يا جماعة السحب بالتكييف عامل ايه مع 301

**Ahmed_m7md_A5** · 16-10-2013 02:05 PM

اصل السى اليزيه بيقولوا ان بيسحب 40% تقريبا من عزم العربية ده غير مشكلة التكييف مع التوكيل

بس شكلها احلى من البيجو

**amrelsaqqa** · 16-10-2013 02:12 PM

لا معنديش المشكلة دى
كان في اول 500 كيلو بتحصل احيانا احس العربية تقيلة بعد المطبات ع الغيار التانى ( وبرضه مش اللى هو مموت العربية يعنى )، ولكن الموضوع ده اختفى دلوقتى (1200 كيلو)

**Ahmed_m7md_A5** · 16-10-2013 07:39 PM

المشاركة الأصلية كتبت بواسطة amrelsaqqa

لا معنديش المشكلة دى
كان في اول 500 كيلو بتحصل احيانا احس العربية تقيلة بعد المطبات ع الغيار التانى ( وبرضه مش اللى هو مموت العربية يعنى )، ولكن الموضوع ده اختفى دلوقتى (1200 كيلو)

طب الموديل معاك سنة كام ؟

وهى مش بياثر على السحب خالص و لا مثلا 10% ؟

**medori** · 16-10-2013 08:19 PM

المشاركة الأصلية كتبت بواسطة akedwany

اصل السى اليزيه بيقولوا ان بيسحب 40% تقريبا من عزم العربية ده غير مشكلة التكييف مع التوكيل

بس شكلها احلى من البيجو

زى ما قال عمرو بالضبط، التكييف بيأثر فعلا و خاصة لما يكون على الmax بس مش بيموت العربية زى ما حصل مع الناس مع الاليزية، و على فكرة هو حصل مع عدد محدود 5 او 6 عربيات و كلهم تقريبا كانوا من اول دفعة مستلمة العربية

لسة مفيش موديلات دلوقتى، كلنا موديل 2014

**2CODE** · 17-10-2013 02:13 AM

اكيد اي عربية التكيف هيأثر على سحب العربية لكن المهم هيأثر ازاي يعني هتقبلها ولا لأ
لكن مفيش حد اشتكي جامد من الموضوع ده في الـ301 على حد علمي يعني مقبول وتقدر تمشي بيه كويس

مفيش حاجة اسمها تكيف مش بيأثر الا مع BMW في العربيات المزوده بـEfficientDynamics "بس" غير كده من BMW هتلاقي برضه كل العربيات بيأثر بس قليل جداً انما عربيات BMW الـEfficientDynamics بيكون في بطاريتين بيتشحنوا من "الفرامل"

ومبروووووووك عليك مقدماً :)

**Ahmed_m7md_A5** · 17-10-2013 02:29 PM

ايوه يا جماعة انا عارف ان التكييف بياثر على السحب طبيعى لكن هل بيسحب <بتقدير الملاك> قد ايه من عزم العربية ؟

**amrelsaqqa** · 17-10-2013 02:32 PM

مش عارف والله ، هو لو هتقرص وتشد العربية هتسد معاك بتكييف ومن غير ، يعنى مثلا من شوية كنت في مشوار للمطار ، اخد المطب واطلع على الغيار التانى بالراحة واقوم كابس بنزين العربية تجيب 80 في ثوانى (عادى)، بس طبعا كله على حساب استهلاك البنزين اللى بيزيد لو قرصت ع العربية وانت مشغل التكييف
ممكن مثلا من غير تكييف العربية توصل للـ 80 اسرع بثانية واحدة بس !