الموضوع: تجربة تغيير تيل الفرامل -- مازدا 3

الحمد لله معايا 2008 من الزيرو ماشية 118 الف كم زى الفل و الياسمين
المهم عند حواللى 110 الف كم ابتدى يطلع صوت خربشة جامدة مع الفرامل كل فين و فين فبصت على التيل لاقيته لسه فاضل تلتة تقربيا ( تيل الفبريكا قعد لغاية ما خلص على 65 الف و دة تانى تيل كان نوع اسبانى اسمة road house وكان كويس جدا مافيش صفارة وكان ب 220 ج ) ..
المهم ابتدى صوت الخربشة يزيد و عرفت ان دة صوت تنيهى من التيل علشان اغيرة ( حاجة حلوة مش وحشة .. هما صانعين ان التلت الاخير من التيل بيبقى فيه اجزاء حديد علشان ينبهك بضرورة تغيير التيل قبل ما يخلص و دة ممكنش موجود فى التيل الاصلى )
قررت اغير التيل على 115 الف كم بعد ما عمل 50 الف كم مع ان فاضل تلتة علشان ابتدى يجرح الطنابير
لاقيت الاتى
1- الاصلى ب 625 الى 650
2- هاى كوبى ب 400 ج و دة اكبر مقلب (لانة محطوط فى علبة زى الاصلى و بالبارت نمبر كمان ) ولولا ان البياع بتاع العالمية قالى و فرجنى الفرق بين الاصلى و بين دة .. كان ممكن اى حد يجيبة على انة اصلى و مش ها يعرف يفرق .. طبعا انصح اى حد يبعد عن اى حاجة اسمها هاى كوبى لانها صينى و مجهولة الهوية
3-نوع تركى غالى ب 300 و نوع تركى اقل ب 120 تقريبا
4- الريمسا الاسبانى ب 245 ( الناس بتقول انه بيصفر جامد )
5- هاى تيك كورى ب 150
6- فورد الاصلى ب 670 ( هو هو مازدا الاصلى .. الاتنين مكتوب عليهم FOMOCO و معناها ford motor company وللعلم ان مرة حد قالى انه مصنوع فى اسبانيا للفورد و المازدا والفولفو كمان )
7- بوش ايطالى ب 365 و دة اللى جبته لانى اثق جدا فى ماركة بوش ( جبته من محل للفورد من شارع دمشق و ليس محلات اليابانى )
8- اكيد فى انواع ارخص من كدة بس القاعدة الدهبية : حاجتين ما تسترخصش فيهم .. الفرامل و الكاوتش )

التيل البوش تم تجربتة لمدة شهر و 3000 كم و النتيجة ممتازة جدا زى الاصلى تمام و الفرامل على الشعرة زى ما بيقولوا ولا يوجد تصفير
التيل القديم كان برضة كويس و كان ممكن يكمل لغاية 60 الف لولا موضوع الخربشه دى

اتمنى انه يفيد الناس اللى ناويا تغيير التيل قريبا

ما شاء الله اية الارقام الفلكية دي؟ اا التيل بيقعد معايا 25 بكتيره
و ده مع اي حد فى اى عربية!!!