التناحه بجاحه

**Omar.Shawki** · 30-05-2010 09:40 PM

المشاركة الأصلية كتبت بواسطة أم حمـــاس

احيانا بشوفه الموضوع دا..بس بحس انهم بيستخدموا سياسة الاستخدام العادل الي حد ما

الناس اول متشم ال 80 تجري تفول وعلصبح بيكون كله خلص

تمام كده سياسة الاستخدام العادل
كمية البنزين فى العربيات = كمية البنزين فى الجراكن

**abo_lamar** · 30-05-2010 10:51 PM

فعلاً عالم معفنة وشويه شحاتين

**Ralliart** · 30-05-2010 11:28 PM

طيب قول بتوع البنزينه بيبقو متعاقدين على مرتبات قليله على اساس انهم هياخدو تبس (دا طبعاً ميديلوش حق انه يطلب بس على الاقل بيشتغل)
انما انا النهارده واقف في الاشاره وجالي واحد حوالي 20 سنه وسليم مفيهوش عاهات وهدومه مقطعه وعمال يقولي اديني حاجه اساعد بيها اخواتي وبيتمسكن فقلتله معاييش فكه (فعلاً مكانش معايا) راح ماسك في ايدي وعايز يبوسها فدورتله على جنيه في العربيه واديتهوله راح قايلي مانت معاك فكه على قلبك اهو وراح شايط الرفرف وطالع يجري !!!!!
انا وقفت على جنب وفضلت متنح عشر دقايق على ما استوعبت الموقف

**hobaz** · 30-05-2010 11:39 PM

الأشكال ده مش بس في البنزين دي بقت في كل مكان (تقريبا) بيقدملك خدمة او بيبعلك حاجة........

**تامر.محمد** · 30-05-2010 11:45 PM

المشاركة الأصلية كتبت بواسطة cyborg_ift

واديته جنيه تيبس يقوم الباشا باصص للجنيه بإستحقار ويقولي هات جنيه كمان :i_angr1[1]:

خد منه الجنيه و امشي

من فترة قريبة كنت في بنزينة , المهم كنت بامون 5 لتر بس (لأني بعدها كنت هاغسل التنك فمش عايزه مليان ) , مونت ال5 لتر , و اتبقى من الفلوس 75 قرش بالظبط , نقلت العربية عند بتاع الهوا في نفس البنزينة عشان اظبط هوا الاستبن , ظبطه واحد تاني , و شال معايا الكاوتش فقلت ادي له تيبس , حيث اني ما كانش معايا ولا مليم فكة اصلا , قلت للي مون لي انا ليا باقي , بصي لي باندهاش و ازدراء , و قال لي "اتوردوا" , قلت له "هو انا قلت مش عايزهم ؟" و انا من جوايا متضايق اني عامل موقف على 75 قرش بس الموقف ضايقني , بصيت للتاني و ضحكت , و قلت له ما معاييش فكة تاني خالص للأسف , و مشيت

**تامر.محمد** · 30-05-2010 11:46 PM

المشاركة الأصلية كتبت بواسطة Ralliart

طيب قول بتوع البنزينه بيبقو متعاقدين على مرتبات قليله على اساس انهم هياخدو تبس (دا طبعاً ميديلوش حق انه يطلب بس على الاقل بيشتغل)
انما انا النهارده واقف في الاشاره وجالي واحد حوالي 20 سنه وسليم مفيهوش عاهات وهدومه مقطعه وعمال يقولي اديني حاجه اساعد بيها اخواتي وبيتمسكن فقلتله معاييش فكه (فعلاً مكانش معايا) راح ماسك في ايدي وعايز يبوسها فدورتله على جنيه في العربيه واديتهوله راح قايلي مانت معاك فكه على قلبك اهو وراح شايط الرفرف وطالع يجري !!!!!
انا وقفت على جنب وفضلت متنح عشر دقايق على ما استوعبت الموقف

يا نهار اسوح
O_O

**Hondawy_2008** · 31-05-2010 02:38 AM

المشاركة الأصلية كتبت بواسطة ralliart

طيب قول بتوع البنزينه بيبقو متعاقدين على مرتبات قليله على اساس انهم هياخدو تبس (دا طبعاً ميديلوش حق انه يطلب بس على الاقل بيشتغل)
انما انا النهارده واقف في الاشاره وجالي واحد حوالي 20 سنه وسليم مفيهوش عاهات وهدومه مقطعه وعمال يقولي اديني حاجه اساعد بيها اخواتي وبيتمسكن فقلتله معاييش فكه (فعلاً مكانش معايا) راح ماسك في ايدي وعايز يبوسها فدورتله على جنيه في العربيه واديتهوله راح قايلي مانت معاك فكه على قلبك اهو وراح شايط الرفرف وطالع يجري !!!!!
انا وقفت على جنب وفضلت متنح عشر دقايق على ما استوعبت الموقف

مش لاقي كلام أقوله بصراحة !!! أنا تنحت 10 دقايق لما استوعبت اللي أنت كاتبه برده :)))

**M.Osman** · 31-05-2010 04:04 AM

يا اخي نفسي انزل امون عربيتي بنفسي زي الدول المتقدمة ...
لازم يعني نقابل النوعيات اللي تحرق الدم دي جنب البنزين سريع الإشتعال !!؟؟؟؟

**Hmatchy** · 31-05-2010 05:54 AM

المشاركة الأصلية كتبت بواسطة memo_p910

والله ياجماعه بما اني عشت فتره بره مصر فأقدر أقولكم انكم كلكم غلطانين وكلكم مسؤولين وانتم السبب في اللي بيحصل ده
في كل البلاد اللي رحتها مفيش حاجه اسمها تبس اطلاقا وصدقوني هوا ده الصح
مثال بسيط : لما تدفع انت تبس لعامل المحطه يقوم صاحب المحطه ما يدفعلهمش مرتبات مادام التبس موجود والنتيجه : صاحب المحطه مشغل العمال عنده ببلاش والمكسب كله يروح له هو فقط وبالتالي = ثراء فاحش لصاحب المحطه على حساب المواطن العادي

ولما تدفع النهارده جنيه برضاك بكره هاتدفع 2 جنيه غصبا عنك

كلنا غلطانين اللى قاعين فى البلد و اللى سابوها و سافروا
المسئولية مسؤلية الكل بلاش يا جماعة والنبى نعد نحدف التهم على بعض بدل ما ندور فى اللى فات و اللى حصل خلونا ندور و نحل و نصلح اللى جاى