الموضوع: سكودا فليشيا 98 عايز أغير جوان وش السلندر بنفسى

المشاركة الأصلية كتبت بواسطة sakr1964

فعلا جوان المانيفود المتهم الثانى فى نقصان المية وممكن تكون حالة عربيتك جوان مانيفود وانا فعلا عملت موضع بخصوص المشكلة دى والكثير يغفل مهام جوان المانيفود***
http://www.nilemotors.net/nile/395890-25.html

الدرس 25 ده بيجاوب على كل أسألتى, بس يا أستاذ صبحى ده برده يكون المتهم الرئيسى فى حالتى دى حتى وان كنت لاغيت مدخل الميه اللى بتروحله؟ بمعنى تانى ان هل الميه بتدخل للمانيفود من داخل دورة تبريد الموتور برده ؟

المشاركة الأصلية كتبت بواسطة sakr1964

ازاى لاغيت يعنى فصلت مدخل المية طيب فصلت خرطوم الكوعة اللى على شكل u؟؟؟؟ مهو دا المفروض مخرج المية علشان ترجع للريداتير اعتقد انك سبته زة مهو واكتفيت بانك تكتم خرطوم الداخل بمسمار او بوجية لو كان كلامى صح يبقى المانيفود لاكن لو كان كلامى غلط يبقى جوان وش السلندر ولا ممكن يكن وش السلندر نفسة هو اللى فيه العيب لان وش السلندر بتتخلله ممرات للزيت والمية متجاورات زى العروق كدا بالظبط فممكن يكون فى كسر فى احد الممرات ويكون قريب من غرفة الاحتراق فيخرج الماء مع الدخان عن طريق الشكمان**

انا هقول لحضرتك كل اللى انا عملته, فيه خرطومين جايين من ماسورة الشجره واحد داخل للمانيفود وواحد داخل لقاعدة الكاربراتير دول فصلتهم و شبكتهم فى بعض و ده من ناحية الشمال وانت وشك للعربيه, جيت من ناحية القربه على الخرطوم اللى خارج من الكوعه ورايح للمانيفود (اللى على شكل u) وقفلته ببوجيه وكوليه وسبت طرفين المانيفود اليمين والشمال مفتوحين زى ما هم و ده كل اللى انا عملته و بصراحه فرقت معايا شويه فى الحراره بقت قليله شويه

المشاركة الأصلية كتبت بواسطة sakr1964

كدا جوان المانيفود خارج الخدمة وبريئ من اى تهمة يبقى اتوكل على الله وفك وش السلندر**

توكلنا على الله, و مليون شكر لحضرتك يا أستاذ صبحى

المشاركة الأصلية كتبت بواسطة sakr_skoda

احيك على هذة الجرءة والفروسية هما دولا بجد فرسان فليشيا::::

بص يامعلم انا حشرحلك ازاى تفك وتغيير جوان وشالسلندر بنفسك فى البيت:

أولا :العدة المطلوبة مفتا 10 ومفتاح 12 ومفتاح 13 ومفتاح الانكية 32 وطبعا باقى العدة بنسة وقماشة ***

ثانيا :حنفك مسامير الشكمان ال4 مسامير 12 و13**

ثالثا: نفك خرطوم المية اللى فى الكوعة الغليظ والرفيع ونفرغ مية الموتور**

رابعا: نفك وصلات الاسبرتير من الوجيهات :

خامسا :حتلاقى اسفل كل بوجية صامولة 13 او12 نفكهم جميعا**

سادسا: نفك غطاء وش التاكيهات وخلى بالك مش نفك التاكيهات علشان كدا مش حتحتاج لاعادة التقسيمة والعملية الصعبة دى **

سابعا : نقك واير الاكسرتير وكافة ارتباطات الكاربرتير من وصلات كهرباء وخراطيم مياة وخلافة**

ثامنا : الن اصبح وش الاجرام لوحدة ننفرد بية بقى بالمفتاجح النكية ويكون معاك ماسورة حوالى نصف متر علشات تعمل عزم معاك ونبداء نهوى المسامير زى مهو باين فى الصورة دى بالترتيب**


خلى بالك التركيب بنفس الترتيب مش حاقولتانى***

تاسعا : نخرج وش الاجرام بكافة ملحقاتة من مانيفود وكاربرتير وتاكيهات كلة كتلة واحدة مادمت فقط تريد تغيير جوان وش السلندر***

نفحص الوش تماما ونقوم بتنظيفة بالبنزين والبحث عن تنقير من عدمة لو فيه تنقير يبقى القصة حتختلف لأنك حتفور كافة ملحقات الوش وعادى مافيش اى مشاكل حتفك التاكيهات كتلة مترابطة بنفظ تظبيطها يعنى مش حتختلف لأن التقسية فى سير الكاتينة وهذا السير لن نتعرض له من قريب او بعيد**
عاشرة لو الوش نضيف ننظف مكانة جيدا ونجيب الجوان الجديد وتركبة كما هو بالفيديو اللى فى الدرس دا**

http://www.nilemotors.net/nile/337585-a.html

شوف الفيديو والبساطة مافيش جملكة ولاسيلكون ولااى مادة لاصقى ابدا ابد احذر من ذالك خاصة السيلكون دا بيطتم منافس الوش ويقضى عليه فورا **

حادى عشر : التركيب عكس الفك وخلى بالك ترتيب ربط مسامير الوش زى اللى فى الصورة المرفقة اللى فوق ها واخد بالك مش حاقول تانى***

اتوكل على الله وانا فى الخدمة واسف لو انى نسيت نقطة لو اذكرها ولك الاستفسلر عنها وانا تحت امرك***

مش هنحتاج نفك سير الكاتينة ؟