الموضوع: نيسان صني الشكل الجديد سمعتها بقت في الارض

بغض النظر عن العربيه اللي قتلت مواضيعها تعليقا من ملاكها .. تعليقات غير ملاكها مضحكه جدا . يمكن الموضوع ده بيعكس حاجه في الشخصيه المصريه اللي مبتحبش تقول معرفش .. او مجربتهاش .. او يسيب الموضوع ويكتفي بقراءة تعليق اصحابها - فاهل مكه ادرى بشعابها - .. اللي مش فاهمه ازاي واحد لايمتلك السياره يعلق عليها ..!! ده الموبايل لو ممسكتهوش في ايدك وجربته صعب تحكم عليه . الموضوع اصبح مككر وفقد معناه في نظري .. عاوز العربيه دي اشتريها وأسأل ملاكها اللي اعتقد قيموها مرارا وتكرارا بكل موضوعيه وحياديه . اما لو كنت من اللي بيسأل سواق التاكسي او سايس الجراج او حد من غير ملاكها فده برضو اختيارك ومتجيبهاش . الموضوع مجرد ذوق واختيار وامكانات ماديه ومتطلبات . يعني انا واحد من الناس اللي صعب جدا وفي اضيق الظروف ممكن اعلق على حاجه مش مجربها وبحس اني غير صادق مع نفسي .. يعني انا مثلا اول عربيه ليا كانت ابيزا وكانت عجباني جدا وقولت اسباني بقطع الماني واعتماديه ومعمره المشكله ان اراء الناس وتوقعاتي كانت في جهه والواقع حاجه تانيه .. الابيزا كانت غير اعتماديه بالنسبالي ومشاكلها كتير وقطع غيارها غاليه برغم اني عمري معكيت فيها وكل الناس تقولك اوروبي ومعمر واعتمادي .. الصني القديمه سافرت بيها للغردقه والجونه ومعجبتنيش كعزل وعربيه واطيه واستهلاك بنزين كنت حاسس ان المؤشر بيتحرك قدامي وانا ماشي سريع .. جزء هام من الحياديه والموضوعيه هو امتلاك الشيء المراد تقييمه او على الاقل تجربته او حتى السماع من الملاك . لازلت اعتقد ان السياره صفقه رابحه جدا حتى لو اتصنعت في بلاد الواق واق .. هيا المكسيك او جنوب افريقيا او تايلاند او تركيا او المغرب افضل من مصر ؟ طب وايه معيار حكمك ؟ اعتقد اننا كمصريين نسير في طريق ونحكم بمعايير يضحك لها العالم .. التجميع يتم في كل لبلد في الدنيا بمعايير ومواصفات وتحت اشراف الشركه الام .. دمتم بصحه