الموضوع: صوت ونة فى البيجو 301 !!

المشاركة الأصلية كتبت بواسطة hazem_alaedin

أنا مش عايز حضرتك تقلق للدرجة دى, العربية زى الفل , أنا بس إللى موسوس و محبكها شويتين :)

واللهي يا باشا أنا زيك وأكتر بكتير خايف جداً من أن 301 متعجبنيش
وخصوصاً اني حشتريها كاش ، فمش عارف هل اخد قرض من البنك 35000 جنيه واجيب الفلوانس تاني فئة اوتوماتيك ، ولا بلاش القرض وارف البنوك وخليني في 301

أ / أحمد أمين انا سعيد جداً على اهتمام حضرتك بالرد علي ، والحقيقة ده المعتاد منك ، انانزلت النهردة وشوفت الفلوانس وعجبتني جداً الفئة الثانية اوتوماتيك بسعر 169500 جنيه ، بس الحيره مازالت موجوده لاني كنت حشتري البيجو 301 كاش 136000 جنيه ، علشان اجيب الفلوانس مضطر اخد قرض من البنك بفارق الثمن وانا مش متعود على التقسيط والبنوك ، فهل البيجو 301 جيده ولا ارف البنوك والاقساط تستاهل علشان عيون الفلوانس ، محتاج رد خضرتك علي في هذا الامر هل 301 كاش ولا فلوانس قسط

المشاركة الأصلية كتبت بواسطة ahmed amin

أهلا يا ابو هنا,
مانا قلت لك متحيرش نفسك, وأستخير ربنا قبل أي حاجة عشان ربنا يسهلك أمورك وتشوف هترتاح للفلوانس أكتر ولا ال 301

الفلوانس عموماً فئة أعلي من ال 301
فأكيد وطبيعي هتبقي أحلي وهتنبهر بيها لما تركبها وتشوفها من جوا عن ال 301

دلوقتي أنت كنت هتشتري البيجو كاش ودا كان هيريحك من أنك تحس أنك عليك دين أو أقساط وتبقي قلقان من أي ظروف تحصل تزنقك,,
لو مش حابب تقرف نفسك زي ما قلت ومش بتحب الأقساط في الحالة دي هتبقي البيجو هيا الأختيار المثالي لأنها عربية ممتازة كا مواصفات مع سعر في الوقت الحالي,,

الفلوانس بقي لو تقدر تستني شوية وتكمل المبلغ وتجيبها مرة واحدة هتبقي أختيار أفضل طبعاً,,


فيه حل أخير لو الفلوانس عاجباك ومش عايز تدفع أقساط وتربط نفسك بتعب الأقساط,,
فيه نظام من أنظمة التقسيط بيكون لو دفعت أكتر من 70% أو 80% تقريباً من قيمة العربية, البنك بيسمح لك تقسط علي سنة بدون فوائد..
وأعتقد إنها لو 70% هيبقي دا نفس المبلغ اللي معاك حالياً تشتري بيه كاش ال 301.

ودي هتبقي حاجة جميلة ليك لو عينك علي الفلوانس وهيا عربية فعلاً جميلة,
وهتبقي أشتريتها بسعرها العادي من غير ما يكون الأقساط عليها فوايد.

راجع كدا البنوك في الموضوع دا لأني مش متذكرة أوي, هيا تقريباً بتبقي وديعة ب 70% من قيمة العربية وبتدفع باقي تمن العربية بدون فوايد.


وأستخير ربنا قبل أي حاجة, وراجع أسعار قطع الغيار بتاعتها وبتاعت ال 301
وأركب الأتنين في المعارض تاني,, وشوف الأولويات عندك في البيت هل عايزين عربية مريحة أووي زي الفلوانس, ولا عايزين حاجة تقضي الغرض من غير ما تكون مكلفة وتكون محترمة وأمان جداً برضه زي ال 301.

وربنا يوفقك في الأفضل ليك.

جزاك الله عني خيراً ،
أنا جربت قيادة الفلوانس من احد اصدقائي نفس الفئة ألي اخترتها ،
وكانت النتيجة مفاجأة بالنسبة ليا ان السيارة ثقيلة جداً جداً في الطلعة وانها سيارة غير مراوغة وابعدها كبيرة مقارنة بالسيارة لانسر الي معي نعومه وسحب وشد ومراوغة ، والي اامل ان تكون البيجو 301 مثلها ، فالاضافه اني عجبني شكل البيجو اكثر من الفلوانس ، واني استخرت الله وحاسس بارتياح اكثر للبيجو 301 ، واحب ان اكرر جزاك الله عني خيراً .

المشاركة الأصلية كتبت بواسطة ابو هنا

جزاك الله عني خيراً ،
أنا جربت قيادة الفلوانس من احد اصدقائي نفس الفئة ألي اخترتها ،
وكانت النتيجة مفاجأة بالنسبة ليا ان السيارة ثقيلة جداً جداً في الطلعة وانها سيارة غير مراوغة وابعدها كبيرة مقارنة بالسيارة لانسر الي معي نعومه وسحب وشد ومراوغة ، والي اامل ان تكون البيجو 301 مثلها ، فالاضافه اني عجبني شكل البيجو اكثر من الفلوانس ، واني استخرت الله وحاسس بارتياح اكثر للبيجو 301 ، واحب ان اكرر جزاك الله عني خيراً .

إذا إستخرت و إرتحت للعربية, فتوكل على الله , و إن شاء الله ربنا يباركلك فيها :)