التسخين قبل المشي ولا المشي بعد التسخين

**mospass_12** · 24-03-2014 11:05 AM

صباح الخير يا جماعة الخير
عندي سؤال والنبي ، هو أنا لو عربيتي 2013 خليجي كل يوم الصبح وانا رايح الشغل أسخن الأول ولا أدور وأمشي على طول ومش لازم أسخن ، حد يجاوبني وله الأجر ، وعلى رأي الأستاذ/ محمود عبد العزيز فى فيلم (( الكييف )) هو التسخين قبل المشي ولا المشي بعد التسخين

**hany63** · 24-03-2014 11:14 AM

ههههه بعد التسليك
بص حضرتك اول ما تدخل العربيه دورها ابتدي ظبط قعدتك و مزاجك و اربط الحزام و شغل الكاسيت الفيلم ده هياخد حوالي دقيقه في الفتره دي هتلقى الار بي ام بعد ما كان على ١٢٠٠ لفه بقى على ١٠٠٠ لفه دي المرحله الاولى في التسخين اللي فيها بيكون الزيت انتشر في الموتور بالكامل بس درجة حرارته ما وصلتش لدرجة التشغيل
هنا تتحرك عادي من غير ما تقرص عليها اخرك ٢٠٠٠ او ٢٥٠٠ لفه و دي المرحله التانيه من التسخين هتاخد حوالي ٣ دقايق مشي هتلقى مؤشر الحراره ثبت ابتدي شد زي ما انت عايز و كيك داون و دريفتات و كده
طبعا زمان كنا نفضل نسخن بال ٥ دقايق عشان كان الزيت معدني بياخد وقت و العربيات كانت كاربرتير مش انجكشن انما انسى الكلام ده

**a7medsh3rawi** · 24-03-2014 11:17 AM

الطبيعى فى المواتير انك تدورها وتتركها لمدة 30 ثانيه قبل البدء بالتحرك بالعربيه
بشرط انك ما تقرصش على الموتور الا لما الحراره توصل لمعدلها الطبيعى
ومش ضرورى ان الموتور يسخن .. المهم ان الموتور يكون فى فتره ال 30 ثانيه تم تزييته وتحريك الزيت بداخله

معلومه: لا حلفان بغير الله وما ينفعش تحلف حتى لو بالنبى

**S O P H O S** · 24-03-2014 11:53 AM

قبل وليس بعد

**yasserelshakwe** · 24-03-2014 12:14 PM

قبل وليس بعد
الانجيكشن يختلف عن زمان تماماً
بالتوفيق

**Hany Saad** · 24-03-2014 01:29 PM

طبعاً مفيش كلام يتقال بعد كلام رجالة التويوتا الكبار.....كفوا و وفوا فى الرد
و فعلاً تقعد و تدور عربيتك و تشغل كاسيتك و تنطلق بس بلاش تقرص على الموتور أو تزود عن 3000 لفة لغاية لما ياخد حرارته المظبوطة و مؤشر الحرارة يثبت.....
لكن بعد أذنكم حابب أضيف أن الفكرة مش بس على ما الزيت التخليقى يتوزع فى أجزاء الموتور المختلفة و ده سليم و أن كان مش كل الحقيقة لأن من مميزات الزيت التخليقى أنه بيسيب طبقة رقيقة على أجزاء الموتور (تشميع) و ذلك للحد من التأكل عند بداية التدوير....

الأهم هو ال Catalytic Converter أو المحفز أو زى ما بيطلق عليه " علبة البيئة" الموجود فى الشكمان و الذى بيعمل على تقليل الأنبعاثات الضارة الناتجة من الحرق و تحويلها إلى أنبعاثات أقل ضرراً بحيث يبقى خليط الأحتراق الخارج من العادم فى الحدود المقبولة.....

عند تسخين السيارة بدون حركة بيكون الحرق سىء جداً ونسبة البنزين الغير كامل الأحتراق عالية جداً و ده بيأذى جداً المحفز و يقلل بشدة من عمره الأفتراضى.....

يبقى الخلاصة أيه: دور عربيتك و أطلع أو أطلع بعد ما تدور على طول

تحياتى للجميع

**bassem.naguib** · 24-03-2014 01:42 PM

المشاركة الأصلية كتبت بواسطة meggieboy

الأهم هو ال catalytic converter أو المحفز أو زى ما بيطلق عليه " علبة البيئة" الموجود فى الشكمان و الذى بيعمل على تقليل الأنبعاثات الضارة الناتجة من الحرق و تحويلها إلى أنبعاثات أقل ضرراً بحيث يبقى خليط الأحتراق الخارج من العادم فى الحدود المقبولة.....

عند تسخين السيارة بدون حركة بيكون الحرق سىء جداً ونسبة البنزين الغير كامل الأحتراق عالية جداً و ده بيأذى جداً المحفز و يقلل بشدة من عمره الأفتراضى.....

يبقى الخلاصة أيه: دور عربيتك و أطلع أو أطلع بعد ما تدور على طول

تحياتى للجميع

كنت داخل أقول الكلمتين دول .. الله ينور يا هندسة .. أو بصورة أخرى بيسد علبة البيئة ويكتم الشكمان وبالتالي السحب بتاع العربية على المدى البعيد .

**hossam_elwani** · 24-03-2014 04:38 PM

التسخين قبل المشي ولا المشي بعد التسخين هههه ملعوبه

-

الموضوع: التسخين قبل المشي ولا المشي بعد التسخين

LinkBack

أدوات الموضوع

عرض

-

-

-

المواضيع المتشابهه

المشي علي السلانسي

فوائد التسخين

مشكلة مع المشي...

التسخين ... التسخين ... التسخين

التسخين فى الصباح

الكلمات الدلالية لهذا الموضوع

المفضلات

المفضلات

ضوابط المشاركة