الموضوع: مساعده ف الفتيس

الفتحة العلوية التى هى بمقدار غطاء زجاجة حاجة ساقعة دى بيركب فيها سدادة بلاستيك ولو مش موجودة عادى ممنهاش مشاكل....

اللى بيلف جوة دا الحدافة بتاعت الموتور اللى هى راكبة فى الكرنك وبتوصل الحركة للفتيس عن طلريق الاسطوانة والديسك....*

اللى تحت برضو بتركب فيها صاجة نصف دائرة بتريط ب 3مسامير 10 ودى علشان تحمى الحدافة من المياة والاتربة ملهاش دخل خالص بالزيت .... ممكن تشتريها استيرادج وممكن واحد فى ورشة كيريتال يقصلك على مقاسها صاجة وتركب عادة من بره لا يلزم لتركيبها فك مو تور ولا فتيس....

الزيت اللى بينزل من الفتيس اما فية شرخ فى حلة الفتيس من تحت ودا بيبقى التسريب كثيف....

اما لو الزيت نقط يبقى ياريت تتبع اصل مكان التسريب وستجدة غالبا من اويلسية الكوبلن الداخلى....

المشاركة الأصلية كتبت بواسطة medo_msa

الف شكر ياعم صبحي ..طيب انا ممكن اشتري حله جديده لانها شكلها مخبوطه .واغير البليه والاسطوانه والدسك ..ولا الاحسن اجيب فتيس استيراد ؟

ليه تغير البلية والديسك والاسطوانة ايه علاقتهم بالموضوع اللى بنتكلم فيه اعراض تلف الديسك والاسطوانه معروفه لو عندك مشكلة منهم احكى قولنا علشان نقدر نساعدك هل يجب التغيير ام لا....*

بص أنا حاكون صريح معاك عموما 99 من فليشيات مصر بتجيب زيت من الفتيس ودا بيرجع للهضاب والجبال المنتشرة بشوارع المحروسة انما لو التسريب عندك كثيف والويلسهات بتاعات الكبالن تمام يعنى مؤكد الحلة دى ممكن تشتريها ب300 جنية تقريبا وهى بتبقى استيراد مش جديدة يعنى برضو انتا وحظك........

انما لو التسريب نقط بسيطة فدية بنتغلب عليها اننا كل شهرين نزود حوالى نصف لتر زيت فتيس لتعويض الفاقد ودا بنعمله فى البيت بايدينا مش محتاج تروح لبائعى الزيت انما لو حضرتك بتغير الزيت فى محلات بيع الزيوت ممكن تطلب منه يزود نصف لتر زيت فتيس....

اوعى تفتكر ان الفك والربط والتغيير سهل ونتائجة مضمونة 100%....

المشاركة الأصلية كتبت بواسطة medo_msa

لا انا عايز اظبط الفتيس مش هغيرهم عشان الزيت ..هو الزيت تقريبا يعني من شرخ ف الحله وكمان بينزل من الجزء الي مربوط بعصايه الفتيس ..بس انا عندي السحب ميت اوي والنقلات خشنه جامد بالاضافه اني شاري العربيه من واحد ربنا يصلحاله كان مهمل جدا ..فكان سايب الفتيس من غير زيت وتاني مشوار ليا لقيته بيرمي النقلات وببص ع الزيت ملقتش فيه ولا نقطه فاكيد الدنيا جوه متبهدله ..راي حضرتك اضبط ف ده ع قد مااقدر ولا اعمل ايه

استنى شوية بلاش تستعجل وتفتح عى نفسك فتوحات ....الزيت اللى بينزل من عند مكان العصاية الاكس دا اسمة المدفع ودا بيركبلة اويلسية علشان المشكلة دى فاكيد الويلسية بتاع المدفع بايظ وممكن ميكنش راكب فنصيحة نبداء باليسر اشترى اويلسة مدفع وركبة وبعدين نبقى نشوف حكاية الشرخ الى انا شاكك انو يكون موجود لأنك علشان تحدد مكان الشرخ لابد من غسل موتور السيارة من اسفل فى بنزينة او اى محل غسيل السيارات بعد كدا نقدر نحدد مكان الشرخ وحجمةان وجد....

المشاركة الأصلية كتبت بواسطة medo_msa

طيب انا عايز انزل الزيت الي ف الفتيس كله واحط زيت جديد ..ازاي انزله بقي لازم افك الفتيس ولا ايه

على فكرة زيت الفتيس غالبا بيتزود نادر ما حد يفضى الزيت كله ويغيرة لاكن لو حابب فى طبة فى الفتيس من اسفهل تجاهةالعجلة اليسرى ودى مخصصة لتفريغ زيت الفتيس شكل كبة الزيت اللى فى الكارتيرة....