الموضوع: تقرير شامل ومفصل عن الـAudi A3 الجديدة مع السعر + الفئة السيدان اللي حتنزل مصر قريب

المشاركة الأصلية كتبت بواسطة برنس الليالي

انت عصبي ليه ؟ يا باشا متجيبهاش عادي انت ليك رأيك ومحدش غصبك تجيب دارت ولا غيرها

انت محسسنا انها عربية فيرنا ولا لادا هو ايه عيب الدودج اصلاً ما عندك محرك ممتاز بتسارع ممتاز واوبشنز كتير وامان ملوش حدود انت اكيد ليك تجربة سيئة مع دودج قديمة اوي فعشان كدا كارهها انما الدارت متتعيبش متتعيبش انما عشان هي مقريبة بشكل كبير من الماركات العالية تلاقيك مستقل بيها بس

انا عصبي
هو فين العصبيه دي

و انا قلت ايه يدل ان بقلل من قدر الدارت و معتبرها فيرنا ولا لادا
و حضرتك كمان افترضت ان عندي تجربه سيئه معاها كمان ههههه
و انا مبعيبش الدارت ان بصحح معلومه لا اكتر و لا اقل
انا بتكلم من خلال متابعتي للاخبار العالميه و الريفيوهات للعربيات بشكل مستمر
و اللي مش مصدق معلش بتعب نفسه و يدور

المشاركة الأصلية كتبت بواسطة برنس الليالي

يعني مثلاً على سبيل المثال لو سئلت حد متعصب برأيه زي حضرتك كدا وسئلته تختار مرسيدس E300 ولا دودج تشارجر ... حيقولك لا يابا دودج دي ايه اللي عاملة نفسها مرسيدس دي مرسيدس حاجة لا يعلى عليها من اقوى مركات العالم بس هو غافل عن معلومة هامة وهي ان الـE300 بتنزل بمحرك 3000 سي سي 6 سلندر إنما التشارجر يا عم الحج بتنزل بسلامتها بمحرك 5700 سي سي 6 سلندر مش 3000 سي سي وعلى كدا المرسيدس اغلى فبلاش يعني تستقل بيا بمجرد اني ببدي رأيي عن الـA200 وحرجع اقولك بردو العربية تستاهل كل قرش فيها وكذلك الدارت بس بعد الخصم وبعدين كل العربيات غليت يعني النترا ايه دي اللي بـ180 الف ولا i10 ايه دي اللي بـ90 الف خلاص يعني؟ وياريت يعني تعرف ان في حاجة اسمها احترام الرأي والرأي الآخر

و هو يا باشا العربيات بقت بال cc
ال e300 تعلم علي التشارجر ام 5700 سي سي دي رايح جاي
سواء اداء او ثبات او فخامه او كل حاجه
الدودج ده انا كنت ببهدلها بالكايين ال 4800 cc بس
كمان انت نسيت التشارجر ال SRT ودي 6100 cc
و ده بقي هنسيب ال e63 amg تقزقزها بالراحه

و انا استقليت بيك فين بس
ده انا معاك خطوه بخطوه و بحاول اساعدك و برد عليك دايما سواء في المواضيع او علي الخاص
و كنت حتي معاك في موضوع ال a200 و شرحت وجهة نظرك
و انا قلت نفس الكلام عن الدارت سواء هنا او في مواضيع تانيه و قلت ان سعرها كده مناسب جدا
و ايه اللي دخل ال i10 في الموضوع دلوقتي
و انا الحمد لله بحترم الاخرين دايما و عمري ما تطاولت علي حد
انا مش عارف انا عملت ايه عشان تقول لي كده
و لو الاسلوب هيستمر كده فانا هعتبر ده نهايه النقاش ما بينا
مهي اصلها مش طالبه قله قيمه و حرقة دم

المشاركة الأصلية كتبت بواسطة A.Adel

1. ال dart فيها navigation على فكرة :)
2. فيها TC
تاني هتزعلني منك
يا راجل يا طيب فيه شركة اوروبي هتنزل ESC من غير TC
هي هيونداي هههههه

مش موضحين في السايت صدقني و دودج امريكاني بالمناسبه مش اوروبي هي بس الدارت اللي الفا عامله فيها شغل و اعتقد ده مقنن في النسخه الامريكي

ممكن ارفعلك ال owner manual بتاعها لو حابب أو بص عليه على dodge egypt

أما بالنسبة للسعر :

طب ما كده بانت
الموتور ال 1.4 ده option وبيزود تمنها بفرق مش قليل لأن ده بينزل في فئات معينة بس
مش بينزل في ال SE خالص

مش نازل في ولا فئه في امريكا
الكل نازل بال 2.0 و ال GT بال 2.4

ده غير الفتيس ال DDCT اللي برده option و بيزود تمنها
احسب كل ده وبعد كده تعالى قولي تمنها هيوصل كام

على الاقل تمنها هيزيد 5000 دولار
ده غير قول 3000 فرق موجود في الاصل
يعني هيطلع ال فرق بينها وبين ال elantra بالمواصفات اللي مش نازل نصها مصر
حوالي 8000 دولار

شوف بقى لما ال elantra الفاضية اللي هنا توصل ل 180
مش عاوز دي توصل ل 270

مشفتش برضه ال DDCT
اللي هناك حاجه اسمها power tech auto transmission و ده 6 سرعات و عامل 1250 دولار
اعتقد ال DDCT نازل مع ال 1.4 تيربو بس

إنت مش قادر تفهمني برده
هم آه نفس الفئة
بس elantra و civic و corolla بره حاجة و هنا حاجة تانية خااااااالص
لو نزلوا بنفس المواصفات ,ساعتها نبقى نقارن
فيه فرق شاسع في التجهيزات وانا سبق ووضحتهولك :)

ما انا والله بتكلم عن الفئات دي بره مش جوه
و قايل اكتر من مره اني فرق التجهيزات اللي هنا مبرر بفرق السعر
و انا معنديش اعتراض علي كده

المشاركة الأصلية كتبت بواسطة A.Adel

هو من الواضح إن فيه لبس في الموضوع
إنت واخد الموضوع بالاسماء والفئات

أنا واخدها بالسعر فقط لا غير


محدش قال إنها مش فئة الكورولا و السيفيك و الكروز
ما كل دول compact sedans

أنا بأتكلم انهم مش نفس الفئة السعرية في مصر وحط تحتها 100 خط
ودة راجع لفرق التجهيزات

أما بالنسبة لل passat , إنت اللي مصمم تحشرها مش عارف ليه الحقيقة :)

ال octavia دي بقى نفس فئتها من حيث السعر اوالحجم
مش عارف إنت ليه معتبرها أعلى منها
ممكن تجيبلي حاجة أحسن من ال dart فيها ؟
لتاني مرة :)
لا موتور ولا فتيس ولا عفشة ولا option ولا شكل(دي أذواق بس التنين كويسين) ولا أداء
ولا ضمان ولا سعر

أظن لما octavia تتباع أغلى من golf يبقى ده استهبال رسمي

يا ريت لو فيه حاجة قولي عليها

ال 508 قلت قبل كده , إن المقارنة سعرية مش أكتر
اللي حابب حاجة شبابي ,يجب dart
اللي حابب حاجة executive ,يجب 508

أما بقى ال C وال 3 series دول أغلى منها بكتييييير
ومحدش دخلهم في المناقشة أصلا


وسعيد بالمناقشة معاك

يا باشا انا اسعد

بس انا في وسط النقاش ببين نقاط عامه مش موجه ليك و بس

و احنا متفقين انها في مصر اغلي لان فيها اوبشنز اعلي مش لانها فئه اعلي

نقطه الباسات ذكرتها قبل كده و هو اني لسه فاكرها ب 235 الف معلش عديها

الاوكتافيا انا شايف انها كبرت و مبقتش في الفئه دي
ده دور الرابيد دلوقتي
الاوكتافيا بقت في مستوي الباسات دلوقتي
و انا مش ملم بمواصفاتها كلها لان ليه حواليها لغط
بس هي متورها مش ضايع و الفتيس المفروض انه زي الدارت (بخلاف العيوب)
العفشه مش هحكم عليها غير ما اجربها خصوصا و انها نازله ب ESC
و السعر انا معترض عليه برضه بس هنعمل ايه
و برضه الناس هتشتري

و متفقين برضه بخصوص ال508
اما ال c و ال 3 مش انت فعلا اللي مدخلهم بس ناس تانيه عملت كده

المشاركة الأصلية كتبت بواسطة برنس الليالي

انت ساكن فين بالظبط ؟

الالنترا 1.6 و 2 ايرباج بس هنا يابا

- طب والجودة والاداء شامل هاندلينج وتسارع وخلافة ميساويش حاجة عندك ؟

مواصفات الالنترا اللي بتقول عليها دي برا مصر انما قوة الالنترا بتتشال عندنا في الجمارك

يا باشا صحصح معانا كده
احنا عمالين نلعب في مواصفات الدارت و الالنترا علي مواقع الشركتين في امريكا
حتي كل كلامنا بالدولار
و محدش جاب سيره الالنترا اللي بتنزل هنا
و احنا بتكلم عن الفئه و السعر
مجبناش سيره الجوده و الاداء لاننا اصلا بنتكلم عن عربيات مش شايفنها اصلا


و اخيرا انا مش بقلل من الدارت و لا بستهون بيها
انا بس بوضح معلومه ممكن تكون غايبه عن ناس كتير
و انها بره بتتقارن بايه و بكام
و تاني في مصر انا مقدر مستواها كمواصفات و سعرها و معنديش اعتراض عليها