استفسار عن اسعار سيارات بيجو في مصر ؟

**amaka** · 17-10-2013 04:33 PM

كنت عايز اعرف اسعار سيارات بيجو عامة وبكل فئاتها و خصوصا ( 508 - 3008 - 308sw - 208sw ) وايه افضلهم لعيلة كبيرة و تستحمل الطرق في مصر .

**eng.octooo** · 17-10-2013 05:33 PM

الموضوع مش كدة انت تشوف الميزانية الى انت عاملها للعربية كام وتشوف العربيات الى فى الميزانية دى وتقارن ما بين عربيتين وا 3 على الاكثر غير كدة مش هاتقرر ولا هاتختار

**Ahmed Amin** · 17-10-2013 06:08 PM

الافضل لعبلة كبيرة فوق ال ٥ أفراد هيا البيجو ٥٠٠٨ وحضرتك مذكرتهاش في الموديلات اللي فوق,
عيلة من ٥ أفراد فأقل هتمشي معاهم باقي الموديلات اللي حضرتك ذكرتها,,

أكثرهم راحة وفخامة وثباتاً عشان عفشتها الخلفية مالتي لنك وأغلاهم سعراً عشان التجهيزات والكماليات اللي فيها هيا ال ٥٠٨ وهيا العربية الصالون الوحيدة في المقارنة,,
ال ٣٠٠٨ عربية كروس أوفر أسهل في السواقة شوية عن باقي الموديلات لعلو الكابينة عن الأرض وكشف الطريق بشكل أفضل, وعربية جميلة ومريحة جداًوسعرها ممتاز علي مواصفاتها وتقفيلها الداخلي والخارجي وأنا ناوي عليها التغير الجاي إن شاء الله,,

ال 308sw عربية Estate عائلية متوسطة هتديك مساحة تخزين أفضل من النسخة الهاتش باك منها,
وال208sw زيها بس أصغر حاجة بسيطة,

الأسعار ممكن تراجعها من علي كونتاكت كارز عشان تاخد الرينج بتاعهم لأني مش معايا كل الأسعار الأكيدة دلوقتي,

**Silent~Dream** · 17-10-2013 06:30 PM

دى الاسعار

http://www........cars.com/newcars_m...asp?CarMake=16

**Ahmed Amin** · 17-10-2013 06:39 PM

المشاركة الأصلية كتبت بواسطة Silent~Dream

دى الاسعار

http://www........cars.com/newcars_m...asp?CarMake=16

اللنك تاتي أهو, عشان في المنتدي هنا كلمة كونتاكت وكلمة شيل بالأنجلش ممنوعين لأسباب خاصة بالحماية البرمجية,

http://bit.ly/174SkU7

**Ahmed Amin** · 17-10-2013 08:02 PM

ال ٥٠٠٨ فعلاً كبيرة, لانها ٧ راكب ومسمينها People Carrier
وأنا قلت أقولك عليها عشان أنت قلت عايزها لعيلة كبيرة, ودي اللي هتناسب أي عيلة يزيد عددها عن ٥ أفراد
وأفضل بمراحل من مثيلاتها في نفس فئة ال ٧ راكب زي التويوتا الافانزا او اللوجان ال٧ راكب, أفضل منهم من ناحية الثبات والراحة في الكابينة والوسع الداخلي وباقي التجهيزات,, لو انت في الخليج ممكن تقارنها بالهوندا أوديسي, وساعتها الأوديسي هتبقي أفضل بس فرق السعر هيبقي لصالح البيجو علي تصميمها,,

والموتور مش صغير ولا ضعيف علي العربية,, فا متقلقش من الناحية دي, لأن العربية متصممة تشيل ٧ غير وزن أضافي في الشنطة,,
ومواتير البيجو وعربياتها معمرة عموماً أكتر من باقي العربيات اللي في السوق,
واكبر مثال علي مواتير البيجو وعربياتها هما ال ٥٠٤ وال ٥٠٥.

ومش هتضايقك في الزحمة, هيا مسألة تعود زي اللي بيسوق sw كدا,, ممكن تضايق في الركنة بس ولازم يبقي عندك جراج لو هتنزلها مصر,,
وهتبقي أحسن من العربية العادية أكيد لو لأسرة فيها ٧ أفراد بالغين وأحجامهم كبيرة,
وكل ما تخرجو يقعد اتنين علي الكرسي الأمامي, و ٤ علي حجر بعض الكنبة الخلفية اللي بتشيل ٣