تفريغ نص كورولا

**the magice** · 26-03-2014 03:27 AM

السلام عليكم
والدي معاه عربيه كورولا موديل 85 كان بيفكر في البيع ويجيب حاجه اعلي بس محتار لأنه مرتاح فيها جدا وهي بقالها معاه فترة ف اقترحت عليه فكرة انه يجيب نص كامل ويفضيه في العربيه بمعنى الموتور بالفتيس بالتابلوه بالضفيره والكنترول لو فيه انجيكشن ومعاهم كمان طاره فيها اير باج لو امكن ومعاها طبعا قطمه كامله بالاسكاترا الباور مع مشتملاتها ولو هتكون حاجه اكبر من 1300 اللي راكبه فيها هنحتاج نغير عفشه هل فيه امكانيه لعمل ده في تويوتا ولو في عاوز رنج السعر في حدود كام وعاوز حد يرشحلي ميكانيكي وكهربائي خبره في التسقيط
اسف ع الاطاله وتحياتي
عبدالرحمن عادل قسم سيات

**samakaerror** · 26-03-2014 07:37 AM

متااابــع

**khaled_sabry** · 26-03-2014 08:26 AM

هو نظريا الكلام اللى بتقول عليه ممكن
بس حتدخل فى دوامة انك تلاقى نص كل اللى فيه يتوافق مع عربيتك - و ده احتمال صعب و اقرب حاجه ليها حتكون الموديل نفسه (كورولا) و لكن فى سنه اعلى و احتمالها ضئيل - لكن انك تجيب ماركه تانيه و تلاقى كل اللى فيها متوافق معاك - يتهيألى مستحيل

و لو لاقيت النص المتوافق معاك - حتدخل فى متاهه انك تلاقى ميكانيكى - كهربائى - عفشجى ماهر علشان ينزلك الحجات دى فى العربيه و توقع مشاكل الصنايعيه المشهور

بصراحه لو كملت زى مابتقول كده حتلاقى نفسك صرفت مبلغ و قدره و حتلاقى الشغل طالع بنسبة 70% من اللى انتا عاوزه و المبلغ ده كان ممكن تشترى بيه عربيه تانيه اعلى

لو عاوز تروش العربيه ابقى اشتريلها حاجات فردانى زى (تكيف - زجاج كهرباء - سنتر) و بعد كده شوف الحجات التقيله اللى عاوز تحطها على حدا (موتور اكبر - اسكترا باور - ايرباج ) لإنك حتنقيهم من اكتر من عربيه مختلفه
و ارجع تانى و اقولك يفضل تشترى دماغك و توفر فلوسك و تشترى حاجه اعلى لو عاوز رفاهيه

**Yousef.Kamel** · 26-03-2014 08:59 AM

اعتقد ان الكﻻم ده صعب تنفيذه لعده اسباب منها ابعاد السياره اتغيرت عده مرات انا كان معى زمان كوروﻻ 84 اوتوماتيك 1600 خليجى حجم الحوض فيها يختلف عن 89 وعن93 فاى موتور هتشترى وكل يوم بيقل قطع الغيار اﻻستيراد للقديم وخصوصا ما قبل 97 بالرغم من كونها عربيات ممتازه جدا وبصراحه انا شايف انك تجدد عربيه الوالد وممكن تشترى حاجه احدث ﻻن ثمن القديمه مش هيعدى 25 الف

**abofandy** · 26-03-2014 12:09 PM

تبقى بجد غلطان لو عملت الى بتقول عليه دة
اية الغلبة والتعب دة كله .. هيجيلك اية من كل دة فى الاخر يعنى

انت غيرت نص زى ما بتقول لا على الاطلاق
انت غيرت عربية كامله ما هى العربية اية غير موتور وفتيس وعفشة وانت غيرتهم يعنى غيررت العربية وهو اية الى باقى فى العربية اصلا علشان تحس انك عملت تجديد او ركبت عربية مختلفه

ابعد عن الغلبه دى وريح دماغك وبيع العربية كلها على بعضها واشترى كورولا موديل اعلى وريح قلبك ودماغك من تعب الصنايعه وهم الشيل والحط وفى الاخر يااما تطلع كويسة يااما متطلعش وتعيش فى نكد طول حياتك على التعب والفلوس الى اتصرفت

**Yousef.Kamel** · 27-03-2014 09:15 AM

انا كنت باجيب حاجتها من الوكاله مش الحرفيين ومره اشتريت فتيس اوتوماتيك بتاعها 5 غيار ب1200 جنيه بس هى اصﻻ اوتو الكﻻم ده من 8 سنوات واشتريت مره علبه دركسيون باور 300 جنيه اعتقد حاجتها كلها فى الوكاله فيه كام واحد فى شارع مسدود فى اخره بتوع اليابانى القديم

**khaled_sabry** · 27-03-2014 11:37 AM

المشاركة الأصلية كتبت بواسطة yousef.kamel

انا كنت باجيب حاجتها من الوكاله مش الحرفيين ومره اشتريت فتيس اوتوماتيك بتاعها 5 غيار ب1200 جنيه بس هى اصﻻ اوتو الكﻻم ده من 8 سنوات واشتريت مره علبه دركسيون باور 300 جنيه اعتقد حاجتها كلها فى الوكاله فيه كام واحد فى شارع مسدود فى اخره بتوع اليابانى القديم

انا كان ماعايا اللى اقدم منها
حاجتها حتلاقيها بشكل اساسى فى عزبه شلبى فى المطريه - ثم الوكاله
ابعد خالص عن الحرفين فى اى عربيه قديمه
ولو عاوز حاجه ليها جديده عندك ميدان ابن الحكم فى حلميه الزيتون

اسعار الصاج ماعرفهاش لكن فى عزبه شلبى حتلاقى اكتر من واحد عنده كل حاجه فى اى عربيه تيوتا - اشهرهم تامر حرنكش

لو حتركب زجاج كهرباء اعمل حسابك فى 800 جنيه تقريبا سعر المكن - بالاضافه الى سعر الزراير (ماعرفشى النظام عندك هل فيه وحده مجمعه ولا زراير بتركبها فى اى حته و خلاص )
يعنى حتلاقى الموضوع دخل فى 1000 او 1300 بالكتير
افضل واحد اتعاملت معاه فى موضوع الزجاج الكهرباء ده واحد اسمه خالد فى شارع عين شمس امام معهد مندوبى الشرطه اللى هناك - راجل امين و فاهم شغله كويس و هو كمان اللى بيبيعلك المكن الاستيراد بدل ماتلف على الفاضى