طقم شنبر ( برازيلى )لسكودا فليشيا موديل 1997

**Hamroosh** · 06-11-2013 08:52 AM

انا لسه خارج من مشكلة زي بتاعتك بالظبط، بالنسبة لي انا بسافر كتير وكمان الاولاد بيكونو معايا، وموضوع تعريقة البوجيه دي قرفتني مع ان كام معايا طقم ومفتاح بوجيهات وكنت بنزل اغير البوجيه.

عن تجربة الموضوع ده بيأثر في الحرق يعني بيستهلك بنزين، وبياكل الزيت وتضطر تزود كل فترة، وبيأخر الدوارة. كل ده بيترجم لمصاريف دا غير الزهق من النتشة ونزولك علشان تغير البوجيه،، وعاوز اقولك اني مرة غيرته وماكملش دقيقتين ولاقيته عاوز يتغير تاني (موضوع الدقيقتين ده حصل معايا مرة واحده بس).

بعد الاستخارة انا روحت لميكانيكي معرفة وقاللي نفس اللي الميكانيكي بتاعك قالهولك، بس قاللي انا اختارلك انك تعمل نص عمرة علشان الطقم (شنبر وبساتم وشمايز) بيجي في كرتونه واحدة وبيكون نفس العمر ومتوفقين مع بعض. والفرق بين عمل شنبر ونص عمرة حوالي 400 او 500 جنيه.

أنا مشيت على رأيه، والموضوع كلفني 1300 جنبه بكل حاجة حتى ببقشيش الصبي بطقم تركي وطقم جوانات وجلد صبابات كامل.

أنا دلوقت في مرحلة التليين والحمدلله شايف مبشرات خير لحد دلوقت، لان زي مانت عارف المواضيع دي مش بتبان في ساعتها.

دي تجربتي وهقولك على رأيي بناء على كلام الميكانيكي بتاعي:
- الحق عالج العيب ده دلوقت قبل ما يكلفك اكتر فيما بعد، دا غير البنزين والزيت مع الوقت.
- لو هتفتح تكون عامل حسابك ماديا على ثمن موتور جديد، علشان متورك من جوه زي البطيخة وانت وحظك يا يعيش يا يموت.
- لو ضامن الميكانيكي اعمل نص عمرة طالما فكيت علشان يكونوا كلهم نفس العمر ومتوافقين مع بعض، وكمان علشان الميكانيكي مايقولكش ان فيه مشكله تانية بعدما تقفل وتضطر تفتح تاني وانت عارف شغل الميكانيكية عمرة مايقولك اني غلطان او اني ماشوفتش العيب الجديد قبل مايقفل.
- موضوع الموتور الجديد زي البطيخة وانت وحظك دا غير شغل الورق والمرور، يعني في رايي تعمله لو فقدت الامل تماما في موتورك. وخصوصا ان تعمير موتور الفليشبا سهل عبارة عن فك وتركيب اجزاء مافيهوش خراطة كتير والذي منه.

**أحمد جودة** · 06-11-2013 09:19 AM

كدة الموضوع محير بجد ......... طقم الشمبر ولا نص عمرة ولا عمرة كاملة ولا موتور استيراد

فى رأيي المتواضع أغلب قطع الغيارا المتواجدة فى السوق مضروبة ومش مضمونة حتي اللى بيتقال عليها ألماني وياتري الميكانيكي بيجرب فى الموتور ولا بيشتغل بثقة وفاهم هوة بيعمل اية (( وياتري ضامن النتيجة فى الاخر )) يبقي صرفت وعطلت نفسي ومفيش جديد ودة احتمال وراد

يبقي لو أنا همشي بالموتور فترة كمان لحد ماجيب اخرة ومن ناحية الزيت هحط زيت التعاون اقل زيت واجيب بوجيهات عادية وكل فترة افكها واصنفرها وراكبها تاني
وبالمناسبة من كام يوم نزلت انا وصديقي بيشتري موتور دايو استيراد سمعنا ارقام خزعبلية

كان بــ 2000 كامل بالفتيس بقي 4800 كامل بردو
وشورت بلوك كان عامل 3200 حالة زي الزفت وفي الاخر جاب من بورسعيد كامل بــ حوالي 4000

احسبها كويس وشوف امكانياتك لو تقدر تعدي المرحلة دي بالموتور يبقي تمام
لحد ما الاسعار تتظبط وتفكر فى تغيير الموتور

تقبل تحياتي

**ابوابراهيم323** · 06-11-2013 01:22 PM

المشاركة الأصلية كتبت بواسطة أحمد جودة

يبقي لو أنا همشي بالموتور فترة كمان لحد ماجيب اخرة ومن ناحية الزيت هحط زيت التعاون اقل زيت واجيب بوجيهات عادية وكل فترة افكها واصنفرها وراكبها تاني

فينك يا هندسه انا مشغل 012 (:

طبعا ما هو لازم اغير الشنبر علشان مش حينفع كل شوية اغير بوجيهات

ومش حعمل حاجه غير الشمبر ده اللى قال عليه الميكانيكى لانه قال الشميز والبساتم والكرنك سليم

يبقى نتوكل على الله ونعالج المشكلة وربنا يكرم وتيجى على كده بس

على فكرة الميكانيكى بيشكر فى الماتور وقال لى اول مره يتفك وحالته كويسه ومفيش فيه برومه ولا صدأ وانا شوفته فعلا شكله حلو (:

**المنسي** · 06-11-2013 03:02 PM

المشاركة الأصلية كتبت بواسطة ابوابراهيم323

جزاك الله خيرا اخى الكريم

بس عاوز افهم حاجه

الميكانيكى قال اشترى له طقم شنبر برازيلى وطقم جوانات + جوان وفلتر زيت وجلد صباب

ده بس اللى طلبه منى وقال البساتم والشميز كويس

وش السلندر قال حيروح لبتاع الخراطه وهو حيقول محتاج ايه

كده الموضوع تمام ولا فيه حاجه

اوعى تخليه يمسح وش السلندر هيبقى كأنك يابوزيد ماغزيت اوعى يا يا ابو ابراهيم الأفضل انك تاخد الوش لخراط تكون عارفه يملى بس التنقير ويمسح زيادات النقر اللى اتملت وزى ما الاخ قاللك وانا مع الرأى ده غير بساتم وشمايز وشمبر

**ابوابراهيم323** · 06-11-2013 08:37 PM

المشاركة الأصلية كتبت بواسطة hamroosh

بصراحة ماعرفش فيه شنبر برازيلي ولا لا، بس هو عندي مع البساتم والشمايز تركي، والوش ماحتاجش خراطة. بس لو عمل عندك خراطة في الوش تعمل حسابك على جوان وش سلندر زياده علشان يكونوا 2 فوق بعض علشان يعوض فرق الخراطة(دا حسب رأي الميكانيكي بتاعي وآراء قريتها في المنتدى)، وطبعا لازم طقم جوانات كامل مع جلد الصباب تقريبا بـ120 جنيه حسب ما اتذكر، طبعا مع فلتر زيت وجركن زيت، وجاز وبنزين لزوم الغسيل والتنظيف والتليين، وطقم بوجيهات.

ايوه تمام يوجد شمبر برازيلى لقيته عند ابوالحسن بــ 175

وفعلا هو طلب منى طقم جوان + جوان

وباقى الطلبات دى انا جبتها

بس الاخ منسى بيقول غير الشميز والبساتم مع انه كويس

هى بتعمل حوالى كام البساتم والشميز

**ابوابراهيم323** · 06-11-2013 08:39 PM

المشاركة الأصلية كتبت بواسطة المنسي

اوعى تخليه يمسح وش السلندر هيبقى كأنك يابوزيد ماغزيت اوعى يا يا ابو ابراهيم الأفضل انك تاخد الوش لخراط تكون عارفه يملى بس التنقير ويمسح زيادات النقر اللى اتملت وزى ما الاخ قاللك وانا مع الرأى ده غير بساتم وشمايز وشمبر

لا هو فك الصباب والحاجات اللى عامله ذى المسامير دى وقال الراجل الخراط حيحدد المطلوب
وفعلا اشترى جاز وسحب بنزين من عندى علشان يغسل الماتور والحاجات دى

**ابوابراهيم323** · 09-11-2013 01:56 PM

دعواتكم حستلم العربيه الليله

**sakr_skoda** · 09-11-2013 04:05 PM

ربنا معاك وبمشيئة الرحمن يكون خير باذنه وياريت متنساش اخواتك بالتقرير الشامل عن العملية....*

-

الموضوع: طقم شنبر ( برازيلى )لسكودا فليشيا موديل 1997

LinkBack

أدوات الموضوع

عرض

-

-

-

-

-

-

-

المواضيع المتشابهه

فليشيا كومبى للبيع موديل 1997

للبيع : سكودا فليشيا (بيضاء) موديل 1997

عمل سرفيس لسكودا فليشيا 96

عاجل : اسكودا فليشيا موديل 1997

افضل زيت لسكودا فليشيا

الكلمات الدلالية لهذا الموضوع

المفضلات

المفضلات

ضوابط المشاركة