تم حل مشكله نقص المياه بحمد الله

**elsokily** · 17-03-2014 10:23 AM

رجاله اللوجان صباح الخير

تحيه خاصه لكل الناس فى المنتدى اللى دايما مش بيبخلوا على حد بالنصيحه و مش بيتأخروا فى المساعده و عشان كده حابب أنقل تجربتى مع موضوع نقص المياه اللى كنت سألت فيه قبل كده و نصحونى الأخوه الأفاضل بالمواد اللى بتوقف التسريب

من غير رغى كتير أنا جبت Abro Stop leak زجاجه 240 مللى ب 25 جنيه متوافره عند بتوع قطع الغيار و ف بنزينات و تم اضافتها للمياه فى القربه و بعد أكتر من شهر الحمد لله وقف التسريب تماما و نجحت الزجاجه دى فى ما فشل فيه التوكيل و أتمنى أكون نقلت معلومه تفيدنا كلنا ودى لينكات للمنتج

Head Gasket Stop Leak | eBay

[url=http://www.autospeci.lv/products-page/servisa-apkopes-lidzekli/]Servisa apkopes līdzekļi Archives

**ahmedfouad** · 17-03-2014 11:04 AM

ربنا يباركلك فيها .. بس بلاش مياه الحنفية .. انا بحط مياه من الفلتر على اساس انها افضل شوية

**starlanos** · 17-03-2014 11:11 AM

الف مبروك
ياريت طريقة الاستعمال بالتفصيل

**elsokily** · 17-03-2014 12:46 PM

المشاركة الأصلية كتبت بواسطة ahmedfouad

ربنا يباركلك فيها .. بس بلاش مياه الحنفية .. انا بحط مياه من الفلتر على اساس انها افضل شوية

أكيد يا باشا و ياريت لو مياه خضراء تبقى 100 فل و 14

**elsokily** · 17-03-2014 12:55 PM

المشاركة الأصلية كتبت بواسطة starlanos

الف مبروك
ياريت طريقة الاستعمال بالتفصيل

الاول بترج الزجاجه ثم يتم اضافتها لمياه القربه و العربيه مبطله حتى توصل لعلامه max و تقفل غطاء القربه كويس و بعد كده بتدور العربيه لمده 15 دقيقه عشان السائل ينتشر فى دوره التبريد كلها و تعليمات الاستخدام مكتوبه على الزجاجه أيضا.

**ahmednavigator** · 15-09-2014 03:48 AM

اخبار التسريب ايه دلوقتي لاني جبت عبوه النهارده ولم قريت عنها لقيت ان في ناس كاتبه انها ممكن تسد السيستم كله

**elsokily** · 15-09-2014 10:12 AM

المشاركة الأصلية كتبت بواسطة ahmednavigator

اخبار التسريب ايه دلوقتي لاني جبت عبوه النهارده ولم قريت عنها لقيت ان في ناس كاتبه انها ممكن تسد السيستم كله

لأ يا باشا كله تمام و المياه ف المستوى المظبوط و ممكن بعد ما تجربها شهر ولا 2 نزل كل المياه من دوره التبريد و غيرها بمياه خضراء جديده

**mody112** · 15-09-2014 10:38 AM

الحمد لله على انه وفقك للحل ده

**ahmednavigator** · 15-09-2014 01:31 PM

شكرا لردك .شكلي كده مش حستخدمها لان المياه عندي بتنقص كل 3 شهور من علامه الماكس لحد علامه المينيمم وبزودها مياه حمراء توتال كل 3 او 4 شهور

**محمود نجيب** · 18-09-2014 12:47 AM

الحمد لله انك حليت المشكلة
لكنك لم تسرد لنا المشكلة كيف بدأت وكيف علمت بوجودها
يا ريت تكتب و تنقل تجربتك بالتفصيل في موضوع (مرجع لجميع اعطال و مشاكل اللوجان و حلولها )
عشان نستفيد منها لو تكررت عند اي عضو في المنتدي
و ده رابط الموضوع
http://www.nilemotors.net/Nile/439705-a.html