ممكن مساعده في الفتيس الاوتوماتيك

**=ISLAM=** · 29-08-2010 08:40 PM

السلام عليكم

انا ان شاء الله هاستلم النيو اكسنت الاوتو خلال ايام ودي اول مره اركب فيها عربيه اوتو

فكنت عايز اعرف ايه اللي المفروض يتم في كل وضع من اوضاع الفيس (P-R-N-D-2-L)

ولو ماشي مثلا في اشاره بيبقي في حاجه زي المور بتاع المانيوال ولا اخليه برده علي ال D

لو ركنت مثلا العربيه في الجراج السايس كان بيقولي مور ونزل الهاند بريك ده برده ينفع في الاوتو ولا ليه تأثير

علي الجير بوكس

ده شكل الفتيس الاوتو بتاع النيو اكسنت

مستني ردودكم ,,,,,,,,,,

**AlGazar2** · 30-08-2010 03:42 AM

اولا الف مبروك العربية و ربنا يديك خيرها و يكفيك شرها

ال p ده للركن و بتجيبة بعد ما بتشد الهاند عشان ماتحملش على الجير
ال r الرجوع للخلف و لازم العربية تكون متوقفة تماما عشان تجيبة عشان لو بتتحرك بتبوظ الجير
ال n ده المور زى المانيوال بالظبط
ال d الغيارات الاوتو ال 4 و الغيار الرابع لو انت الى هاتنقل (زى المانيوال كده)
ال l ده لو طالع مطلع او كوبرى او عايز عزم عالى ده بالظبط زى الاول و التانى فى المانيوال
ال 2 ده زى الغيار التالت فى المانيوال

**=ISLAM=** · 30-08-2010 11:19 AM

المشاركة الأصلية كتبت بواسطة AlGazar2

اولا الف مبروك العربية و ربنا يديك خيرها و يكفيك شرها
امين يا رب العالمين والله يبارك فيك ومتشكر جدا لرد حضرتك
ال p ده للركن و بتجيبة بعد ما بتشد الهاند عشان ماتحملش على الجير
ال r الرجوع للخلف و لازم العربية تكون متوقفة تماما عشان تجيبة عشان لو بتتحرك بتبوظ الجير
ال n ده المور زى المانيوال بالظبط
يعني بستخدمه امتي مثلا ؟؟
ال d الغيارات الاوتو ال 4 و الغيار الرابع لو انت الى هاتنقل (زى المانيوال كده)
ال l ده لو طالع مطلع او كوبرى او عايز عزم عالى ده بالظبط زى الاول و التانى فى المانيوال
انت تقصد لو الكوبري واقف اجيب ال L ولو ماشي عادي اخليني علي ال D??? وهل ينفع اغير من ال D الي L وانا ماشي ولا لازم اوقف العربيه؟؟؟
ال 2 ده زى الغيار التالت فى المانيوال
طب بستخدمه امتي ؟؟

**AlGazar2** · 31-08-2010 04:03 AM

ال n بتستخدمه لو واقف فى اشارة و هاتطول او مستنى حد و مشغل التكيف و مش عاوز تبطل العربية عشان تريح الماتور و الفتيس و الفرامل

و مينفعش تنزل من ال d على l على طول مش هايجى معاك هاتنزل على 2 و ده عشان تاخد عزم (كيك داون مانيوال )

بتستخدم ال 2 بعد ال l و ممكن تطلع بيه عادى بس العربية مش هتاخد الرابع لوحدها

و عشان تنقل لازم تدوس على الزرار الى فى العصاية و فيه عربيات لازم تبقى دايس على الفرامل خفيف