الموضوع: مساعده لو سمحتو في الفتيس

الفتيس بياخر في ال r خصوصا بعد ما كون في مشوار سفر طويل اجيب r العربيه متتحركش غير لما ادوس بنزين والعربيه بتتحرك نطر وشويه وترجع عادي بس مش دايما بيحصل سالت حد بيفهم قالي علبه البلوف

الي حصل في الفتيس قبل كدا الريداتير واحد كان بيصلحه دخل المايه بتاعت الريداتير علي زيت الفتيس واتنضف وغيرنا كذا غيار زيت ومشي تمام ومحصلش فيه حاجه

تاني موقف الزيت بتاع الفتيس نقص وكان اداء العربيه طلقه كانت بتطير بس لما كنت بجيب r بيحصل نفس الموضوع روحت زودت الزيت وسافرت الفتيس كان بيهيس بعد تزويد الزيت وكان ماشي علي التاني بس ولمبه زرار ال s مش شغال وقفت وبطلت العربيه ودورتها تاني واشتغلت تمام والفتيس بينقل طبيعي والزرار اشتغل بس لسه موضوع ال رجوع للخلف دا هو الي مستمر بس مش دائم

ايه الحل بقي مش عارف اعمل ايه اغير زيت ولا هو محتاج فتيس وممكن يكون الفلتر الي في الفتيس اتسد ولازم يتغير ولا في اضافات زي مثلا منظف ال انجيكشن ممكن اضيفها تحل الموضوع ياريت الافاده

المشاركة الأصلية كتبت بواسطة romiobasha

بص يا باشا اول حاجة هتروح تتأكد ان الزيت م؟بوط عن طريق انك تجيب ال r و تدوس فرامل و حد يشوف العلامة على المقاس و خد بالك من السخن و البارد
لو مش تمام هتشوف الخرطومين و اللكورات الوصلة من الفتيس للردياتير و لو فى اويل سيل بيسرب
و بعدين انت محتاج تكشف كمبيوتر على الفتيس و تشيك على السليكتور سويتش
و لو كل ده تمام هنخوش بقى على حل فتيس و غسيل من جوه و كشف على البلوف و السنان بتاعت التروس
بس ان شاء الله خير ربنا يعينك

الزيت مطبوط مش ناقص ومفيش حاجه بتسرب معلش
ايه هي وظيفه السلكتور سويتس
انا النهارده مشيت مانيوال بالعربيه 123 وكنت بحرق سعات وكان طبيعي وبعدها جربت ال r ومعملش حاجه هي مبتحصلش كتير وخفت عن الاول بس انا هكشف كمبيوتر دا المقروض فعلا متشكر ليك يا استاذ رامي

المشاركة الأصلية كتبت بواسطة ahmed-elsayed

ياريت كنت اقدر افيدك كنت رديت اكيد

ان شاء الله تلاقي حل قريبا

متشكر ليك وياريت متزعلش من المنتدي احيانا الناس بتبفي مشغوله واصلا الفتره دي اتنين من المشرفين عندهم ظروف ومشغولين الشغل كلو علي فادي باشا وانت سؤالك سهل فا الحاجات دي بيسبوها لاي حد قي المنتدي ممكن يرد عليها