الموضوع: هو معقوووول فى كده فى الدنيا !!!!

راجع مشاركة رقم 10 ليَّ

لو لقيت عربية واحدة على المنتدى فيها كمية الشكاوى دي
يا ريت تورهاني

أي عربية طبيعي إن يبقى فيها عيوب بس مش بالشكل ده
ده كل شوية واحد يدخل يكتب شكوى مختلفة
ده غير طبعا موضوع التيل والطنابير وصوت التزيييء وضعف الصاج اللي كل الناس متفقة عليه

برده حنرجع تانى نعمل مشكلة من مفيش قولنا قبل كده نستحمل بعض شوية خصوصا فى اختلاف الآراء بشرط ان تكون بدون تجريح ، وبعدين فعلا كل عربية فيها عيوب بس دى مش حجة اننا نقبل ذلك وهذا هو السبب فى عدم تقدمنا فى مصر لو كل واحد فكر ان كل قرش دفعه فى اى عربية حقه انه ياخد بيه عربية محترمة خالية من العيوب يبقى المفروض لا أقبل أى أعذار ولكن كالعادة فى مصر كل حاجة وليها مبرراتها سواء مقبولة أو غير مقبولة ، وأنا فى رأيى ان شركة نيسان مصر من الشركات المحترمة فى الصيانة وخدمة ما بعد البيع فلو كانت العيوب بسيطة وليس لها علاقة بأساسيات السيارة ويتم تغييرها فى التو فهذا معقول جدا وأعتقد أن أى سيارة جديدة بتاخد وقت شوية فى السوق ويتم أخذ ملاحظات الناس ووضعها فى الإعتبار ده طبعا مع الشركات المحترمة ولكن الشركات النص كم حتى لو كانت سياراتها ماركة محترمة وهى شركة مش ولا بد يعنى يبقى تغور فى داهية والأمثلة على كده فى مصر كتيرة وللأمانة مش فى مصر بس لأ ده كمان فى بعض الدول العربية الشقيقة ولكن الفرق ان هناك بيروح العميل يرجع العربية كلها وياخد واحدة جديدة بنفس المواصفات وبدون انتظار اى حجز لأن الاولوية له عن العميل الجديد وبكده الشركة لما تتقرص من ودانها اكتر من مرة ممكن يوقفوا خط الإنتاج لحين إصلاح العيوب التى ظهرت بالسيارة حتى لا تتأثر مبيعاتها بل بالعكس تزداد ثقة الناس فى التوكيل والسارة معا ودى حصلت فى أحد الدول العربية لكن أن تكون السيارة زيرو وتقعد توديها كل شوية للتوكيل عشان يصلحوا عيوبها أنا مادفعتش آلاف من الجنيهات من عرق جبينى عشان أضيع حقى فى سيارة محترمة (0% عيوب ) وده مصطلح يابانى تعرفه الدول المتقدمة

المشاركة الأصلية كتبت بواسطة Ramy Rateb

شيفروليه أفيو و شوف أخر موضوع (الاستطلاع) بجد حاجة مسخرة
http://www.nilemotors.net/Nile/138521-a.html (الشامل في عيوب الآفيو المتكررة)
http://www.nilemotors.net/Nile/186556-a.html (حل مشكلة الار بي ام ومشكلة تخبيط الباب يمين في الافيو)
نايل موتورز - NileMotors.net - مشاهدة نتائج الإستطلاع

مستنى رأيك

1.ال aveo دي مصر كلها عارفة إنها عربية معفنة
الحكاية دي محسومة من زمان قوي

2.دي عربية نازلة من ييجي 5 سنين
انما اللي مش طبيعي عربية مبقالهاش سنة
ويطلع فيها كل العيوب دي
ولا إيه ؟؟!!!!!!!!!!

3. ال aveo مش فئة ال sunny خالص
فيه فرق سعر مش قليل

برده مردتش عليَّ
إيه اللي يخليني أشتري عربية زيرو أقعد أصلح فيها
وانا و نصيبي بقى في العيب اللي هيطلعلي

قبل ماتقول , العربية مش رخيصة
دي تجميع مصري و فيها مكونات مصري 40 %
والباقي هندي ما عدة الفتيس اللي ياباني
حتى الموتور تجميع هندي

انا اعرف ان بها مكونات هندى ولكن اعتقد ان الموتور يابانى وليس هندى