مشكلة فى النقل

**washable** · 30-06-2012 08:14 PM

انا معايا هيونداى كوبيه لسه شاريها و لقيت الموتور بينقل على الطبيعى 3 و عند ال120 الربي ام 4 مش عارف ده طبيعى و لا ايه

و فى رعشه خفيفة لما بجيب الاول و انا مش مشغل التكييف و لا كده انا محتاج طقم دبرياج

يعنى اللى انا كنت بنقله من 40 - 60 على ال60 بيكون الربي ام و صل 3 مثلا و ده الطبيعى فى العادى انما لما عرفت ان الراجل كان شايل علبة البيئة قلت ممكن يكون ده ليه تاثير و لا حاجه ؟؟؟؟؟

ارجوكم انا خايف لعمر الموتور يتأثر فلو ممكن مساعدتكم

**Ahmod** · 30-06-2012 08:43 PM

المشاركة الأصلية كتبت بواسطة washable

انا معايا هيونداى كوبيه لسه شاريها و لقيت الموتور بينقل على الطبيعى 3 و عند ال120 الربي ام 4 مش عارف ده طبيعى و لا ايه

و فى رعشه خفيفة لما بجيب الاول و انا مش مشغل التكييف و لا كده انا محتاج طقم دبرياج

يعنى اللى انا كنت بنقله من 40 - 60 على ال60 بيكون الربي ام و صل 3 مثلا و ده الطبيعى فى العادى انما لما عرفت ان الراجل كان شايل علبة البيئة قلت ممكن يكون ده ليه تاثير و لا حاجه ؟؟؟؟؟

ارجوكم انا خايف لعمر الموتور يتأثر فلو ممكن مساعدتكم

علبة البيئة مالهاش تاثير على نسب الغيارات

كذلك مالهاش تاثير على العمر الافتراضي للماتور

موضوع انها تنقل عند rpm 3 ده بيبقى معتمد على حسب قوة دوستك على البنزين

وعلى حسب كومبيوتر العربية متبرمج على ايه

بمعنى لو واحد رجله تقيلة على البنزين ال ecu اتوماتيك بيفهم انه بيسوق كدة ومع مرور الوقت بينقل على rpm عالي

احسن حاجة انك تفصل سالب البطارية لمدة ربع ساعة تقريبا وبعدين تشغله تاني عشان تعمل ريستارت لل ecu وبعدها يتعود على طريقة سواقتك

موضوع ان 120 على rpm 4 دي كتير بصراحة !! هي مش العربية دي اتوماتيك 4 غيارات ؟؟

ده المفروض على ال 120 يكن ال rpm في حدود ال 3000 تقريبا !!

حضرتك متاكد انك بتسوق وانت جايب عصاية الفتيس على ال d مش ال 3-d !! ؟

حاول كدة تركز مع العربية وتشوف بتنقل رابع ولا لاء

وان شاء الله حاجة بسيطة

**smsm_nabawy** · 01-07-2012 03:10 AM

الفتيس أوتو ولا مانويل يا علشان انا مش فاهم لحد دلوقتي !!!

ثاني حاجة !!
علبة البيئة المفروض لما تشيلها !! بتأثر معاك في سحب الموتور بالزيادة !!

طبعاً بتبرجل المتور الأنجيكشان لما تتشال !!
لأن علبة البيئة !! في أغلب العربيات بيبقى موجود فيها حساس اسمه "لامدا سنسور"

ده المسؤل عن أستشعار هل الحرق تمام ولا ؟؟

أزاي ؟؟

أقولك أنا أزاي !!

ده بيبقى فيه كام شعره كده !! من النحاس و مواد تانية و بتمر فيه كهرباء بطريقة معينة !!

بطريقة أو بأخرى بيقدر يستشعر كمية اول أكسيد الكربون !!! و يدي للمتور اشارة على أساس الكمية الي قاسها دي !!

هل الحرق تمام ولا ؟؟

لو تمام .. قشطة

لو لا .. الecu لوحدها بتلعب في الكهرباء بتاعتها بتقدمها او تأخرها على حسب
1-ظروف القيادة
2-النتائج الي طالعه بعد التغير !!!

و على اساسه بيتعالج العيب !!
+ انها ممكن تدي أمر للرشاش ميبخش اكثر من كده !! لأن معنى كده أن نسبة الهواء أقل من أنها تدي كمية حرق كاملة كفاية !!

و هكذا !!
من فضلك راجع كتالوج عربيتك !! او أي متخصص فيها

قله ال"لامدا سنسور" مكانه بيبقى فين بظبط !!

لو قالك في علبة البيئة !! يبقى تروح حضرتك مشكورأ تركبها!! و أنا اتمنى من الله أنك تركبها من نفسك !! لأنك كده بتضر البيئة :(

في حاجة كمان

أكشف بالمرة قبل كل ده على العربية بالكمبيوتر علشان تعرف الرعشة دي سببها أيه بظبط !!ده حياكدلك أذا كانت فعلاً من اللامدا سنسور ولا ؟؟؟
+ حيوريك حساساتك عاملة ايه ؟؟فيها مشكلة ولا ؟؟؟ و هكذا

تحت امرك في أي أستفسار :)

فهمني بس حوار الفتيس ده علشان مش فاهم !!