الموضوع: سكودا فليشيا 98 عايز أغير جوان وش السلندر بنفسى

المشاركة الأصلية كتبت بواسطة sakr1964

احيك على هذة الجرءة والفروسية هما دولا بجد فرسان فليشيا::::

بص يامعلم انا حشرحلك ازاى تفك وتغيير جوان وشالسلندر بنفسك فى البيت:

أولا :العدة المطلوبة مفتا 10 ومفتاح 12 ومفتاح 13 ومفتاح الانكية 32 وطبعا باقى العدة بنسة وقماشة ***

ثانيا :حنفك مسامير الشكمان ال4 مسامير 12 و13**

ثالثا: نفك خرطوم المية اللى فى الكوعة الغليظ والرفيع ونفرغ مية الموتور**

رابعا: نفك وصلات الاسبرتير من الوجيهات :

خامسا :حتلاقى اسفل كل بوجية صامولة 13 او12 نفكهم جميعا**

سادسا: نفك غطاء وش التاكيهات وخلى بالك مش نفك التاكيهات علشان كدا مش حتحتاج لاعادة التقسيمة والعملية الصعبة دى **

سابعا : نقك واير الاكسرتير وكافة ارتباطات الكاربرتير من وصلات كهرباء وخراطيم مياة وخلافة**

ثامنا : الن اصبح وش الاجرام لوحدة ننفرد بية بقى بالمفتاجح النكية ويكون معاك ماسورة حوالى نصف متر علشات تعمل عزم معاك ونبداء نهوى المسامير زى مهو باين فى الصورة دى بالترتيب**


خلى بالك التركيب بنفس الترتيب مش حاقولتانى***

تاسعا : نخرج وش الاجرام بكافة ملحقاتة من مانيفود وكاربرتير وتاكيهات كلة كتلة واحدة مادمت فقط تريد تغيير جوان وش السلندر***

نفحص الوش تماما ونقوم بتنظيفة بالبنزين والبحث عن تنقير من عدمة لو فيه تنقير يبقى القصة حتختلف لأنك حتفور كافة ملحقات الوش وعادى مافيش اى مشاكل حتفك التاكيهات كتلة مترابطة بنفظ تظبيطها يعنى مش حتختلف لأن التقسية فى سير الكاتينة وهذا السير لن نتعرض له من قريب او بعيد**
عاشرة لو الوش نضيف ننظف مكانة جيدا ونجيب الجوان الجديد وتركبة كما هو بالفيديو اللى فى الدرس دا**

http://www.nilemotors.net/nile/337585-a.html

شوف الفيديو والبساطة مافيش جملكة ولاسيلكون ولااى مادة لاصقى ابدا ابد احذر من ذالك خاصة السيلكون دا بيطتم منافس الوش ويقضى عليه فورا **

حادى عشر : التركيب عكس الفك وخلى بالك ترتيب ربط مسامير الوش زى اللى فى الصورة المرفقة اللى فوق ها واخد بالك مش حاقول تانى***

اتوكل على الله وانا فى الخدمة واسف لو انى نسيت نقطة لو اذكرها ولك الاستفسلر عنها وانا تحت امرك***

حبيب قلبى يا أستاذ صبحى, بجد مش عارف أشكرك ازاى و بكده يكون معلومات كفايه جدا انى أبدأ بس انا قدامى 10 ايام بالضبط على ما أنفذ نظرا لظروفى و ان شاء الله حاسس انى هعمله احسن من اى ميكانيكى طالما حضرتك وباقى الأصدقاء معايا و على فكره انا من يوم ما اشتركت معاكم فى المنتدى العربيه ما شفتش ميكانيكى بتاتاً

المشاركة الأصلية كتبت بواسطة engahmedsayed

ودة اللى بنسعى اليه انى كل واحد يعرف عربيته كويس

و متنساش زى ما بتستفاد فيد الاخرين

منتظرين التقرير المدعم بالصور و الشرح الوافى يا صديقى وربنا يوفقك

بالتوفيق ان شاء الله

أكيد يا باش مهندس انا بس اخر حاجه هعملها انى أتأكد من الرادياتير ان كان مخروم ولا لأ وأبص على الزيت لما أغيره ان كان لونه طحينى ولا لأ وان لا قيت كل ده سليم يبقى مفيش قدامى غير الجوان وسا عتها هنشر كل الكلام ده هنا لكل أحبائى