الموضوع: ياريت يا جماعة الاقى حل

لازم تراجع وتظبط كل حاجة من الاول للاخر ، ما تمسكش في حاجات عشوائية
يعنى بص معايا كدة على كل نقطة من دول:

ظبط الكاوتش والزوايا
اظبط الكهربا ع الشعرة واتأكد من البوجيهات وسلوكها والموبينة
ظبط الكربراتير بتاعك ، واتأكد انه سليم ( مش بيسرب هواء + الاكس والباب مش مبوشين + البيكات مظبوطة ومقاساتها صح + هوا وبنزين السلانسيه مظبوطين )
حالة الموتور مهمة ، لو الموتور خفيف مش هتظبط معاك في استهلاك البنزين ولازم هيبقى في زيادة في الاستهلاك
اتأكد من طقم الدبرياج لان في كلامك بتقول الموتور بيعلى ع الفاضى ومفيش سحب وده ممكن يسببه اسطوانة دبرياج ممسوحة وده يزود الاستهلاك
طبعا ظبط المكنة من حيث التاكيهات والكتينة و ... الخ .. مهم
تتأكد ان مفيش تسريب في خراطيم البنزين


العربية بتعمل معاك كام بالظبط وايه الطرق اللى بتمشى فيها ؟
حاجة اخيرة برضو لازم تبقى عارف انها عربية قديمة و2000 سي سي كربراتير فمهما عملت في رقم مش هتنزل عنه والعربيات دى بتشرب البنزين بطبعها خصوصا جوة البلد يعنى ما تتوقعش منها اكتر من 120 في الصفيحة وممكن اقل حسب طريقك

طيب اروح اراجع على الكلام ده فين هو بصراحة اول ما بغير البوجيهات بتكون العربية زى الفل وعلى الشعرة اعتقد انه مش عيب دسك واسطوانه

مثلا بامشى ال3 كيلو ب 1.5 لتر بنزين وده حرام وعلى سبيل المثال مشوار اسكندرية من على الطريق الدولى من دسوق الى المعمورة طريق 45 بياخد منى 24 لتر

المشاركة الأصلية كتبت بواسطة m_sport1

طيب اروح اراجع على الكلام ده فين هو بصراحة اول ما بغير البوجيهات بتكون العربية زى الفل وعلى الشعرة اعتقد انه مش عيب دسك واسطوانه

يبقى الكربراتير هو اللى بايظ وبيهبب البوجيهات

المشاركة الأصلية كتبت بواسطة m_sport1

مثلا بامشى ال3 كيلو ب 1.5 لتر بنزين وده حرام وعلى سبيل المثال مشوار اسكندرية من على الطريق الدولى من دسوق الى المعمورة طريق 45 بياخد منى 24 لتر

ايه ده !
المعدل ده رقم قياسى
يعنى 40 كم / صفيحة !!!!!!!!!!!


كتير اوى اوى اوى انا كان عندى الـ 504 بتعمل 120 كم / صفيحة ع الطريق و 60 جوة البلد وكنت بقول جاااي منها
ربنا يكون في عونك بجد

مين يضبط الكاربيراتير انا رحت لميكانيكى فكه قدامى بالحته ونضفه ممكن ايميللك او رقم تليفونك

انا سمعت ان الععربيات البيجو دى قطع غيارها فى بلبيس المنصورة متوفرة جدا ولا فيه مكان تانى اقدر اجيب منه قطع غيار وبسعر حنين ياريت حد يساعدنى يا جماعة والله العربية هتخرب بيتى