الموضوع: صوت ونة فى البيجو 301 !!

المشاركة الأصلية كتبت بواسطة ahmed amin

دا في الغالب بيكون بسبب نقشة الكاوتش عشان لسه جديد بس,,
وبعد حوالي 2000 كيلو كا متوسط ممكن يزيد أو يقل الصوت هيروح لوحده خالص,

توضيح بسيط بخصوص الجزئية دي, عشان لما قريتها تاني لاقتيها ممكن تتفهم غلط,,

أنا أقصد إن متوسط الكيلو مترات ممكن يزيد عن 2000 كيلو أو يقل عن 2000 كيلو,
مقصدش إن الصوت ممكن يزيد أو يقل,,

الصوت عاجلاً أم أجلاً هيروح ومش هيكون له أي وجود.

فيه ناس كتير مستلمة العربية مش عندها الصوت دا,
والصوت دا مكنش عندي وظهر لما غيرت الكاوتش الفرنساوي بكاوتش كوري وطبعاً مكنش في نفس كفائة الأوروبي, وبعد 2000 كيلو من المشي عليه الونة راحت.

المشاركة الأصلية كتبت بواسطة ابو هنا

السلام عليكم أ / أحمد أمين حابب اسمع رد حضرتك على حيرتي
أنا حاجز بيجو 301 هاي لاين من 1 / 11 / 2013م يعني الثلاث أشهر الحجز قد أنتهوا ، بس خلال هذه المدة وأنا في حيره شديده من أمري هل أزود 19000 جنيه وأجيب رينو فلونس وأريح نفسي من كل إلي بسمعه من ملاحظات عن 301 خصوصاً أنا بركز أوووووووووووووي جدددددددددددداً من مثل هذه الملاحظات وممكن أكره السيارة بسببها !!!!!!!!!
أنا محتاج الرد المفصل عن هذا الموضوع ، أملاً أن يكون في أقرب وقت ممكن .

أهلا بيك يا أبو هنا,

الموضوع مش محتاج حيرة خالص, ولو معاك دلوقتي تشتري الفلوانس هتبقي أحسن وأقيم.

بس لازم تجيب حاجة من الفئات العالية عشان تحس بالعربية, أعتقد فئة ال ١٨٨ ألف ممتازة جداً والفئات اللي قبلها معقولة برضه. قارن بنفسك ما بينهم والفلوانس هتكون صفقة رابحة في كل الأحوال لكن لو المبلغ مش هيكفي الفلوانس هتبقي ساعتها البيجو ٣٠١ هاي لاين صفقة أربح عشان سعر أقل ومواصفات عالية نوعاً ما وقطع غيار أسعارها حلوة وفي المعقول.

كل حاجة ممكن تحب تعرفها عن الفلوانس الجديدة بالتفصيل المملل في الموضوع دا,
وأنصحك تقرأه للأخر لانه يستحق القراية.
http://www.nilemotors.net/Nile/380381-2014-2014-a.html

بالنسبة بقي الملاحظات اللي الناس قالتها عن ال ٣٠١ واللي حضرتك متخوف منها دي مشاكل فردية,
صوت الونة من الكاوتش, ولو فيه صوت طقة دا بسبب إن فيه عربيات لسه معملتش أول صيانة محانية اللي فيها بند تربيط العفشة.
أو حتي مربطوش عفشة عند مركز محترم. لأن فيه ناس كتير جداً معاها العربية ومش بتشتكي من أي حاجة من الحاجات دي.

عموماً أنت أستنيت فترة كبيرة نسبياً لأستلام البيجو بسبب الضغط عليها ومش فاضل كتير,,
فأستخير ربنا قبل أي حاجة تستني البيجو ولا تكمل وتجيب في الفلوانس.
وفي الحالتين هتبقي كل عربية منهم هيا الرابحة في الفئة السعرية بتاعتها.

وأبقي عرفنا عملت أيه عشان نباركلك لما تشتري.