الموضوع: لكل من يشكك في تسارع الانسر .... !! هل من مبارز ؟؟؟

صاحب الموضوع راجل محترم جدا
انا احترمتو جدا بصراحه تحيه منى ليك

المشاركة الأصلية كتبت بواسطة minicooper20

صاحب الموضوع راجل محترم جدا
انا احترمتو جدا بصراحه تحيه منى ليك

n
+1+1+1+1+1+1+1+1+1+1

يا جماعة الموضوع مش قوه مواتير وخلاص, يعنى مش موضوع عزم وعدد احصنة, الموضوع داخل فيه وزن العربية (kerb weight), ونوع البنزين المستخدم, وتكنولوجيا الفتيس, و الايروداينمكس بتاع الشاسيه, الطريق نفسه طالع ولا نازل( مثلا لو عربية عزمها عالى والهورس باور مش عالى هتلاقيها فى المطالع وحش بس فى الطرق المستوية تسارعها مش اد كدة)

عموما العربيات البنتكلم عليها (compact sedan) بمواصفاتها اللى عندنا (1600cc) مش مصصمة انها تكون ليها الافضلية للتسارع وبس,
مثال, الفيرنا صعب قوى عربية تتطلع منها من 0 - 100 دة عشان kerb weight بتاعها قليل جدا (مثلا اقل من البومة ب 15% تقريبا واقل من الشارك ب 25%) رغم ان الشارك والبومة كقدرة حصانية وعزم اعلى من الفيرنا.
نفس القصة فى الجيتا اللى تسارعها اقل من العربيات اللى بنتكلم عليها بس كوزن صافى هى اثقل من كل دول وعشان كدة طلعتها بطيئة بس مش معنى كدة ان اجماليا هى وحشة بالعكس

عموما كل واحد بيحب عربية كpackage مش عشان حاجة واحدة او مواصفة واحدة بس فيها
وتقبلوا مرورى

المشاركة الأصلية كتبت بواسطة semsem kane

انا كان ليا تجربة مع اللانسر لاكثر من 500 كم وقولت رأى فيها بكل صراحة

وبردة جربت السيراتو والالنترا 2010 اقدر اقول ان فعلا اسرعهم الالنترا بدون كلام مع ان محرك السيراتو احدث والهورس باور بتاعة المفروض اقوى بس عيب العربيتين دول الثبات اللى بيروح بعد ال140

اللانسر كويسة جدا كسيارة مدينة بس للاسف ماتنفعش تجرى بيها زى الفئات التانية دة مش معناة انها بطيئة لكن التسارع من 0 الى 140 الى حد ما شغال لكن بعد كدة العربية بتتأخر اوى سواء 1300 او 1600
واعتقد ان كل السيارات كلها كدة لانها ببساطة مش مصممة لل الجرى هية مصممة لتوفير البنزين والهدوء النسبى للمحرك وخفض التكاليف ودة واضح من العفشة العادية للسيارة واللى بتقل جودتها سنة بعد سنة
وبالنسبة للعربيات اللى بتجيب 220 والكلام دة طيب السؤال هنا بتجيبهم فى زمن قد اية ؟؟؟؟؟؟؟؟ مانت ممكن عربية بتجيب 200 بس بتوصلهم فى قد اية هية دية النقطة مش نقطة ان عربية وصلت ل200 تبقى صاروخ لأ مش هو دة المقياس ابدا

ومش بردة مقياس العربية انها بتوصل من صفر ل100 فى زمن 10 ثوانى يبقى Standard فى كل الحالات ممكن واحد يعمل اقل وواحد يعمل اكتر حسب حركتك وضغطك على البنزين وحالة الطريق والهواء المعاكس ونوع البنزين وسرعة نقلاتك كل دة بيحدد زمن التسارع

وممكن يبقى فية اتنين بيتسابقوا واحد بعربية ماتورها اقوى حصانيا والتانى اضعف منة والاضعف يطلع منة بسبب ان التانى خايف يضغط على المكنة كدة من السكون لكن بعد كدة بيبدأ ياخد قوتة ويظبطة على الطريق وهو دة الصح والحركة دية بتثبت فعلا ان محركة اقوى لانة خلاة يطلع قبلة وكمان جابة وعداة

ياريت بس ياجماعة يبقى كل دة نحطة فى اعتبارنا واحنا بنقارن وعموما لو عايز تجرى مع عربية يبقى انصحك بلاش لان فعلا الناس بقت غشيمة والطرق منيلة وفى الاخر كل واحد هيمشى فى طريقة وانت هتقول علمت علية وانت ماتعرفش عربيتة فيها اية

اهلا يا استاذ semsem kane
فكرنى انا فعلا قرأت موضوعك فى قسم هوندا واعطتك رأيى و بالنسبه لرأيك هنا فى موضوع ده فعلا عجبنى جدا ورأى محايد و مظبوط و بردوا ردود صاحب موضوع عجبتنى هو مش عايز يثبت ان لانسر افضل حاجه هو عامل موضوع للمناقشه و تجربه كل واحد انه وصل ل 100 فى اد ايه اقولك على حاجه اخيرة انا لما قريت موضوع ده حسيت ان صاحب موضوع عايز يعمل حاجه شبه برنامج توب جير كده للمتعه فقط مش انه يقول لانسر افضل او كده ده احساسى وبنقله لكم بكل امانه
وربنا يوفقنا فى حياتنا ويبعد عنا شر و يحرصنا ويحرص عربياتنا و يوسع رزقنا ان شاء الله سلام
اه اسف نسيت اشكر صاحب موضوع على فيديوهات دى لأنها حلوة منها اتفرجت على صالون و تابلوه عربيات و سمعت صوت محرك و اشكره تانى على جهده فى تجميع فيديوهات

المشاركة الأصلية كتبت بواسطة superb

ياريت اي جماعه نلم الموضوع .. متنسوش .. التيربو نزل البلد
.. يعنى كلنا نركن لأن ببساطه ممكن تلاقى النهارده جولف معديه من جنبك حلقالك و هى موديل 17 سنه فاتو .. تخيلو معايا صاحب العربيه الجولف دى و راكب موتور بيطلع فوق ال 250 هورس و هو شايفنا فى الموضوع دا .. انا لو مكانه هضحك سنتين متواصل ههههههههههههههههه .. تقبلو سلامى و تحياتى لصاحب الموضوع :)

كلامك صح ...
بس أنا راعيت برضه في الفيديوهات اللي جمعتها دي إن كل العربيات دي تكون استوك مش ملعوب فيها خالص .. ولو قريت تعليقات صاحب الفيديو في أي فيديو هتلاقيه بيأكد دايما إنها عربية استوك مش ملعوب فيها ..

المشاركة الأصلية كتبت بواسطة minicooper20

صاحب الموضوع راجل محترم جدا
انا احترمتو جدا بصراحه تحيه منى ليك

الله يكرمك يا حبيب قلبي .. والله حضرتك اللي فعلا إنسان محترم .. و أنا هنا علشان أتعلم من حضراتكم بجد

المشاركة الأصلية كتبت بواسطة أبو إياد

انا قريت الموضوع لغايه المشاركه 14 فاللى استنتجته ان كل اللى داخل يهاجم اللانسر ماركبهاش ومايعرفش ادائها ايه
العربيه دى من اكتر العربيات اللى اتظلمت بعيد عن السيارات الاوربى انا ركبت لغايه السيراتو كوبيه مرورا بالسيراتو والالنترا والكروز والكورولا فانا مقتنع عن تجارب شخصيه وليس بالسمع ان افضل السيارات لغايه 150000ج هى البومه 1600 طبعا والكورولا 2007 والاتنين سعرهم اليوم مستعمل مثلا 2007 لا يتعدى 85000ج غير كده فلوس فى الارض ومش معنى انى امتلك عربيه من نوع معين مش شرط انها تكون الافضل وللعلم انا عربيتى مش 1600 والله انا عربيتى 1300 ومانيوال وبالرغم عارف امكانيات عربيتى وعارف حدودها
ياعنى انا فاكر من العربيات اللى تسارعت معاها بس كمهارى مش مواتير مازدا 3 وماعرفوش ولا يعرفنى وطول كوبرى اكتوبر بنشد فى كثافه عليا بس هنا مش محتاجه قوه موتور اكتر من مهاره وقلب جامد طبعا الكلام ده من حوالى 3 سنين
عمر ما تسارع العربيه كان مقياس للافضل واحد صاحبى كان معاه 128 فيها موتور 1600 ماكنش فى حد بيطلع منه فهل ده معناه انه الافضل ؟؟؟؟؟؟؟؟؟؟؟؟؟؟؟

هو لانسر لإنها شعبية شوية .. فماحدش هيقتنع إن موتورها موتور قوي جدا مقارنة بعربيات كتير 1600 زيها .. يعني تقارنها مع أي حد بالكروز .. أي حد هيقولك الكروز دي عربية تحفه و و .. لإن شكلها جديد و لسه مانتشرتش زي لانسر كده .. فانت هترد تقوله كماليات معاك إنها حلوه و قعده مريحة ، لكن موتورها أضعف من موتور لانسر و أي لانسر هتخيطها .. طبعا هيشتمك بعدها على طول ..
و برضه في الأول و في الآخر تسارع العربية فقط عمره ما هيكون العامل اللي أنا بعتمد عليه و أنا بشتري عربية ..

المشاركة الأصلية كتبت بواسطة eno_2004

n
+1+1+1+1+1+1+1+1+1+1

تسلم يا باشا ، و كفاية إنك منور الموضوع بوجودك

المشاركة الأصلية كتبت بواسطة IronHead

يا جماعة الموضوع مش قوه مواتير وخلاص, يعنى مش موضوع عزم وعدد احصنة, الموضوع داخل فيه وزن العربية (kerb weight), ونوع البنزين المستخدم, وتكنولوجيا الفتيس, و الايروداينمكس بتاع الشاسيه, الطريق نفسه طالع ولا نازل( مثلا لو عربية عزمها عالى والهورس باور مش عالى هتلاقيها فى المطالع وحش بس فى الطرق المستوية تسارعها مش اد كدة)

عموما العربيات البنتكلم عليها (compact sedan) بمواصفاتها اللى عندنا (1600cc) مش مصصمة انها تكون ليها الافضلية للتسارع وبس,
مثال, الفيرنا صعب قوى عربية تتطلع منها من 0 - 100 دة عشان kerb weight بتاعها قليل جدا (مثلا اقل من البومة ب 15% تقريبا واقل من الشارك ب 25%) رغم ان الشارك والبومة كقدرة حصانية وعزم اعلى من الفيرنا.
نفس القصة فى الجيتا اللى تسارعها اقل من العربيات اللى بنتكلم عليها بس كوزن صافى هى اثقل من كل دول وعشان كدة طلعتها بطيئة بس مش معنى كدة ان اجماليا هى وحشة بالعكس

عموما كل واحد بيحب عربية كpackage مش عشان حاجة واحدة او مواصفة واحدة بس فيها
وتقبلوا مرورى

أكيد كلام حضرتك كله مظبوط .. و ده أنا أكدته في أكتر من مشاركه
و هتفضل كل عربية ليها قيمتها ..
مش معنى إن الإلنترا الجديدة تشد مع السيفيك و تعدي منها أحيانا يبقى أنا هقول عليها عربية جامده .. لا لا أبدا .. الموضوع ده محسوم .. و الإلنترا الجديد عمرها ماتيجي في قيمة جنط من جنوط السيفيك ...

المشاركة الأصلية كتبت بواسطة semsem kane

انا كان ليا تجربة مع اللانسر لاكثر من 500 كم وقولت رأى فيها بكل صراحة

وبردة جربت السيراتو والالنترا 2010 اقدر اقول ان فعلا اسرعهم الالنترا بدون كلام مع ان محرك السيراتو احدث والهورس باور بتاعة المفروض اقوى بس عيب العربيتين دول الثبات اللى بيروح بعد ال140

اللانسر كويسة جدا كسيارة مدينة بس للاسف ماتنفعش تجرى بيها زى الفئات التانية دة مش معناة انها بطيئة لكن التسارع من 0 الى 140 الى حد ما شغال لكن بعد كدة العربية بتتأخر اوى سواء 1300 او 1600
واعتقد ان كل السيارات كلها كدة لانها ببساطة مش مصممة لل الجرى هية مصممة لتوفير البنزين والهدوء النسبى للمحرك وخفض التكاليف ودة واضح من العفشة العادية للسيارة واللى بتقل جودتها سنة بعد سنة
وبالنسبة للعربيات اللى بتجيب 220 والكلام دة طيب السؤال هنا بتجيبهم فى زمن قد اية ؟؟؟؟؟؟؟؟ مانت ممكن عربية بتجيب 200 بس بتوصلهم فى قد اية هية دية النقطة مش نقطة ان عربية وصلت ل200 تبقى صاروخ لأ مش هو دة المقياس ابدا

ومش بردة مقياس العربية انها بتوصل من صفر ل100 فى زمن 10 ثوانى يبقى Standard فى كل الحالات ممكن واحد يعمل اقل وواحد يعمل اكتر حسب حركتك وضغطك على البنزين وحالة الطريق والهواء المعاكس ونوع البنزين وسرعة نقلاتك كل دة بيحدد زمن التسارع

وممكن يبقى فية اتنين بيتسابقوا واحد بعربية ماتورها اقوى حصانيا والتانى اضعف منة والاضعف يطلع منة بسبب ان التانى خايف يضغط على المكنة كدة من السكون لكن بعد كدة بيبدأ ياخد قوتة ويظبطة على الطريق وهو دة الصح والحركة دية بتثبت فعلا ان محركة اقوى لانة خلاة يطلع قبلة وكمان جابة وعداة

ياريت بس ياجماعة يبقى كل دة نحطة فى اعتبارنا واحنا بنقارن وعموما لو عايز تجرى مع عربية يبقى انصحك بلاش لان فعلا الناس بقت غشيمة والطرق منيلة وفى الاخر كل واحد هيمشى فى طريقة وانت هتقول علمت علية وانت ماتعرفش عربيتة فيها اية

ماشاء الله عليك .. كل كلمة في كلامك بتقولها و انت عارف انت موديها فين و بتقولها ليه ..

أنا فعلا إلنترا 2009 كانت تعبتني و طلعت عيني باللانسر مرة .. و ماكانش عندي أي مانع أنزل أقول لصاحب الإلنترا .. العربية دي في التسارع من 0 - 120 تقريبا كفائة بجد .. لكن برضه أنا عمري ماشتريها لإن ثباتها سيء جدا ..
و الأرقام الاستاندرد اللي نازله من الشركة مش هي الدليل أبدا .. لإن السيراتو 124 حصان المفروض .. و مع ذلك المازدا اللي هي 105 حصان بتقعد تلاعب السيراتو على الطريق ولا كإنه بابا بيلاعب إبنه الصغير ...
و اللانسر من فوق الـ 140 خلاص اتفرج على فيلم أجنبي بقى لحد ما العداد يلمس 180 ..

و أجمل حاجة في كلامك نقطه إننا لازم نكون حذرين ، و نسوق علشان نوصل و نعدي طريقنا و خلاص .. مش كل واحد سايق لازم يقعد منفسن مع أي عربية تعديه في الطريق و يحاول يعديه و هكذا ..

المشاركة الأصلية كتبت بواسطة bassem_sams

اهلا يا استاذ semsem kane
فكرنى انا فعلا قرأت موضوعك فى قسم هوندا واعطتك رأيى و بالنسبه لرأيك هنا فى موضوع ده فعلا عجبنى جدا ورأى محايد و مظبوط و بردوا ردود صاحب موضوع عجبتنى هو مش عايز يثبت ان لانسر افضل حاجه هو عامل موضوع للمناقشه و تجربه كل واحد انه وصل ل 100 فى اد ايه اقولك على حاجه اخيرة انا لما قريت موضوع ده حسيت ان صاحب موضوع عايز يعمل حاجه شبه برنامج توب جير كده للمتعه فقط مش انه يقول لانسر افضل او كده ده احساسى وبنقله لكم بكل امانه
وربنا يوفقنا فى حياتنا ويبعد عنا شر و يحرصنا ويحرص عربياتنا و يوسع رزقنا ان شاء الله سلام
اه اسف نسيت اشكر صاحب موضوع على فيديوهات دى لأنها حلوة منها اتفرجت على صالون و تابلوه عربيات و سمعت صوت محرك و اشكره تانى على جهده فى تجميع فيديوهات

والله انت الوحيد اللي حاسس بيا ..
كلامك مظبوط .. أنا مش قاصد أعلي لانسر على أي عربية تانية ..
أصل الحق حق و ماحدش بيعرف يداري الحق .. مهما أنا عليت اللانسر على افتراض يعني على عربيات تانية أفضل في التسارع منها .. على أرض الواقع هيجي يوم و هتتأكد بنفسك بالدليل إن كلامي غلط ..
أنا اديت اللانسر حقها في الفيديوهات بزياده بس لإن دي عربيتي و ده اللي أنا فعلا عملته بيها بالأرقام .. علشان كده جيبت اللي يثبت أداء العربية معايا ..
و فيه عربيات تانية برضه أنا مجربها كويس أوي زي الأوبترا و السيراتو و الياريس و الكورولا و الصني و التيدا .. أنا عارف أدائهم كويس أوي علشان كده برضه بتلكم عنهم و أنا واثق إن الفيديوهات دي صح و حق لإن ده هو هو بالظبط اللي حصل معايا ..
ممكن يكون فيه عربيات زي المازدا أو السيفيك أو إلنترا الجديده أنا مش عارفهم كويس .. فجيبت أفضل فيديو لكل عربية .. و ممكن يجي واحد معاه مازدا يقولي الكلام ده غلط و أنا عربيتي تسارعها أفضل من كده .. أقوله مافيش أي مشاكل نزلنا الفيديو مشكورا من فضلك ... و بكده نعمل حلقة نقاش بالفيديوهات موثقة و نعمل ترتيب كده لتسارع العربيات بتاعتنا ، و كل واحد يصور عربيته و ينزل فيديو .. و هكذا ...
فتلاقي الموضوع فعلا في الآخر عملنا منه نتيجة محسومه كلنا متفقين عليها ..
لكن لو كل واحد قالي تعالى نشد مع بعض و خدناها تحدي شخصي مش هنطلع بكلمة مفيدة ..
و أنا عارف إن التسارع من0 إلى 100 مش مقياس لأداء العربية ... لكن هو عامل من العوامل ..
و بجهزلكم كمان موضوع تاني نقيس فيه عامل الثبات على اختبارات مووس الأوروبية لثبات السيارات...
و هكذا .. بكده نبقى علمنا تقييم للعربيات اللي في السوق المصري .. علشان اللي يحب يشتري عربية يبقى عارف بالدليل القاطع إن دي تسارعها أفضل من دي و ثباتها أقل من دي و سعرها أغلى من دي .. و هكذا ...
و ممكن ننقل الموضوع ده لمنتدى المقارنات علشان كل الناس تشوفه و تتناقش معانا .. بس خايف والله كل الناس تنتقدني برضه و يشتموا و خلاص ...
و أنا شاكر جدا جدا لتقدير حضرتك .. و بجد كلامك ده بيشجعني جدا و يشرفني إن حضرتك تثني على الموضوع ..
و يارب أعرف أقدم أي إفادة لأي حد على قد ماقدر ..