الموضوع: نيسان صني الشكل الجديد سمعتها بقت في الارض

المشاركة الأصلية كتبت بواسطة د.عماد صلاح

عايز اسال حضرتك سؤال ...وقبل ما اساله انا مش معايا العربيه عشان ماتقولش بدافع عنها....ازاي عربيه سيئه تنتشر الانتشار الهستيري ده

المشاركة الأصلية كتبت بواسطة Ahmedshalaby

الاجابة واضحة يا بيه
العربية دي باعت كتير جدا على سمعة الشكل القديم مع اضافة بعض الاوبشنز في الشكل الجديد النلس فكرتها لقطة
انا والدي معاه الشكل القديم و مبسوط منه جدا ما شاء الله
و بعدين فيه حاجة -- سوق العربيات في مصر اكبر بكتير من المنتدى هنا
و مش كل اللي بيشتري عربية بيدخل يدرسها هنا
بس الاكيد ان مبيعاتها قلت عن اول ما نزلت طبعا حتى اسال الموزعين بتوعها

المشاركة الأصلية كتبت بواسطة mohamed2013201

العربيه دى اكيد مقلب والله اعلم

المشاركة الأصلية كتبت بواسطة raedegypt

ياعمى ايه تتوقع من عربيات هندى بتتجمع فى مصر ولا شكل ولا منظر وحجمها صغير .. تصميمها غير موفق ... الاميجراند الصينى الاروبى شكلها افخم واشيك منها

المشاركة الأصلية كتبت بواسطة abou-yahia

العربيه باعت علي حس فعلا الشكل القديم والتقييمات الغير الموضوعيه ليهم هما الاتنين
سواء عن عمد او قله خبره من اللي كانوا بيقيموا
ده رائي والله من غير تعصب
بصراحه العربيه ديه من وجهه نظري متسواش اكتر من 70 الي 80 الف
ولو كانت بالسعر ده كانت برضك حتكون قيمه مقابل سعر مش كويسه .

انا مندهش و حزين من الاخوة الافاضل اللى مجربوش العربية و بتسمع منهم احلى تعليقات ... اللى متأكد منه دلوقتى ان العربية دى هتتفوق على كل منافسيها و طالما الشائعات بتزيد عليها للدرجة دى ... يبقى العربية دى نجحت فعلا .....

على فكرة العربية معرفش عنها حاجة الا من هذا المنتدى الجميل ... ولكنى حبيتها من كلام ملاكها و اشاعات العوازل
ربنا يبارك فيها لكل ملاكها و يكفيهم شر طريقهم و عين العزول

المشاركة الأصلية كتبت بواسطة مهندس محمد

اولا: اكرر التعليق اللى بيقول
عجبتنى قوى صغيرة حجمها صغير قوى هههههههههه
لان السيارة فعلا حجم عائلى وشنطة كبيرة وده من اسباب شرائى لها
ثانيا : السيارة معايا بقالها اسبوعين فعلا فراملها كويسة ولكن التيل بيتاكل بسرعة وبيعمل بدرة على الطاسات زيه زى التيل الرخيص
بس طبعا ده مش عيب يعنى يخللى سمعة عربية تبقى فى الارض
ده عيب عادى جدا واكيد هايتم تلافيه او حتى على اقل تقدير سهل التعامل معاه
العربية بالنسبة لسعرها تعتبر صفقة رابحة لما نعرف ان الاكسنت اللى فيها مواصفاتها بحوالى 132 الف او اكثر
طبعا موتور الصنى اقوى وافضل من الاكسنت بمراحل
لو السيارة بها عيوب اى سيارة فى الدنيا بها عيوب لكن الفرق ان واحد بيتقبل العيوب ويتعامل معاها بحرفية وواحد موسوس وبيهول المواضيع (( على فكرة انا موسوس جدا جدا هههههههههه وربنا يستر ))
لكن لغاية دلوقتى مافيش حاجة بتقلقنى اكتر من المواضيع اللى بتتكتب هنا بجد وكده حرام المفروض اللى يشهد يشهد بالحق ولا مجاملة ولا ظلم
وربنا يبارك لنا فى سياراتنا جميعا ويكفينا شرها

على فكرة انا بتريق عشان مش متوقع ان فيه حد شايف العربية دى صغيرة، قول اى حاجة الا صغيرة
انت مفهمتنيش
انا من ملاك الصنى و الحمد لله مبسوط

المشاركة الأصلية كتبت بواسطة edodahab

على فكرة انا بتريق عشان مش متوقع ان فيه حد شايف العربية دى صغيرة، قول اى حاجة الا صغيرة
انت مفهمتنيش
انا من ملاك الصنى و الحمد لله مبسوط

أكيد انت اللى ما فهمتنيش
انا بكرر تعليق حضرتك لانه عجبنى فعلا
وعارف انك بتتريق لان اى حاجة ممكن تتقال الا ان العربية صغيرة او ضيقة
واللى يقول كده يبقى بتكلم عن عربية تانية خالص
تحياتى صديقى العزيز
وانا كمان بقيت من ملاك الصنى وربنا يبارك لنا فيهم

المشاركة الأصلية كتبت بواسطة omar shaker

امين يارب ويكفينا كلنا شر الطريق ووجع القلب

يا باشا انا مقدر اللى انت فيه وربنا يكفينا شر التوكيل يارب وربنا يهديهم ويعملوا لك الواجب وتنحل المشكلة يا رب
وطالما مشكلة الفرامل اتحلت فى الجديد ان شاء الله يبقى اكيد ممكن تنحل فى الموديل كله بتغيير التيل
وربنا ييسرها من عنده

معلش الغلطة من عندى
امين يا رب

والله الشعب المصري ابهر العالم من كتر مهوا قاعد يفتي وخلاص......يعني لو قولت معرفش ايه اللي هيحصل.....هينقص منك حته.....تلاتة ارباع اللي بيفتوا ان العربية وحشة لما تسألهم حضرتك معاك العربية يقولك لا بس أصل ابن عم خالة أمي الميكانيكي بتاعه قال عليها وحشة.......ههههههههه......عالم عاوزة الضرب والله......العربية معايا وداخلة علي 10000 كم وتقيمي ليها كالأتي:

1- البيه اللي بيقول العربية صغيرة وضيقة أحب أقوله كان في وخلص وعدي علينا بكرة نكون جيبنا تاني.......يا بيه العربية دي أوسع عربية شوفتها بمصر وأقسم بالله في العيد اللي فات حملت فيها حمولة ميشيلهاش جرار لدرجة ان جوز اختي اللي معاه الكرولا مبقاش مصدق ان فيه عربية ممكن تشيل حمولة ناس وشنط بالمنظر ده.

2- أداء العربية بيكون ضعيف في الأول لغاية أول 5000 كيلو لكن بعد كده بتبقي طلقة.

3- العربية موفرة جدا في استخدام البنزين . من هنا لإسكندرية استخدمت ثلاث علامات من أصل ثمانية

4- العربية صاجها ضعيف ودي أكثر مشكلة شايفها فيها.

5- لم تقابلني أي مشاكل في التيل ولكن لي صديق اشتراه من المعادي ب 250 جنيه وركبه ب 30 وماشي بيها زي الفل.

6-سحب العربية رائع بالنسبة للسيسي بتاعها. ( مع الإعتذار للإخوان ) :)))

7-خامات التابلوه رديئة وليست بجودة السيارات الأخري ولكنها في النهاية مسألة فلوس بتتدفع . ( رأيي إن الخامات مناسبة جدا لسعر العربية )....واللي بيتابع الياباني هياخد باله إنهم بيتجهوا عامة للبساطة في شكل التابلوه.

وفي النهاية عاوز اقول لكل واحد بيفتي بطلوا أم الفتي .....العربية بتنتشر بشكل غريب ولا عزاء للفتاين. والبيه اللي عمال يقول العربية بتبع علي سمعة القديمة أحب أقوله إن العربية دي نازلة من أكثر من سنة ونص ولو حضرتك حبيت تحجزها هتلاقي المصنع انتاجه محجوز لأربع شهور قدام......يعني لو العربية كانت وحشة كانت اتفقست من زمان أوي......بطلوا فاتي جاتكم القرف

ياحضرات السياره دة والموضوع بسيط جرب بنفسك علشان محدش يقول احنا بنكتب وخلاص على عمى . اركب اميجراند بلاش اكسنت ولا النترا ولا سيراتو علشان ما نروح بعيد فى المقارنات . الصنى لو تركب ادام الباب بيكون لازق فى كتفك والله زى ما بوصف . وراسك لو طويل شويه تخبط فى السقف . التابلوه ولمبه الصالون والشكل العام الاميجراند اكبر واوسع منها وابعادها صح وسعرها ارخص منها ودة هندى المكونات الثانيه تحالف فولفو - جيلى الصين