انهى جزء فى العوامه ولا عارف تنضف ازاى
معلش يا باشا اسألتى الكتير دى على قد عشمى فيك :)

طيب ممكن ارد عليد فى موضوعى بتاع تقرير عن ستروين ax&zx
السبب عايزه يبقى مرجع شامل لاى حد بيسئل عن العربيه والفايده للجميع