طقم شنبر ( برازيلى )لسكودا فليشيا موديل 1997

**ابوابراهيم323** · 05-11-2013 08:09 PM

السلام عليكم ورحمة الله وبركاته
لسه راجع حالا من عن الميكانيكى

وطلع موضوع الزيت على البوجيهات طقم شنبر

وهو ورانى وقال لى الماتور لم يتم خرطه قبل كده

وعيب مشكلتى هو طقم الشنبر وخيرنى بين العمره للماتور ولا طقم الشنبر

وقال لى الاختيار ليك بس كل حاجه فى العربيه كويسه وكده العربيه حتمشى ونقضى على المشكله

قلت له طيب ايه موضوع العمرة قال فيه زباين بتحب تعمل عمره بالمره

وانا قلت له رأيك ايه قال لا طبعا اعمل شنبر وخلاص

محتاج رأيكم انتم ايه ؟؟؟

على فكرة هو طالب طقم شنبر برازيلى او المانى

ملقتش حتى الان الا تركى

هل موجود برازيلى او المانى

**ahmedvaio** · 05-11-2013 08:38 PM

اكيد طبعا اساتذة القسم هايردوا عليك .. لكن رأيى المتواضع انه لو متأكد انه شمبر بس يبقى مالهاش لزمة تفتح على نفسك شغل و ان كان عمرة يبقى افضل موتور استيراد ع التجربة .. ع الاقل الاستيراد اجزاءه مضمونة انها اصلى اما قطع غيار للعمرة انا قلبى مش بيطمئن لقطع الغيار حتى لو مختومة

**sakr_skoda** · 05-11-2013 08:42 PM

وعليكم السلام ورحمة الله وبركاته

والله مش عارف اقولك ايه لاكن كان الله فى عونك وعايز اقولك نصيحة قلتها ليك قبل كدا بس مش عارف ايه التطورات اللى حصلت هو انك تتعايش من البوجية اللى بيتزيت دا ....المهم

انا رئى اك تعمل عمرة كاملة حتغير بساتم وشمايز وسبايك وطبعا الشنبر دا لو عاوز تشتغل فى الموتور دا والنتيجة مش مضمونه....*

المضمون والضامن هو الله انك تصبر شوية وتتماشى وتتعايش مع المشكلة مادام ما فيش مشكلة عويصة فى السحب او موتور السيارة عموما الى ان تظهر وتتفاقم المشكلة على الزمن البعيد حينها تقوم بتسقيط موتور استيراد كامل حيتكلف حوالى من 3000 الى 3500 جنية بالتركيب....

**sakr_skoda** · 05-11-2013 08:58 PM

المشاركة الأصلية كتبت بواسطة ابوابراهيم323

ايوه يا استاذ صبحى يعنى اصبر ومعملش الشنبر ؟؟؟

ولا تقصد اعمل الشنبر وخلاص

لالالالالالالالالالالالال الالا متعملش الشنبر واصبر الى ان ينتهى الموتور تماما وسقط واحد جديد على فكرة انا باقولك كدا ليه لأنى نفس المشكلة بالظبط عندى وماشى بالمشكلة دى بقالى سنة بس انا عارف البوجيه اللى بيعرق ولو قطع فى الطريق بنزل على طول اغيرة واتوكل على الله امشى وقررت اتى امشى بالموتور اللى عندى لحد ما يجيب أخره....

**المنسي** · 05-11-2013 09:08 PM

المشاركة الأصلية كتبت بواسطة ابوابراهيم323

السلام عليكم ورحمة الله وبركاته
لسه راجع حالا من عن الميكانيكى

وطلع موضوع الزيت على البوجيهات طقم شنبر

وهو ورانى وقال لى الماتور لم يتم خرطه قبل كده

وعيب مشكلتى هو طقم الشنبر وخيرنى بين العمره للماتور ولا طقم الشنبر

وقال لى الاختيار ليك بس كل حاجه فى العربيه كويسه وكده العربيه حتمشى ونقضى على المشكله

قلت له طيب ايه موضوع العمرة قال فيه زباين بتحب تعمل عمره بالمره

وانا قلت له رأيك ايه قال لا طبعا اعمل شنبر وخلاص

محتاج رأيكم انتم ايه ؟؟؟

على فكرة هو طالب طقم شنبر برازيلى او المانى

ملقتش حتى الان الا تركى

هل موجود برازيلى او المانى

من وجهة نظرى الشخصية لو الميكانيكى مضمون ومعروف عنه انه امين يبقى اعمل طقم الشمبر وبص بالمرة على كاوتش الصبابات ولو محتاج يتغير غيره لانى بصراحة بميل للرأى اللى بيقول لو موتور حالته من جوه كويسة يبقى ليه مغيرش بساتم وشمايز واظبطه ويبقى كل حاجة قدام عينى (اعمل عمرة بالبلدى)
راى الشخصى اعمل طقم الشمبر دلوقتى بس وسيبك من اى حاجة تانية

**sakr_skoda** · 05-11-2013 09:20 PM

المشاركة الأصلية كتبت بواسطة ابوابراهيم323

محدش رد علي الشنبر برازيلى ولا المانى الموجود تركى هل فيه برازيلى

ههههههههههههه انا رديت ياخ اكرامى واسف انى معرفش اجابة عن انواع الشنبر لأن ببساطة رئي واضح فى المشاركات السابقة........

**المنسي** · 05-11-2013 09:29 PM

المشاركة الأصلية كتبت بواسطة ابوابراهيم323

الميكانيكى راجل محترم كله بيشكر فيه قوى وخبرة 40 عام مش حتصدق

انا بقى عاوز افهم لو الماتور حالته من جوة كويسه يبقى ليه مغيرش بساتم وشمايز

محدش رد علي الشنبر برازيلى ولا المانى الموجود تركى هل فيه برازيلى

حالة الموتور كويس من ناحية وش السلندر سليم مفيهوش تنقير ومش مقفع البلوكة اللى تحت نفس الكلام ميكونش فيها تنقير وانا رديت عليك فى جزئية البساتم والشمايز المكيانيكى هو اللى هيفتح ويشوف حالتهم ايه الشنبر هاته المانى وممكن تسال عليه عند السيد صلاح فى وسط البلد

**aw2100** · 05-11-2013 10:21 PM

عمرة الشنبر مافيهاش مشكلة طالما مش حيفك الشميز من مكانه علشان بيبقى متظبط مع الوش مع البلوك وطالما الوش عندك سليم والبلوك كمان وهو بيفك كارتيرة الزيت من تحت وينزل البستم ويفك وش السلندر دون فك للموتور من مكانة
انصحك تتكل على الله وتعمل 1/2 عمرة ويخلية يراجع الوش كويس ولو محتاج صبابات وجلد صباب يغيرة ويغيرلك التروس والكاتينة ويبص على الكرنك لو فية عضة يخرطة بس اهم حاجة مايقربش للشمايز طالما حالتها كويسه والموضوع كله تكلفته فى حدود 1200 جنية وان شاء الله العربية تقوم بالسلامة لسة فى صديق عامل طقم شمبر عند المهندس ماجد فى الأسكندرية ما شاء الله 10/10 ولسة فى التليين وتمشى العربية ولو بعد سنة او اكتر جابت زيت يبقى موتور استعمال وخصوصا ان لو العمرة كويسة ممكن تمشيك 100000ك
بس اهم حاجة الميكانيكى يكون فاهم ومبروك على العمرة !

-

-

الموضوع: طقم شنبر ( برازيلى )لسكودا فليشيا موديل 1997

LinkBack

أدوات الموضوع

عرض

طقم شنبر ( برازيلى )لسكودا فليشيا موديل 1997 - انشر الموضوع فى :

-

-

-

-

-

المواضيع المتشابهه

فليشيا كومبى للبيع موديل 1997

للبيع : سكودا فليشيا (بيضاء) موديل 1997

عمل سرفيس لسكودا فليشيا 96

عاجل : اسكودا فليشيا موديل 1997

افضل زيت لسكودا فليشيا

الكلمات الدلالية لهذا الموضوع

المفضلات

المفضلات

ضوابط المشاركة