عندي مشكلة في النقل باسمع صوت تروس مع الاول

**dr goda** · 26-01-2014 06:20 AM

السلام عليكم

عندي مشكلة في النقل

وانا باعطي الغيار الاول بالذات بيكون في صوت تروس

وفي الغيار الثاني احيانا

اما باقي الغيارات فلا توجد مشكلة

ايه تشخصيكم لهذ المشكلة

**adhmmaamon** · 26-01-2014 06:53 AM

حاول تعلى الدبرياج شويه ..مفتاح عشره وتربط الصاموله بتاعه الدبرياج لفتين او تلاته ..وان شاء الله الدنيا هاتبقى تمام

**sakr_skoda** · 26-01-2014 07:34 AM

بلية الديبرياش تحتاج الى تغيير لأنها ممكن تكسر اسنان الديسك**

**أحمد جودة** · 26-01-2014 09:51 AM

المشاركة الأصلية كتبت بواسطة dr goda

عاليت الدبرياج فعلا ومازال العطل موجودا

المفاجأة الجديدة أني الان رحت اقيس الزيت

لم اجد اي زيت على المقياس

فزودت نصف لتر فبدأ الزيت يظهر على المؤشر

وفي النهاية زودت اكثر من 2 لتر حتر وصل الزيت للعلامة الكبرى

فياترى ما المشكلة

مع العلم اني وجدت نقط زيت تحت العربية لكنها قليلة

اولا مؤشر اية اللى حضرتك بتتكلم عنه زيت الفتيس بيتعرف من مكان واير عداد السرعة
وبيبان من فتحة تزويد الزيت والفتييس بياخد بالظبط 3 لتر زيت بس المهم تكون حطيط زيت فتيس كويس ولازم كل فترة شهرين تلاتة تراجع على زيت الفتيس وتعمل اللازم

اعتقد بعد تزويد الزيت مش هتسمع الاصوات دي

تقبل تحياتي

**sakr_skoda** · 26-01-2014 06:39 PM

ابعدييييييييييييييييين بقى فى انعدام الضمير عند الناس عاوز اقولك لو عرفت ترجع فى البيعة يكون افضل لاكن لو معرفتش ترجع فى البيعة يبقى اغسل العربية فى بنزينة من تحت اغسل الموتور كلة بالجاز علشان تقدر تحدد تسرب الزيت وله عدد منافذ يتسرب منها**
اولا:اولسيهات الكرنك
ثانيا :كارتيرة الزيت
ثالثا:وش الكستبينات
رابعا :وش التاكيهات
خامسا :غطاء التقسيمة**
والموضوع دا حلة سهل جوانات والكرنك اولسيهات**

لاكن مش دى المشكلة المشكلة ان الراجل اللى باع العربية منعدم الضمير لأنك من الاعراض اللى حكيتها حتحتاج تغير مجموعة الديبرياج كلها بلية والتكلفة فى حدود 650 جنية دا غير موضوع الجوانات يبقى الحل الافضل انك ترجع فى البيعة دى وربنا يعوض عليك خسارة قريبة ولامكسب بعيد**

**A_Baidak** · 28-01-2014 01:51 PM

اغلب التسريبات بتاعة الزيت من جوان التكيهات هتلقيه او الكرتيره
ولو طلع اولسيل يبق هيرف المكنه علشان يعرف يفك الكاتينا والليله دي بس ان شاء الله بسيطه
بالنسبه للفتيس خليك كده بيه شويه ولو هتعمل حاجه هات واحد استيراد 1600 احسن
بالنسبه للبليه هتلاقي فيه صوت خشه كده فى الفتيس دا لو بليه بتعمل صوت وطبعا بتعمل تاكل للدسك وقصه فا لو هتصلح طبعا هتخشلك فى مصاريف زي ما قال استاذ صبحي 600 جنيه او اكتر كمان
علشان كده بقولك استيراد اسحن 1600

**dr goda** · 28-01-2014 09:53 PM

المشاركة الأصلية كتبت بواسطة a_baidak

اغلب التسريبات بتاعة الزيت من جوان التكيهات هتلقيه او الكرتيره
ولو طلع اولسيل يبق هيرف المكنه علشان يعرف يفك الكاتينا والليله دي بس ان شاء الله بسيطه
بالنسبه للفتيس خليك كده بيه شويه ولو هتعمل حاجه هات واحد استيراد 1600 احسن
بالنسبه للبليه هتلاقي فيه صوت خشه كده فى الفتيس دا لو بليه بتعمل صوت وطبعا بتعمل تاكل للدسك وقصه فا لو هتصلح طبعا هتخشلك فى مصاريف زي ما قال استاذ صبحي 600 جنيه او اكتر كمان
علشان كده بقولك استيراد اسحن 1600

جزاكم الله خيرا

عندي اسئلة

افرق ازاي لو المشكلة من الفتيس او من البلية

علما بان النقلة بتاعه الاول فقط هي اللي فيها الصوت دا وباقى النقلات تمام وحتى الاول لما باعطيه بالراحة قوي مش بيعمل صوت خالص

ثانيا رحت اليوم اشوف زيت الفتيس بتاع الزيت معرفش يوصل للطبة ولا يفكها فالطبة فين :)

ثالثا موضوع تسريب الزيت دا لازم يتعمل ولا ممكن استنى شهرين تلاتة

وعذرا للاطالة لاني جديد في الاسكودا ومش فاهم فيها لسه

الموضوع: عندي مشكلة في النقل باسمع صوت تروس مع الاول

LinkBack

أدوات الموضوع

عرض

-

-

-

-

المواضيع المتشابهه

باسمع صوت تزييق من العفشه

سواقين النقل مشكلة ملهاش حل في بلدنا ؟

النقلات عندي الاول بيعلق عربية 127

مشكلة في النقل الوتوماتيك في دايهاتسو شاريد

مشكلة فى النقل

الكلمات الدلالية لهذا الموضوع

المفضلات

المفضلات

ضوابط المشاركة