التناحه بجاحه

**cyborg_ift** · 30-05-2010 09:54 AM

مش عارف ليه معظم الشعب المصري بأه فيه تناحه غريبه إتقلبت لبجاحه

قولي إنت لو في الموقف ده هتعمل ايه

روحت الصبح لمحطة التعاون اللي في المريوطيه هرم وفولت 80 المهم بدي الراجل الحساب واديته جنيه تيبس يقوم الباشا باصص للجنيه بإستحقار ويقولي هات جنيه كمان

والله العظيم لولا إني مستعجل كنت أكلته الجزمه لإنه إنسان بجح وإستغلالي ولعلمكم هما فاكرين نفسهم بيحسنوا علينا بالبنزين المدعم كإنهم جايبينه من بيت أهاليهم

وأنا قررت إني مش هديهم شلن يزياده تاني حتى لو حسابي ناقصله بريزه هرمي بيه بنزين على الأرض

**Lion_Heart** · 30-05-2010 10:02 AM

فعلا بجااااااااااااحة

**YaSSerwIN** · 30-05-2010 10:03 AM

دة الطبيعى

انت دلوقتى هاتديله جنية بكرة هايبص لأكتر من الجنية

نظرتهم للأنسان الى راكب عربية ( ما انت راكب ملاكى بقا ياباشا )

**cyborg_ift** · 30-05-2010 10:29 AM

طب والحل يا جماعه أنا والله دمي محروق من ساعتهه

**most_wanted** · 30-05-2010 11:02 AM

انا بديله نص جنيه بيقي طاير من الفرحه:d

**shaddadfalcon1** · 30-05-2010 11:15 AM

انا دايما بفول من بنزينه معينه وهما هناك عارفيني
لو قلتله فول بيبقي سايب كسر يعني 49.5 فانا بديله 50 وامشي بلطبعا لو مش عايز اديله هو او اي حد تاني هغلس وممكن انده المدير بتاع المحطه

**cyborg_ift** · 30-05-2010 11:27 AM

لأ يا جماعه انت لما بتروح تفول بنزين 80 اللي في المحطه بيحسوا إنهم بيتكرموا عليك فبيحاولو يفرضوا أتاوه وده لاحظته في كذا بنزينه وحصلتلي كذا مره

**Karim_Mohy** · 30-05-2010 11:35 AM

هي فعلا بجاحة.........

بس مرة كنت بسال عامل في البنزينة علي 80.......قالي احنا مستنيينه اكتر من صحاب العربيات علشان المصلحة اللي بتطلعلهم بتتقسم عليهم

اي نعم هو استغلال.......بس قلي ايه تاني بتدفعه مفيهوش استغلال.....اقرب موقف المرور لما بترخص بتدفع غصب عنك عشان تنجز

فالفكرة ان الواحد يدفع بطيب نيه واكيد ربنا هايباركلك......بس فعلا في البجاحة انهم يطلبوا زيادة.......وحلها انك تقفش عليه.....او تدفعهم بطيب نية ماجتش ع الجنيه الزياده في التفويلة ( بس مش غصب عنك ).......تدفعهم بمزاجك

**mohamed_kta** · 30-05-2010 11:36 AM

اعتقد فعلاً دى مشكلة عند كل بنزينه بتحط 80 بس ولا تتنرفز ولاحاجه و سيبك منه و امشى و لو هطروح بعد كده نصيه متدلوش أصلاً

-

الموضوع: التناحه بجاحه

LinkBack

أدوات الموضوع

عرض

التناحه بجاحه - انشر الموضوع فى :

-

-

-

-

-

-

-

المواضيع المتشابهه

فتى ونصب تجار المستعمل بجاحه عينى عينك ........

الكلمات الدلالية لهذا الموضوع

المفضلات

المفضلات

ضوابط المشاركة