سحب البيجو 307

**MOHMED2511** · 22-08-2011 05:40 PM

هل سحب البيجو 307 كويس. ولا في مشكله لني عايز اشتري وحده
وايه اخبار سعر قطع الغيار و شكرا

**shark_3li** · 28-08-2011 01:29 AM

يا باشا لو أنت بتدور على السحب يبقى هاتها وإنت مغمض بغض النظر عن الطلعة بس أول مابتجيب التاني السحب بيبقى ممتاز
لكن الممكن يخليك تقلق شوية فعلا هو قطع الغيار بتاعتها لانها غالية شوية بس أنا عن نفسي شايف إنك شاري عربية بسعر قليل بالنسبة ل امكانياتها يعني أنا صاحبي لسة شاري لانسر 2008 شارك بـ 92 ألف وانا اشتريت عربيتي 307 2007 بـ 70 ألف ومن وجهة نظري إن ال 2 زي بعض إن ماكانتش ال 307 أحسن
ف إن كانت قطاع غيرها غالية فـ إنت شاري أصلا عربية رخيصة بالنسبة لامكانيتها .
اكشف بس على العربية كويس في التوكيل ولو قالولك كويسة توكل على الله وإن شاء الله مش هتندم

**MOHMED2511** · 28-08-2011 04:23 PM

شكرا لاهتمام حضرتك بس في سوائل ثاني هل هناك اختلاف حصل في السياره من موديل 2002
و شكرا

**shark_3li** · 29-08-2011 06:03 AM

الموتور هو هو و ممكن يكون الفتيس اتعدل فيه حاجات شكل العربية من برة اتغير شوية من ادام بس
من جوة هي هي مفيش فرق غير تكييف تاتش بلوتوث سينسور بارك كلها كماليات لكن مفيش تغيير جذري

**MOHMED2511** · 29-08-2011 11:49 AM

متشكر جدا لحضرتك و علي اهتمامك
بس هل التغييرات في.الفتيس دي ممكن تعمل فرق كبير ولا مش.ححس بافرق ده
و شكراااااا

**MOHMED2511** · 29-08-2011 11:55 AM

شكرا لاهتمام حضرتك و للمعلومات المفيدة
بس هل حكايه التعديلات في الفتيس ممكن تمثل اختلاف كبير في السياره و لا ايه
و لو مككن حضرتك تقلي ايه التعديلات دي
و شكرااااااا

**shark_3li** · 29-08-2011 09:00 PM

بصراحة انا مقدرش افيدك في موضوع الفرق لاني مسوقتش ٢٠٠٢
بس عشان تكون عارف ان ال ٢ فيهم مشاكل بتظهر مع معظم الناس عشان كدة انا قولتلك اكشف عليها عند حد كويس بس غالبا المشاكل دي بتظهر نتيجة الاهمال في مواعيد الصيانة ف لازم تاخدها من واحد مهتم بالصيانات.

**MOHMED2511** · 29-08-2011 11:56 PM

انا ناوي اكشف عليها عند مكانيكي متخصص في البيجو و عند سمكري وعند البنزينه اكشف علي كبس المتور
هل كده كفايه ولا اوديها للتوكيل كمان

**shark_3li** · 30-08-2011 03:21 AM

لأ مع الاوروبي عامةً متعملش كده أبدا تاخد العربية وتطلع بيها على التوكيل أو أي مركز خدمة معتمد لكن غير كده هتكتشف اعطال في العربية مكنتش ظاهرة في الكشف
لأن العربية مش سمكرة ولا كبس موتور بس البيجو دي مليانة حساسات وكلها شغالة بالكمبيوتر فـلازم تكشف عليها بالكمبيوتر . حتى لو المبلغ اللي هتدفعوا اكبر بس صدقني بالك هيستريح لانك هتعرف كل كبيرة وصغيرة في العربية .