الموضوع: ورشة نيسان الحديثة - مهندس توكيل سابق

شكرا يابشمهندس على الموضوع الجميل دة والمفيد لينا كلنا
انا معايا صنى 2009 اتوميتك عاملة 110000 الف كيلو فى عندى مشكلتين الاولى بسمع الصبح اول مادور العربية وانا بنقل من p الى r او d بسمع صوت تكتة ف الفتيس واوقات بسمعها ف اى وقت عادى بس الصبح بتبقا جامدة .....
المشكلة التانية وانا ببقا ماشى بالعربية ودايما على السرعات الهادية يعنى ممكن الثانى والثالث وانا ماشى وبشيل رجلى من على البنزين ثوانى وبسمع صوت خبطة ف الفتيس
ياريت تفيدنا وشكرا ليك

المشاركة الأصلية كتبت بواسطة mohamed_ramadan

داخل هذه الورشة سنقدم كل النصائح ان شاء الله لاصلاح اي عطل بالسيارة

ضع سؤالك وسوف نجيب عليه باستفاضة كاملة لدعم الاخوة الاعضاء الافاضل

بسم الله الرحمن الرحيم

وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ

صدق الله العظيم

السلام عاليكم

أنا معايا صنى 2005 عندى مشكله فى الrpm
لما العربيه بتبقى شغاله فى الاول بيكون العداد مظبوط لربع ساعه او اكتر شويه
بيكون تحت الواحد بعد كده يبقى على 0.5 وطبعا العربيه بتربجل فى الطلعه
لو شغلت التكيف يتظبط لو قفلت يرجع تانى

ممكن تبقى مشكله ايه ؟؟؟

السلام عليكم
ليا سوال هو العيب المتكرر في السيارة لمدة سنة كاملة تتظبط اسبوع وترجع تاني مع العلم السيارة في الضمان
اشتكيت كذا مرة في شكوي نيسان الداخلية م العلم السيارة موديل 2013

سوالي اية سياسة الضمان مع العيوب المتكررة
السيارة اتسببت بحادثة بسبب هذا العيب وشكراااا

المشاركة الأصلية كتبت بواسطة a_hejazy

السلام عاليكم

أنا معايا صنى 2005 عندى مشكله فى الrpm
لما العربيه بتبقى شغاله فى الاول بيكون العداد مظبوط لربع ساعه او اكتر شويه
بيكون تحت الواحد بعد كده يبقى على 0.5 وطبعا العربيه بتربجل فى الطلعه
لو شغلت التكيف يتظبط لو قفلت يرجع تانى

ممكن تبقى مشكله ايه ؟؟؟

الطبيعى إن المؤشر ينزل لحدود 600 لما العربية تكون سخنة وواقفة بس طبعا من غير ما تبرجل لازم تكون ثابتة
أول محاولة بسيطة انك تعمل أيدل ليرن
وهتلاقى طريقته فى القسم التعليمى

المشاركة الأصلية كتبت بواسطة ayman_aly

انا غيرت اسكاترا وطلمبة باور استيراد
غيرت اسكاترا مرتين وبعد التانية العفشجى قال الطلمبة كمان بايظة لأن القديمة كان مسربة زيت كتير والطلمبة باظت بسبب قلة الزيت
حالياً المشكلة إن عندى عضة جامدة فى الدركسيون وانا بلف بتقل شوية لما العربية تسخن وأمشى شوية
بقالها شهر تقريبا من ساعة التركيب، والعضة زادت اليومين اللى فاتوا بدرجة رخمة
ايه الأسباب المحتملة ؟

للإفادة العيب كان من صليبة الدركسيون واحدة من الاثنين رولمان بلى اللى فيها كان قافش جداً
وتم تغييرها بواحدة استيراد والحمد لله