سعر البيجو 307

**wolverine_egy** · 17-10-2013 07:31 PM

السلام عليكم . لو سمحتو يا جماعة كنت عايز اعرف سعر البيجو 307xt بيتراوح من كام لكام و هل المانيول بيبقى أغلى من اﻷتوماتيك . و شكرا

**Ahmed Amin** · 17-10-2013 07:55 PM

البيجو ٣٠٧ هاتش باك سعرها بيتراوح ما بين ٦٥ الي ٧٥ ألف علي حسب هاي لاين ولا بيزلاين وعلي الكيلو متر,,
ممكن تزيد عن الرينج أو تقل علي حسب حالتها,,

والمانيوال المفروض متبقاش أغلي. لأنها أرخص منها وهيا زيرو,
بس عشان قلة عدد العربيات المانيوال في مصر, وعشان الأوتو كان بيحصل فيه مشاكل مع الأهمال في الصيانة دا رفع سعر المانيوال لان العربية عموماً مريحة وواسعة من جوا وثباتها ممتاز وفراملها نفس الكلام.
ومكنش بيعيب العربية غير الفتيس الأوتو لما بيحصل فيه أهمال في الصيانة.

**Ahmed Amin** · 18-10-2013 12:04 AM

المشاركة الأصلية كتبت بواسطة semsem85

'طيب وبالنسبة لقطع الغيار غالية ومتوفرة فين لاني بفكر اشتريها او الميجان وشكرا

قطع الغيار مش غالية علي عكس ماناس كتير مفكرة,,
يعني فين رينج أسعار الصيني والكوري وآقل منهم في حاجات كمان زي تيل الفرامل.,

وقطع الغيار متوفرة في التوكل وبرة التوكيل في كل محلات قطع الغيار لأن العربية بقالها حوالي ١٠ سنين في السوق,,

أغلب أسعار قطع غيار البيجو ٣٠٧ موجودة في الموضوع دا,,
http://www.nilemotors.net/Nile/373359-c4.html

لأن كل القطع الميكانيكة ما بين البيجو ٣٠٧ والستروين C4 واحد,
لأنهم نفس الموتور ونفس الفتيس والقطع بتنزل بنفس البارت نمبر للعربيتين,
وبالنسبة لباقي القطع المختلفين فيهم زي الفوانيس والكلام دا بتبقي في نفس الرينج,,

وربنا يكرم بشمهندس أحمد عادل علي مجهودة في لم الأسعار دي,,

**Ahmed Amin** · 18-10-2013 02:09 AM

المشاركة الأصلية كتبت بواسطة shalaty

اولا مبروك يا استاذ احمد على الترقية و تستحقها بجدارة و ربنا يقويك بس انا مستنى يوم السبت علشان انزل اكشف على العربية القولتلك عليها الهى مانويل هاى لين كل حاجة من غير فتحة سقف بس انا مستغلى 71000 و هى ماشية 105000 انا صوحابى بيقولولى ممكن يبقى فية ارخص بس انا باذن الله لو كويسة هاشتريها و صاحبها مش عايز ينزل جنية و خايف اشتريها و سعرها ينزل جامد و اخصر فلوس كتير

الله يبارك فيك, وربنا يخليك.
وانت بعد ما تكشف عليها في التوكيل هتعرف هيا محتاجة أيه صيانة ومصاريف,,
لو هتصرف تطلب من صاحبها يريح السعر شوية,, لو مش هتطلب صيانة ولا مصاريف ممكن برضه تقوله أنا معايا ٧٠ ألف كاش أو المبلغ اللي يناسبك.

عموماً الكشف اللي هتعمله هوا اللي هيحدد حالة العربية وتاريخها,
ومهندس الصيانة اللي هيجيب لك التقرير أتكلم معاه وقله تساوي كام علي حالتها كدا,, وخد الرقم بعين الأعتبار.

أنت ممكن تاخد بكلامك وتشتري حاجة أرخص في أواخر الستينات, بس الحاجات اللي في الرينچ دا في الغالب ودايماً بتكون محتاجة مصاريف أو فيها عيوب عشان تتباع بالسعر دا وهتصرف عليها مصاريف توصلها لأكتر من ٧١ ألف.

فالعربية اللي قدامك دي لو هاي لاين ونصيفية فعلاً ومانيوال,, أكشف عليها بس ولو طلعت حالتها كويسة أستخير وتوكل علي الله عشان صعب تلاقي المانيوال عموماً والأصغب أنها تكون نضيفة.

بالتوفيق وأبقي عرفنا عملت أيه بعد ما تكشف عليها وقبل ما تخلص فيها.,
ويفضل تعمل الكشف في غمرة مع بشمهندس محمد الشرقاوي لو كان موجود هناك,, فأسئل عليه الأول.