الموضوع: دردشة صقور نيسان .. ادخل عرفنا بيك ودردش معانا .. ومتكتفيش بمشاهدتنا وخاليك جرئ

دايما بتمتعنا بأفكارك المنورة.

المشاركة الأصلية كتبت بواسطة osama_i

السلام عليكم و رحمة الله و بركاته

معلش جاى متأخر....
حدخل فى الموضوع على طول
بالنسبة لسؤال م/محمد و أستاذ أحمد بخصوص موضوع دهب انا حتكلم على التكاليف كإجمالى مع مراعاة الشراكة :
1- الطريق من القاهرة لدهب عن طريق شرم الشيخ حوالى 50 لتر بنزين 92 ( يعنى 1.85*50= 92.5 )
2- سعر الغرفة فى فندق معقول على البحر يعنى (تلفزيون ، تكييف ، حمام خاص ، حمام سباحة ، منى بار ) بدون وجبات بحوالى من 200 لـ 250 للغرفة المزدوجة. "و ده بفضلو على اساس انك تكون حر الحركة تصحى وقت ما تصحى و تاكل فى أى حته تعجبك الأكل اللى انت عايزه".
3- سعر الغرفة المزدوجة فى فندق 4 نجوم "فطار و عشاء" 500 جنيه .
4- يفضل ان الأجازة مش أقل من 3 أيام علشان تستمتع بالبلد.
5- أماكن الفسحة "وادى جنى + البلو هول + اللسان ..."
6- المسافة من دهب لشارم الشيخ 85 كيلو يعنى يوم العودة للقاهرة ممكن تركن يوم.

يا استاذ أحمد و يا م/محمد بردو لو ناوين "و اى حد من الأعضاء" يا ريت تبلغونى بالميعاد علشان ليكوا أخ فى دهب يعرف يظبط بردو....

قشطه وانا صراحه عايز اعمل دايفنج وسنوركلنج في البلو هول ورحله سفاري بالبيتش باجي مش بالجيب واطلع الجبل
بس كده ياخدو كام يوم؟

المشاركة الأصلية كتبت بواسطة ahmed.tv

انا راشق معاكم وتسلم يامحمد على التفاصيل الجميلة دى

الاكل هناك اسعاره معقولة فى البلد ولا ايه
عشان لو كانت غالية يبقا الواحد يحجز بالاكل ويريح دماغه

والفسح والاماكن اللى قولت عليها اسعارها فى متوسط كام

وهل الصيف اللى داخل الجو اخباره ايه ولا ناجلها الى شهر 9 افضل

بص يا احمد هو اسامه هيفيدنا اكتر بس انا هنقلك تجربه الناس اللي راحت
الجو غالبا هيبقي حر في الصيف بس هنستحمل
البلد عامه يغلب عليها طابع الاسعار الرخيصه فمش هتفرق كتير بالاكل او بدونه
وانا شخصيا واحد من الناس ممكن اقضي ال3 وجبات كيس شيبسي في رغيف اهم حاجه افكر في الاستمتاع بالحاجات اللي مشوفتهاش قبل كده انما انا وحش اكل في القاهره .......انت مش غريب
ومستنين خبره اسامه