الموضوع: ممكن الدخول لمالكى 301 بيجو

المشاركة الأصلية كتبت بواسطة ahmed amin

الموتور متقفل ومتجمع بالكامل في الهند.
الكود بتاعه فعلاً hr15de وهوا بيتبعت كا قطع من اليابان للهند وبيتجمع هناك,
وأي حاجة بتتقفل برة اليابان وخصوصاً في المواتير او الفتيس من وجهة نظري لا يصح يتقال عنها ياباني.!

راجع دول عشان تعرف عن الموتور اكتر
http://www.nilemotors.net/nile/31944...post3874643401

http://www.nilemotors.net/nile/33393...post3874791840

والنيسان صني رخيصة عشان صاجها ضعيف (مش مخدومة) و ورق.
وعشان التقفيل سئ مصري وهندي,
ودول أكتر بلدين تقفيلهم سئ, بس بيقللو من تكلفة الأنتاج وبيجو علي حساب الجودة.!

يعني تقفيل الصني مش زي تقفيل الأوروبي طبعاً ولا يمكن تتقارن بيه.
عشان كدا ممكن نعرف ليه النيسان أرخص من البيچو والفرق جه منين. :s_thum1[1]:

أشكرك سيدي علي المشاركةالتي أكدت لي أن الماتور و الفتيس يابني 100% حضرتك قرأت مشاركة و تركت البقية ترد عليه أنو الماتور و الفتيس ياباني 100% ثانيا البينة علي المدعي ائيوا لنا بدليل أنه غير ذلك لان الحقيقة لو تأكدت أن الماتور ياباني سأضطر لسحب حجزي من بيجو كن أنا معك أن بها عيوب مثل ضعف الصاج .

السلام عليكم جميعا
اولا تعليقا علي عنوان الموضوع فيدل علي ان في استشارة وخصوصا من مالكي السياره وده الي للاسف مشوفتوش خلال قرائتي لكل تعليقات الاعضاء
ثانيا مش عارف الموضوع معمول علشان يخلي مالكي السيارة يقلقو مثلا ولا ايه ؟؟
ثالثا انا قرات اعتذار كاتب الموضوع ومع ذلك برده مش مقتنع لان مفيش حاجة واضحة لا في السبب في المموضوع ولا المشاكل الي بيقول عليها ولا حتي مشاكل التوكيل الي اقال عليها بدون اي توضيح
بالاضافة الي انه اعتذر عن اللغبطة , بس اللغبطة مع ايه ؟؟ يعني ياريت التوضيح
رابعا وده الاهم دخول الاعضاء في جدال حول الصني والبيجو وامكانياتهم وده مش مكان المقارنة دي
اخيرا بالنسبة لالغاء الحجز فاحب اقول حاجة صغيرة ان احنا هنا مش بنروج لماركة سيارة او لينا نصيب في الارباح , كل ما في الامر ان كل واحد بيعرض تجربته لتعم الاستفاده علي الاخرين وتلافي العيوب ان وجدت , وبنكون سعداء لدخول عضو جديد للعائلة ولا ينقصنا خروج احد منها

اعتذر علي الاطالة وعن اي سوء فهم لكلامي الي قد يساء فهمه

تحياتي

المشاركة الأصلية كتبت بواسطة ramy hazem

السلام عليكم جميعا
اولا تعليقا علي عنوان الموضوع فيدل علي ان في استشارة وخصوصا من مالكي السياره وده الي للاسف مشوفتوش خلال قرائتي لكل تعليقات الاعضاء
ثانيا مش عارف الموضوع معمول علشان يخلي مالكي السيارة يقلقو مثلا ولا ايه ؟؟
ثالثا انا قرات اعتذار كاتب الموضوع ومع ذلك برده مش مقتنع لان مفيش حاجة واضحة لا في السبب في المموضوع ولا المشاكل الي بيقول عليها ولا حتي مشاكل التوكيل الي اقال عليها بدون اي توضيح
بالاضافة الي انه اعتذر عن اللغبطة , بس اللغبطة مع ايه ؟؟ يعني ياريت التوضيح
رابعا وده الاهم دخول الاعضاء في جدال حول الصني والبيجو وامكانياتهم وده مش مكان المقارنة دي
اخيرا بالنسبة لالغاء الحجز فاحب اقول حاجة صغيرة ان احنا هنا مش بنروج لماركة سيارة او لينا نصيب في الارباح , كل ما في الامر ان كل واحد بيعرض تجربته لتعم الاستفاده علي الاخرين وتلافي العيوب ان وجدت , وبنكون سعداء لدخول عضو جديد للعائلة ولا ينقصنا خروج احد منها

اعتذر علي الاطالة وعن اي سوء فهم لكلامي الي قد يساء فهمه

تحياتي

فعلا" احنا هنا بنحاول نوضح التجارب الشخصية ليستفاد بها الأخرين وكذلك الوصول لأفضل نتيجة ممكنة لجميع الأعضاء . ولكن ذى باقى المصريين عموما" كل واحد بيدافع عن وجهة نظره فى الموضوع والى من الممكن يوصل فى بعض الأحيان لحد الزعل . اتمنى للجميع الخير والصالح فى كل الظروف

مقااارنة ظالمة جدااا لبيجو لما تقارن بالصنى

دخلت شوفت تقرير واحد للصنى خالنى مافكرش فيها والعيوب اللى اتقالت مشكلة فى التيل و الطنبورة قالك التوكيل مهتم بالمشكلة طب ويعدين اعمل اية بالاهتمام مش فاهم وعربيتى فيها مشكلة

اشتكوا من سوء الخامات والطابلوه بالذات وتكيفها مع الجو فى الصيف فى الزحمة مبيسقعش وانا هقتبس من اللى عامل التقرير كان قايل بالكملة (يا فرحتى لما ادفع 117 الف فى عربية زيرو تكيفها مبيسقعش)

وفسم المقارنات لو عايز تدخل وتشوف العربية مش احسن من الصنى وبس هتلاقى الاستطلاع معدى عربيات كتير اوبترا وشارك واكسنت ومفيش وجة مقارنة برده

بالنسبة لاستاذ منعم كلامك غير منطقى بالمره ومشوفتش حد من الملاك قال حاجة عن العربية

وهقولك تجربتى مع العربية وانا داخل على 2000 كيلو وتجربتى مع التوكيل

العربية دفعت فيها 143 الف باوفر برايس 7 الاف علشان العربية مش موجوده ومبسوط جدا من العربية وادائها وكل حاجة فيها اللى دافعته رجعلى وزيادة كمان

التوكيل عن تجربة شخصية روحت رخصت العربية اللى بيرفع البصمة زق خرطوم الدرياتير على المروحه وانا راجع اتقطع كلمت التوكيل وحط 100 خط على اللى هيتقال عن التوكيل علشان الكلام يتقفل فى الموضوع ده

بعتولى ونش فى التجمع فى ساعه ونص بالكتير خد العربية وراحت مركز غمرة روحت نمت كلمونى الساعه 1 الضهر تانى يوم تعال استلم عربيتك خلصت

غير الخرطوم ورجع العربية زى ماكانت ببلاش ولا دفعت ونش ولا دفعت مصنعية ولا تمن التغيير مع انه مش غلطهم فى حاجة واخر ادب واحترام

يبقى من الاخر العربية ولا فيها مشاكل الحمد لله ولا التوكيل وحش والعربية الايام اللى جاية هتقوم وهتمسك سوق باذن الله

صفقة مربحه جدااااا من البداية ومبروك مقدما للى هيجيب سواء جاب بيجو ولا نيسان ولاحتى جابله صاروخ وخرج بره الكوكب انت اللى هتركب فى الاخر