الموضوع: تقرير شامل ومفصل عن الـAudi A3 الجديدة مع السعر + الفئة السيدان اللي حتنزل مصر قريب

انت عصبي ليه ؟ يا باشا متجيبهاش عادي انت ليك رأيك ومحدش غصبك تجيب دارت ولا غيرها

انت محسسنا انها عربية فيرنا ولا لادا هو ايه عيب الدودج اصلاً ما عندك محرك ممتاز بتسارع ممتاز واوبشنز كتير وامان ملوش حدود انت اكيد ليك تجربة سيئة مع دودج قديمة اوي فعشان كدا كارهها انما الدارت متتعيبش متتعيبش انما عشان هي مقريبة بشكل كبير من الماركات العالية تلاقيك مستقل بيها بس

يعني مثلاً على سبيل المثال لو سئلت حد متعصب برأيه زي حضرتك كدا وسئلته تختار مرسيدس E300 ولا دودج تشارجر ... حيقولك لا يابا دودج دي ايه اللي عاملة نفسها مرسيدس دي مرسيدس حاجة لا يعلى عليها من اقوى مركات العالم بس هو غافل عن معلومة هامة وهي ان الـE300 بتنزل بمحرك 3000 سي سي 6 سلندر إنما التشارجر يا عم الحج بتنزل بسلامتها بمحرك 5700 سي سي 6 سلندر مش 3000 سي سي وعلى كدا المرسيدس اغلى فبلاش يعني تستقل بيا بمجرد اني ببدي رأيي عن الـA200 وحرجع اقولك بردو العربية تستاهل كل قرش فيها وكذلك الدارت بس بعد الخصم وبعدين كل العربيات غليت يعني النترا ايه دي اللي بـ180 الف ولا i10 ايه دي اللي بـ90 الف خلاص يعني؟ وياريت يعني تعرف ان في حاجة اسمها احترام الرأي والرأي الآخر

بموتور إيه ؟
المتور ال 2.0 للدودج و ال 1.8 للالنترا


مواصفات أمان إيه ؟

8 اير باج للدودج و 6 للالنتر
Abs و esp للاتنين
و tc في الالنترا


options إيه ؟
شاشه و كاميرا في الاتنين
و الالنترا navigation



1. ال dart فيها navigation على فكرة :)
2. فيها TC
تاني هتزعلني منك
يا راجل يا طيب فيه شركة اوروبي هتنزل ESC من غير TC
هي هيونداي هههههه

ممكن ارفعلك ال owner manual بتاعها لو حابب أو بص عليه على dodge egypt

أما بالنسبة للسعر :

طب ما كده بانت
الموتور ال 1.4 ده option وبيزود تمنها بفرق مش قليل لأن ده بينزل في فئات معينة بس
مش بينزل في ال SE خالص

ده غير الفتيس ال DDCT اللي برده option و بيزود تمنها
احسب كل ده وبعد كده تعالى قولي تمنها هيوصل كام

على الاقل تمنها هيزيد 5000 دولار
ده غير قول 3000 فرق موجود في الاصل
يعني هيطلع ال فرق بينها وبين ال elantra بالمواصفات اللي مش نازل نصها مصر
حوالي 8000 دولار

شوف بقى لما ال elantra الفاضية اللي هنا توصل ل 180
مش عاوز دي توصل ل 270


إنت مش قادر تفهمني برده
هم آه نفس الفئة
بس elantra و civic و corolla بره حاجة و هنا حاجة تانية خااااااالص
لو نزلوا بنفس المواصفات ,ساعتها نبقى نقارن
فيه فرق شاسع في التجهيزات وانا سبق ووضحتهولك :)

المشاركة الأصلية كتبت بواسطة horas3000

زي ما انت قلت كل حاجه و ليها تمنها
و الدودج مبتنزلش في امريكا بالمتور ال 1.4
و معتقدش العربيات دي هتعديها لو نزلت بنفس الامكانيات اللي فيها مع حفاظ التوكيلات علي نفس هامش ربح الدودج
و اصلا العربيات دي كلها over priced بالمواصفات اللي نازله بيها



و برضه عشان اكون واضح
انا شايف انها في فئه الكورولا و السيفيك و الكروز
و اقل من الباسات و الاوكتافيا و ال508
و اكيد ال 3 و ال c
و ده مش راي لوحدي
كون الوضع ده مختلف في مصر فانا متفهم كده بس بوضح اللي حاصل فعلا بره مصر

هو من الواضح إن فيه لبس في الموضوع
إنت واخد الموضوع بالاسماء والفئات

أنا واخدها بالسعر فقط لا غير


محدش قال إنها مش فئة الكورولا و السيفيك و الكروز
ما كل دول compact sedans

أنا بأتكلم انهم مش نفس الفئة السعرية في مصر وحط تحتها 100 خط
ودة راجع لفرق التجهيزات

أما بالنسبة لل passat , إنت اللي مصمم تحشرها مش عارف ليه الحقيقة :)

ال octavia دي بقى نفس فئتها من حيث السعر اوالحجم
مش عارف إنت ليه معتبرها أعلى منها
ممكن تجيبلي حاجة أحسن من ال dart فيها ؟
لتاني مرة :)
لا موتور ولا فتيس ولا عفشة ولا option ولا شكل(دي أذواق بس التنين كويسين) ولا أداء
ولا ضمان ولا سعر

أظن لما octavia تتباع أغلى من golf يبقى ده استهبال رسمي

يا ريت لو فيه حاجة قولي عليها

ال 508 قلت قبل كده , إن المقارنة سعرية مش أكتر
اللي حابب حاجة شبابي ,يجب dart
اللي حابب حاجة executive ,يجب 508

أما بقى ال C وال 3 series دول أغلى منها بكتييييير
ومحدش دخلهم في المناقشة أصلا


وسعيد بالمناقشة معاك

المشاركة الأصلية كتبت بواسطة A.Adel

بموتور إيه ؟
المتور ال 2.0 للدودج و ال 1.8 للالنترا


مواصفات أمان إيه ؟

8 اير باج للدودج و 6 للالنتر
Abs و esp للاتنين
و tc في الالنترا


options إيه ؟
شاشه و كاميرا في الاتنين
و الالنترا navigation

انت ساكن فين بالظبط ؟

الالنترا 1.6 و 2 ايرباج بس هنا يابا

- طب والجودة والاداء شامل هاندلينج وتسارع وخلافة ميساويش حاجة عندك ؟

مواصفات الالنترا اللي بتقول عليها دي برا مصر انما قوة الالنترا بتتشال عندنا في الجمارك