الموضوع: دردشة صقور نيسان .. ادخل عرفنا بيك ودردش معانا .. ومتكتفيش بمشاهدتنا وخاليك جرئ

المشاركة الأصلية كتبت بواسطة No Comment

حيلك حيلك انت وهو ... كافيه نيسان ايه اللى هتفتحوه على كافيه هوندا من غير رأى ملاكها وانا وأحمد تى فى .
وبعدين الكلام ده كبير وعاوز دراسات مستفيضة ... ولازم يكون كدة على مستوى القاعدة .
وبعدين لما نبقى نستقر ونتفق على جدوى المشروع ... نبقى نخلى طارق زين يعملنا مقايسة بتكاليف المشروع .
انتوا عارفين ان موضوع فتح القهوتين على بعض محتاج تكاليف ومصاريف كتيرة ... بما ان قهوتنا فوق قهوتكم واقدم منها .
وكمان لازم نتفق ونتعاهد بما انكم تحت والزباين هيعدوا عليكم الاول قبل ما يطلعولنا ... بلاش الحركات النص كم اللى ممكن تعملوها وتخطفوا الزباين اللى طالعين لينا وتغروهم بالبقاء عندكم .
ومتنسوش اننا فتحنا القهوة قبلكم ولينا خبرة فى هذا المجال ... فلازم نسبة الارباح تكون عادلة يعنى 60% لينا و40% ليكم ، مع الاحتفاظ بحق الادارة .

يا باشا الموضوع خلاص إنتهى سعادتك فقدت مصداقيتك وسيطرتك

على قهوة الهوندا وبناء عليه
مفيش ولا ملكيه ولا إدارة ليك وبناء عليه مرة تانيه

أنصحك بالتنحى حقنا للدماء

وهتعامل معامله طيبه كزبون خمس نجوم وطلباتك كلها على حسابى