تقرير تركيب كاوتش هانكوك للألتو - و انطباعي عن الجوود يير و الفولدا

**lanos2004** · 06-04-2013 12:09 AM

مبروك على الكاوتش

**Amr Axel** · 06-04-2013 12:15 AM

المشاركة الأصلية كتبت بواسطة elkomyalto

مبروك ياباشا
الظاهر ان النتدى كله ركب كوتش مع بعض

انا بالامس لسه مركب فردتين جداد ذى ال لسه شريهم من 5 شهور
وهنزل بالتقرير ان شاء الله

هههههههههه الله يبارك فيك يا باشا اظاهر فعلا كده ربنا يزيد و يبارك :)
الف مبروك الكاوتش الجديد

**dr.hazem** · 06-04-2013 03:18 AM

ألف مبروك عالكاوتش وان كنت متاكد ان الجداد المفروض يركبو قدام لان اصلا حمل الفرامل كلها قدام بسبب وزن الماتور قدام وبالتالي لازم تكون النقشه كويسه والا العربيه هتتزحلق وتلزق بسرعه...
والاصح طبعا استبدال ال 4 وتجيب من الآخر
ههههههههههه

تحياتي

**D . a .\ AYMAN** · 15-04-2013 10:23 PM

تصدق السيناريو اللى بتحكيه ده بالضبط اللى أنا عملته من الجود يير الأصلي بتاعها للفولدا ... بس أنا لما مالاقيتش الهانكوك جبت الكومهو السولوس solos وخلاص ... وحلو مش وحش

بس الجود بتاعها كان مجرم بصراحة مرة اتخرم بمسمار صلب 10 سم .. ونزلت شلت المسمار منه بنفسي وكملت مشي عليه لغاية تاني يوم لأني كنت بالليل وفضلت أزودها ثلاث أو أربع أيام هواء عشان كنت مش فاضي خالص أعملها وبعد كدة بطلت تفضى من نفسها في يوم جمعه رايح بقى أعملها الواد بتاع الكاوتش يحط العجلة في المياه عشان يعرف فين الخرم مش لاقيه خالص ... يعني الخرم اختفى !!!!!

مشكلته إنه كان ناشف جدا وصوته مزعج ... وللأسف ماكملش معايا 50 الف بسبب مشكلة حصلت وتسببت في تقطيع العجلتين اللى قدام تماما فغيرتهم كلهم

جبت الفولدا بقى نفس النقشة اللى انت مصورها الـ إيكو كونترول .. وبرغم إنه كان اطرى من الجوديير ولكنه كان سيء جدا في جودته وكمل 40 ألف بالعافية وطلع فيه بالونة فرقعت وأنا ماشي بس الحمد لله ما عملتش حاجة ... وما حستش بفرق في استهلاك الوقود بسببه ولا حاجة

وبعد كدة جبت الكومهو وأعتقد إنه كويس جدا لغاية دلوقتي ... تقريبا عامل بيه حوالي 15 ألف كلهم على طريق الكريمات أسيوط الجديد على سرعات عالية

المشاركة الأصلية كتبت بواسطة dr.hazem

ألف مبروك عالكاوتش وان كنت متاكد ان الجداد المفروض يركبو قدام لان اصلا حمل الفرامل كلها قدام بسبب وزن الماتور قدام وبالتالي لازم تكون النقشه كويسه والا العربيه هتتزحلق وتلزق بسرعه...
والاصح طبعا استبدال ال 4 وتجيب من الآخر
ههههههههههه

تحياتي

أنا مؤيد لوضع العجلتين جداد في الأمام ... لسبب تاني بالإضافة للأسباب اللى قالها الدتور حازم أهم جدا من تعويم العربية من ورا وهو إن العجلتين الجداد نسبة انفجارهم أثناء السير أقل طبعا من القدام اللى نبسة إنفجارهم اساسا كبيرة جدا لأنهم قدام وممكن يكونو ممسوحين زي ما المصريين بيعملوا ... ولو العجلة اللى قدام إنفجرت أثناء السير يبقى كل سنة وانت طيب ... لكن ده لو حصل في اللى ورا ممكن تلحق تلم العربية إلى حد ما

لكن كون إن العربية تعوم من ورا ... ده ليه وجهة نظر تانية ... وهي إن أساسا اللى بيركب عجلتين فقط بيكون أكيد النقشة اللى قدام مختلفة عن اللى ورا ودا لوحده سبب كافي جدا لأن العربية تعوم من جميع الاتجاهات ... لأن وحدة النقشة بين الأربع عجلات أحد أهم أسباب ثبات واتزان العربية عن تجارب شخصية طويلة جدا مع كاوتشات كتير لمدة 20 سنة تقريبا ... غير طبعا التقارير الرسمية بكدة

عشان كدة أنا بطلت أركب عجلتين قدام فقط نهائيا .. حتى لو هاركن العربية لغاية ما أركب الأربع عجلات جداد مع بعض ... أو أشوف أي عجلتين نص عمر وأركبهم مؤقتا وأنا عارف إنه خطر أمشي بيهم بسرعة ... لكن شراء عجلتين جداد فقط سواء بقى ورا ولا قدام يعتبر إهدار للفلوس اللى ادفعت فيهم ... عشان كدة أنصحك تسرع بعملية شراء العجلتين التانيين ويكونو نفس النقشة عشان تحس بالفرق فعلا

**Amr Axel** · 16-04-2013 02:33 AM

المشاركة الأصلية كتبت بواسطة lanos2004

مبروك على الكاوتش

الله يبارك فيك يا باشا

**Amr Axel** · 16-04-2013 02:35 AM

المشاركة الأصلية كتبت بواسطة dr.hazem

ألف مبروك عالكاوتش وان كنت متاكد ان الجداد المفروض يركبو قدام لان اصلا حمل الفرامل كلها قدام بسبب وزن الماتور قدام وبالتالي لازم تكون النقشه كويسه والا العربيه هتتزحلق وتلزق بسرعه...
والاصح طبعا استبدال ال 4 وتجيب من الآخر
ههههههههههه

تحياتي

الله يبارك فيك يا باشا في الحقيقة العكس هو اللي صحيح ورا مش قدام لكن لو قدام ضايعين يبقي قدام اولي
لكن زي مقولت الاصح نغير الاربعة لوكشة واحدة

**Amr Axel** · 16-04-2013 02:37 AM

المشاركة الأصلية كتبت بواسطة bmw323

ألف مبروك يا عمرو عقبال الجنوط أن شاء الله يامعلم :) ولما تروح تتفرج قولي علشان عاوز اتفرج انا كمان ;)

الله يبارك فيك يا احمد ان شاء الله الجنوط قريب بس مستتقل الموضوع لأن فيه جنوط كتيير تعبانة
بس هنزل اشوف اللي عند اشرفكو في السواح بصراحة ده اكتر واحد فيهم لقيت تعامله محترم و كويس
بس انت بوق يا عم بتفضل عايز تروح عايز تروح و في الاخر تقفل موبايلك او متردش و تقول كنت نايم كذا مرة

**Amr Axel** · 16-04-2013 02:39 AM

المشاركة الأصلية كتبت بواسطة LORD.ADeL

زعلان منك يا ندل
بس مبروك على الارض ياباشا وبلاش لعب كتير ودرفتتت كتير فى تجمع عندك هههههههههههههههه
هانكووك مركه محترمه وعن تجربه وزي ما دوك قال ارمي الجداد قدام وقديم وراء
وفك بلاطه شويه وهتالك 2 جدد وراء اهو غتاته كدة ^_^

هههههه من اولها كده داخل شمال الله يبارك فيك يا باشا
انت عارفني مش بتاع لعب و دريفتات كتيير الا ساعة لما حد يفكر يثبتني يشيل بقي

يا باشا لا فيها بلاطة و لا سيراميكا راجع الموضوع يا ابو عادل هتلاقيني قولت بعدها بيومين جبت الباقي من عند المحل اللي جنب سوق السيارات

-

-

الموضوع: تقرير تركيب كاوتش هانكوك للألتو - و انطباعي عن الجوود يير و الفولدا

LinkBack

أدوات الموضوع

عرض

-

-

-

-

-

-

-

المواضيع المتشابهه

كاوتش هانكوك حلو ولا؟

استفسار هام ...بعد تركيب كوتشات هانكوك جديدةةةةةةةةةةةةةةةةةة

رايكم في الكاوتش الفولدا

بركولى امبارح اشتريت 4 فرد كاوتش جديدة من سمير بيومى هانكوك

تقرير صيانة ال 20,000 للألتو

الكلمات الدلالية لهذا الموضوع

المفضلات

المفضلات

ضوابط المشاركة