ورشة نيسان الحديثة - مهندس توكيل سابق

**mohamed_ramadan** · 25-02-2014 12:15 PM

داخل هذه الورشة سنقدم كل النصائح ان شاء الله لاصلاح اي عطل بالسيارة

ضع سؤالك وسوف نجيب عليه باستفاضة كاملة لدعم الاخوة الاعضاء الافاضل

بسم الله الرحمن الرحيم

وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ

صدق الله العظيم

**Sherif Moussa** · 25-02-2014 01:32 PM

جزاك الله خيرا يا بشمهندس
اذا سمحت ممكن تفيدني في موضوع الحدفه الشمال اللي في بعض عربيات الصني ؟
روحت لكذا حد منهم عمرو بدوي بس مفيش فايده
العربيه مظبوطه عالجهاز.

**captain hosam** · 25-02-2014 02:41 PM

ممكن تلاقى العيب من الكاوتش اما انه معيوب و اما ان ضغط الهوا فيه مش مظبوط
و الله اعلم

**Ah.Farid** · 25-02-2014 03:29 PM

موفقين باذن الله
الصفحة دة انشاء الله ممكن تعرف حلول الكثيير من المشكلات وتفيد الاعضاء بالمعلومات القيمة ,,,,,,
ودة يوفر الوقت والمجهود وكماااااان الفلوس

جزاكم الله خيرا

**jojojojo** · 25-02-2014 07:56 PM

اولا جزاك الله كل خير انا عندي مشكله في نيسان صني شكل قديم لما اكون لسه طالع بالعربيه وادوس فرامل اسمع صوت احتكاك زي ميكون التيل بيحك في الطنابير بس الصوت ده بسمعه بس لما اكون لسه طالع بالعربيه والعربيه مسخنتش بعد كده بيروح ده عيب تيل ولا طنابير ولا عيب ايه بالظبط ولو تيل تنصحني اغير التيل بنوع ايه يكون كويس ومجرب عشان اسمع ان التيل في منه مضروب وهل ممكن يكون التيل عايز يتنضف ويتصنفر مش محتاج يتغير وخاصه ان العربيه عامله 15000 كيلو العربيه شكل قديم للتاكيد بس

**mohamed_ramadan** · 25-02-2014 08:07 PM

المشاركة الأصلية كتبت بواسطة Sherif Moussa

جزاك الله خيرا يا بشمهندس
اذا سمحت ممكن تفيدني في موضوع الحدفه الشمال اللي في بعض عربيات الصني ؟
روحت لكذا حد منهم عمرو بدوي بس مفيش فايده
العربيه مظبوطه عالجهاز.

الاخوة والاخوات الاول نعرف ايه الاسباب اللي بتخلي العربية تحدف يمين او شمال (steering pull) وبعدين نتكلم علي النيسان.

**mohamed_ramadan** · 25-02-2014 08:24 PM

اسباب حدف العربية
ضغط الاطارات مش مضبوط ولازم نراجع المانيوال لمعرفة ضغط الاطارات الامامية والخلفية
تاكل احد الاطارات الامامية
الفرامل في احدي الاطارات لا تعمل بصورة صحيحية (dragging) احداهما تظل في حالة احتكاك مع الطنبورة
عدم ضبط الزوايا alignment problem وخاصة زاوية الكمبر
احد سست المساعدين الامامين ضعيفة او المساعد نفسه

**mohamed_ramadan** · 25-02-2014 08:33 PM

طب بالنسبه للنيسان
نيسان بتقول ان دا من دواعي الامان عشان لو السواق سرح وهو ماشي العربية تروح نحية الجزء السريع والمفتوح من الطريق والمفروض انه الشمال وطبعا الحدفه دي بتكون بسيطة جدا وعلي مسافه طويلة اما لو عنيفة يبقي فيه مشكلة وايضا ممكن يكون
دا ممكن يكون عيب في تصميم العربية بحيث ان حساس زاوية الطارة ممكن يكون متركب غلط ودا ممكن يتعرف عن طريق جهاز الكومبيوتر والزاوية صفر وعلاقتها بالطارة
وياريت التوكيل يعمل الاختبار دا