الموضوع: افيدونى شروخ صغيره فى حوض الموتور فليشيا كومبى

يا ه ه ه ...ده عيب شائع قوي في الفليشيا ..ومتقلقش منه خالص ..عاوز تلحمها ماشي ..مفيهاش مشكلة ..بس لازم اللي يشتغل فيها يكون سمكري إيه ..ولد ..عشان يقدر يلقط الشرخ بس وميحرقش في بقية المنطقة اللي حوالين الشرخ ..وقبل السمكري ما يشتغل لازم تكون فاكك المساعد وتكون مضبط مع بوهيجي محترم عشان يرشلك الحته دي بالضبط على قد الشغل اللي إتعمل فيها وبنفس لون الحوض...لو مش عايز خلاص سيبها ..بس خلي بالك ..مفيش شرخ يتساب وخصوصا في الحوض ويثبت على حاله ..يعني الشرخ ده أكيد هيزيد مع المشي ..وبعدين أنا رأيي الشخصي يعني ..روح لحداد عفشة محترم خليه يكشفلك على المساعدين كويس ولو فيهم حاجه غيرهم أو إعمل حسابك علي تغييرهم ...لإن الحركة دي بتحصل في العربيات عموما ..وخلي بالك من كلمة العربيات عموما دي لإنها مش بتحصل عندك بس..لإن الحركة دي بتحصل في العربيات عموما لما يكون المساعدين تعبانيين أو اليايات متوطيه زيادة عن اللزوم ..عموما ..زيارة خفيفة لحداد عفشة ..وسمكري نضيييييييف يلقطلك الشرخ ده ..وعادي جدا ..على فكره ..شفتها قبل كده في عربية إكسيل وعربية تمبرا ..وبتاع الإكسيل كان سايب الشرخ وعايش حياته وماشي عادي ..بس الشرخ كان بيزيد عنده بصراحه ..بتاع التمبرا كان لاقط الشرخ ده بلحام وكانت ضابطه معاه وزي الفل ...تحياتي