مشكلة في سكودا فيفوريت

**Yass1986** · 18-10-2013 03:21 PM

أولاً أحب أشكر أعضاء القسم المحترمين على كمية المعلومات اللي استفدتها خلال قراءتي في القسم الفترة اللي فاتت.
ثانياً أحب أعرض عليكم المشكلة اللي واجهتني باختصار
أنا اشتريت فيفوريت من حوالي شهر، ومن أول ما جبتها واجهتني مشكلة في الدوارة عبارة عن إنها أحيانا مكانتش بتدور إلا لو خليت حد يحرك الكلبسات اللي داخلة المشط الإلكتروني أثناء تدويري للعربية، بالإضافة إنها كانت بتقف مني في بعض الأوقات ومش بتدور تاني إلا بنفس الطريقة (إن حد يحرك أو يضغط على الكلبسات بتاعة المشط أثناء تدوير العربية).
رحت لكهربائي قام مغيرلي الكلبسات وقالي إنها كانت واسعة شوية، وفضلت معايا حوالي أسبوعين بعد ما غيرها ورجعت المشكلة تاني زي ما كانت بالضبط.
يا ترى ممكن يكون ايه السبب في المشكلة دي؟ وازاي ممكن أحلها؟

وشكرا للمساعدة

**sakr_skoda** · 18-10-2013 05:49 PM

المشاركة الأصلية كتبت بواسطة yass1986

أولاً أحب أشكر أعضاء القسم المحترمين على كمية المعلومات اللي استفدتها خلال قراءتي في القسم الفترة اللي فاتت.
ثانياً أحب أعرض عليكم المشكلة اللي واجهتني باختصار
أنا اشتريت فيفوريت من حوالي شهر، ومن أول ما جبتها واجهتني مشكلة في الدوارة عبارة عن إنها أحيانا مكانتش بتدور إلا لو خليت حد يحرك الكلبسات اللي داخلة المشط الإلكتروني أثناء تدويري للعربية، بالإضافة إنها كانت بتقف مني في بعض الأوقات ومش بتدور تاني إلا بنفس الطريقة (إن حد يحرك أو يضغط على الكلبسات بتاعة المشط أثناء تدوير العربية).
رحت لكهربائي قام مغيرلي الكلبسات وقالي إنها كانت واسعة شوية، وفضلت معايا حوالي أسبوعين بعد ما غيرها ورجعت المشكلة تاني زي ما كانت بالضبط.
يا ترى ممكن يكون ايه السبب في المشكلة دي؟ وازاي ممكن أحلها؟

وشكرا للمساعدة

مرحبا بك زائرنا العزيز اليوم اصبحت عضو مننا نتشرف بانضمامك لنا....

انتا مشخص العطل وعارف المشكلة لو المشط الاكترونى عند الصلى العلبة الصفيح يبقى حل المشكلة بونطة لحام فى رجول المشط اما لو المشط بلاطة يبقى نصيحة غيرة ....

**Yass1986** · 18-10-2013 08:05 PM

معلش مرة تانية يا أستاذ صبحي
دي صورة للجزء الداخلي من المشط، أتمنى حضرتك تحددلي بالضبط إيه الجزء اللي هيحتاج بونطة لحام:

وشكرا لحضرتك مرة تانية

*الصورة من مشاركة سابقة للأستاذ أحمد جودة

**sakr_skoda** · 18-10-2013 10:19 PM

اكشف على الارجل الملحومة فى الكارتة وانا علمت عليها بدوائر حمراء هى دى نقاط توصيل الأرجل بالكارتة وهى تتعرض للخلخلة من كثرة فك وتركيب الترامل التوصيل....*

وايضا راجع على نقاط اللحام بالقصدير على الكارتة بالكامل بالعين المجرد سيظهر اى خلل فى اللحامات....

وعاوز اقولك خلى بالك لو العلبة ملخلخة من مكانه اى تتحرك مع اى لمسة ممكن تعمل مشكلة برضوا شوف العلبة مثبتة تماما على صاج السيارة ام لا لأن العلبة بتاخد الأرضى بتاعها عن طريق مسامير التثبيت على صاج السيارة لول هناك اى خلل يحدث معك نفس المشكلة....