الموضوع: حل لابعاد الكلاب عن العربية

أقرأ الموضوع ده بس مش فى الشغل علشان ماتترفدش

http://www.nilemotors.net/Nile/5759-a.html

سيبهم تاخد ثواب و إن شاء الله ربنا يجعله في ميزان حسناتك ولو خايف ان الغطاء يتبهدل هو كده كده هايتبهدل بعد فترة من الجو والتراب او يتسرق لا قدر الله ،على الاقل هايحرسوه .
بس بالله عليك بلاش تأذيهم .

المشاركة الأصلية كتبت بواسطة ahmed air

حضرتك زعلان انك بتعمل ثواب فى الجو الساقع ده

يا فندم انا خايف علي السقف يطبق زي ما.حصل مع ناس كتير بالإضافة انهم بيعملوها علي الغطاء والريحة بتبقي وحشة .. انا مش عايز اضرهم كل اللي عايزه يبعدوا عن العربية ... ومش مشكلة يناموا تحتها انا بياخد وقت كبير قبل مطلع بالعربية وبفتش تحتها

المشاركة الأصلية كتبت بواسطة romieh

أقرأ الموضوع ده بس مش فى الشغل علشان ماتترفدش

http://www.nilemotors.net/nile/5759-a.html

ههههههههه مستحيل اعمل كدا

بص بمناسبه الموضوع ده انا كان ليا ليا احد التجارب المستفذه بس مع القطط
عندما كنت بتوكيل غبور ابورواش سنه 2007 او 2008 تقريبا عندما ك
كان موضوع الازمه الاقتصاديه و كان التوكيل بينش فراحوا عاملين عرض مش عارف فلتر هواء و زيت فري مع الصيانه و مشعارف 15% خصم عالمصنعيات المهم كان يوم سبت و بحكم انه اجازه كان بيبقي زحمه بس بقالنا بتاع شهر لاسبت و لا جمعه كل الايام بننش
و بعد مالعرض ده نزل رحت يوم السبت لقيت العربيات واقفه جوه الاستقبال لحد توكيل نيسان ابورواش
يا ليله طين احنا هنبات للصبح
الواقعه بقا كانت مع اول عربيه و وراها صف طويل عريض يعني لازم تنجز
سياره النترا موديل السنه فيها واحده ست زي القمر و دار الحوار الاتي
انا : صباح الخير
هي : صباح النور
انا ,: حضرتك هتعملي صيانه
هي : لا انا عندي مشكله في العربيه
هي : تخيل يا بشمهندس انا كل يوم الصبح لما اجي افتح الكبوت الاقي ايه
انا : ايه
هي : يانهاري مش متخيله
انا: ايوه بتلاقي ايه
هي : يا ربي مش قادره اقولك
انا ( و انا اشتشيط غضبا) : ايه يعني
هي : قال ايه الاقي قطه
انا : نعم قطه
هي : ام واللهي
انا : طيب انا مطلوب مني ايه
هي : شوفولي القطه بتدخل منين
انا : ازاي يعني حضرتك كارتبره التراب راكبه و كارتيرات التراب بتاعه الرفارف
هي : خليهم يكشفوا جوه و بعدين دي قطه كبيره مش صغيره
انا : مابقول لحضرتك كله راكب و بعدين انا اكتب في امر الشغل وادخل العربيه انهي قسم و بعدين يعني انا اكتب في امر الشغل (((الكشف علي قطه )))
هي : معرفش اتصرف
بصيت علي العربيه اللي واقفه وراها مستنيه تكشف لاقيت الراجل اللي كان سامع الحوار بيطلع نار من ودنه زي طوم و جيري
لاقت نفسي مش عارف اتصرف اقولها ايه
انات :اقولها قبل ماتدوري الصبح هاتي البواب يهوهو جنب العربيه ولا اعمل ايه
انا : طيب ممكن يكون عندك فار جوه العربيه فاقطه بتخش ليه
هي : انت بتهزر
انا : لا انا ببحث الاسباب الميدانيه لاسباب وجود القطه في العربيه
هي: حضرتك اتصرف يا بشمهندس
انا : بصي احنا مممكن نصرف كلب من قطع الغيار علشان لما القطه تيجي تشوفه تجري بس للاسف هو مش موجود هنطلبه دي اتش ال من بره
اشتكتني الفاضله لمدير الاستقبال و بس