الموضوع: سكودا رابيد 2013 أول تقرير حصرى من الواقع بالصور من المصريه للسيارات حصريا

المشاركة الأصلية كتبت بواسطة 2code

انا دلوقتي مثلاً بعمل مقارنة بين عربيتين في نفس التصنيف والفئة (رابيد + ريو)

هنطلع الاكسنت طبعاً لان الريو متفوقه عليها في المواصفات بالكامل

وطبعاً مش عارف انت بتجيب سيره الصيني ليه في مقارنة مع السكودا او الكيا

انا بجد عايزك تشوف الخامات بتاعة الشكل الجديد للريو او السيراتو الشكل الجديد انزل المعرض بكرا توكيل كيا وشوف التصميم والخامات


وقارن بقى عربية "مانيوال" مفيهاش الا abs بعربية اوتوماتيك فيها abs - ebd - 2 airbags

يا فندم متقوليش صاج دلوقتي ما كنا زمان بتقول لنا ان الاوروبي عوامل الامان فيه standard ايه اللي حصل دلوقتي ؟

احنا مش عايزين نوصل لمرحلة نشوف فيها قوة الصاج انا عايز وسائل تمنع عني الحوادث بعد يد وعون الله سبحانه وتعالى

هسيبكم بس مع صوره لتابلوه الريو هاي لاين 2013 وتابلوه السكودا رابيد هاي لاين 2013

سكودا رابيد 2013 الشكل الجديد


كيا ريو 2013 الشكل الجديد




باين جوده الخامات من الصور مش عايزه كلام

كفاية بس زراير التكييف :zb_sor1[1]:



ايه ده عربية من سنة 2000 ؟؟؟

كيا ريو 2013 زراير التحكم في التكييف



يعني مش عايزه كلام يا فندم بجد الخامات والجودة والتصميم باينه جداً

احنا بنتكلم برضه عن بيتر شراير في كيا مش اي حد ومش عايز تعريف هو معروف جداً

ده غير لو دخلت في المواصفات الدقيقة هنلاقي فروقات كبيره في الكماليات - للاسف المقارنة لا تجوز فقط لمجرد وجود فتيس مانيوال 5 سرعات في فئة "الهاي لاين" مقابل فتيس اوتوماتيك في الهاي لاين

طبعاً سيارة فقيره ولا ترتقي لمستوي سكودا والمنافسة نهائياً

طبعا يا فندم الكيا ريو عربيه محترمه و انا ركبتها و عاجبانى
وطبعا انا احترم رايك


ولكن خلى بالك السكودا رابيد برده شكلها على الواقع اكيد مختلف عن الصور فى ملاحظة الخامات و الحاجات دى


انا مش بدافع عن عربيه ولا بفضل و لكن كل واحد و ليه وجهة نظره


ناس معاها نفس المبلغ منهم ناس ركيبة للسيارات الاوروبيه و منهم ناس تحب الكورى

المشاركة الأصلية كتبت بواسطة 2code

صدقني يا استاذ يحيى انا كنت منتظر الرابيد في فئة الـsub-compact قلت هنشوف عربية اكيد محترمة لكن للاسف انا فعلاً اتصدمت من اولاً شكل التصميم الداخلي (الخارجي جيد) انما التصميم الداخلي بجد ده تابلوه عربية في سنة 2000 مش تابلوه عربية 2013 وسكودا ونازلة تنافس في فئة فيها كيا ريو واكله الجو في كل مكان

كيا في اخر تقرير ليها بتوضح ارتفاع مبيعاتها عالمياً بنسبة 2.7% واكتر المبيعات كيا ريو
kia corporate news | kia motors global official site

فيعني انت نازل تنافس عربية واخده جايزتين افضل تصميم سنة 2012 واعلى مبيعات في شركتها السنة دي اكيد اكيد اعمل حاجة تقف في وشها

لكن مش يبقى فقر جودة وتصميم التابلوه وكمان سعر غير مبرر 160 الف جنية على عربية مانيوال ومفيهاش الا abs بس

فعلاً كنت مستنى العربية دي اخويا كان بيفكر يشتري عربية وعاجباه طبعاً الريو جداً قلت له نبقى احنا الاتنين ريو لأ طبعاً مش هينفع استني السكودا رابيد هي شويه وهتنزل - طبعاً لايمكن اقول له عليها دلوقتي

لما نشوف الفانتازيا الجديدة يمكن نتصدم مره تانية زي كده مش كفاية فيها الفتيس dsg - سكودا بتصعب على نفسها المستقبل بجد يا جماعة

انا معاك ان فعلا التابلوه فقير شوية
بس يعنى مثلا انا سيارة والدى فولكس سوران
التابلوه انا شوفت تعليقات الناس بيقولوا انه فقير

مع انى شايف انه كويس بحيث ان كل حاجه سهله بالنسبالى وانا سايق


نورت الموضوع يا فندم