الموضوع: تسقيط موتور للابيزا 1998

اية يا رجالة ؟
16 مشاهدة ومحدش افادنى ولا الغيبة بتعمل اكتر من كدة

متابع باهميه جدااا

المشاركة الأصلية كتبت بواسطة nesr6060

عندك مواتير ال 1400 واحد كامه قطع غيارها زى التراب وكتير بيحب يسقطها وعمليه بس مش للجرى والشد بس موفره جامد ومش هتغير معاها عفشه ولا فتيس
و ال 1600 نسبيا حسب الموتور
و ال 2e بس ده 2000 سىسى وقطع غياره عاليه شويه

انا متشكر يا باشا على ردك واهتمامك
بس انا عاوز اجيب موتور من الاخر عشان مشيلش واحط وكنت عاوز الاراء المفيدة
يعنى الموتور 1400و1600و1800
اية اللى يركب وميتعبش العربية ولا يفتح الشاسية لانى عاوز اهد كل العربية من الالف الى الياء
وهل المواتير دى فى منها gt ,gtr
فارجوا الاهتمام ولكل الاعضاء جزيل الشكر

المشاركة الأصلية كتبت بواسطة nesr6060

كل المواتير دى تركب عادى من غير اى مشاكل فى الشاسيه بس لو 2800 الصراحه ماضمنش لانه كبير اوى
كتير اوى بيفضل ال 1400 لانه بينزل فابركا مع العربيه فى مصر و مشاكله قليله جداااااااااا ووزنه خفيف واستهلاك بنزين حلو بس لو بتحب الد والجرى حط ال 1600
على فكره كل ما السىسى بيعلى كل ما قطع غيار الموتور بتقل وتغلى ده اللى انا اكتشفته فى السوق

وكان اكتر مواتير مليانه زى الرمل كانت ال 1400 سواء دواسه واير او كهربا

انا متشكر يا باشا على اهتمامك انا انشاء الله ناوى على موتور 1600 بس حابب اعرف اعلى نوع من المواتير اشترى يعنى زي الجولف فى موتور gt ,gtr
فالموتور اللى اجيبة 1600 نوع اية ؟من حيث مواصفات الابيزا وانا هشترى نص امامى كامل بس احب اعرف نوع الموتور وموديلة واكام باور هورس وعزم قد اية وخلافة ؟
وانا اسف على تعبك

المشاركة الأصلية كتبت بواسطة karim ibiza

الابيزا الـ98 بينزلها موتورين 1.6
واحد 75 حصان والكود بتاعه aee او alm او ahs
التانى 101 حصان والكود بتاعه aft وده موضوع كنت عامله فى عربيتى http://www.nilemotors.net/nile/341077-98.html

فيه موتور بينزل فى البولو الـ gti وده 1.6 و 16 صباب 2 كامة 123 حصان والكود بتاعه arc بس ده نادرا لو لقيته وغلس شوية فى قطع غياره

انا متشكر جدا على ذوقك يا باشا
ومن الواضح ان الاختيار مابين موتورين
الاول 101 حصان والكود بتاعه aft
والتانى الموتور الغلس ههههههه
انا ارجح الاول
واخر حاجة يا باشا اجيبة عادة ولا اوتوماتيك من وجة نظرك الشخصية ؟
والتكلفة لو عادة او اوتوماتيك
ولك جزيل الشكر وتقبل تحياتى