مشكله مع المارش على ما اعتقد - ابيزا 94

**Hazem_Ahmed** · 31-03-2014 01:30 PM

السلام عليكم ورحمة الله وبركاته

العربيه لما بتسخن واجى اقف لاى سبب من الاسباب (بمون او بشترى حاجه او واقف ف زحمه رخمه او طالع ع الثانى وفاكره الاولانى ) يعنى الموضوع لا يتعدى دقائق او بالكاد دقيقه واجى ادور العربيه متدورش او بمعنى ادق المارش مش بيلقط اساسا الا بعد دقيقه مثلا وخت بالى كمان انى لازم اكون طافى الانوار كلها والكاسيت ولو المروحه شغاله المارش مش بيلقط الا لما المروحه تفصل وكمان لقط المارش ضعيف ساعتها يعنى شبه مس سامع صوته بعكس لما ادور العربيه الصبح

انما ف اول الدواره الصبح او والعربيه بارده بدور ع طول بدون اى مشاكل من اول مره مع العلم ان البطاريه جديده والدينمو كويس وله مغير ترس مارش من قريب

هل ده ضعف كهربا زى ما الكهربائى قال ولا عيب ف المارش ولا العربيه محتاجه كتاوت مارش زى ما كهربائى تانى وثالث قال

اعتذر ع الاطاله وشكرا للافادة

**Karim Ibiza** · 01-04-2014 01:13 AM

لو المارش بيعمل صوت تكة يبقى راجع على قواطيش البطارية والكبلات, جايز تكون مملحة او مش مربوطة كويس
لو كله تمام يبقى احتمال كبير يكون شربون المارش

لكن لو مفيش صوت تكة يبقى دى حاجة تانية ومش فى المارش

**Karim Ibiza** · 01-04-2014 12:31 PM

لو مفيش صوت يبقى احتمال تكون فبرة الكونتاكت بتعلق وكمان كتاوت المارش لما بتسخن بتقطع
روح لكهربائى تانى بس متقولوش على اللى الكهربائى الاول قالك عليه وشوف هيقولك ايه

**Hazem_Ahmed** · 01-04-2014 01:49 PM

المشاركة الأصلية كتبت بواسطة karim ibiza

لو مفيش صوت يبقى احتمال تكون فبرة الكونتاكت بتعلق وكمان كتاوت المارش لما بتسخن بتقطع
روح لكهربائى تانى بس متقولوش على اللى الكهربائى الاول قالك عليه وشوف هيقولك ايه

انا اصلا معنديش كتاوت مارش وفعلا ناويت اروح لكهربائى تانى وتالت لان الشعب بدأ يفتى وكل واحد عامل نفسه ان هوا اللى فاهم وغيره بطيخه

المشاركة الأصلية كتبت بواسطة zika99_eg

نفس الموضوع بيحصل معي
كنت من فتره غيرت قواطيش البطارية وربطت الكابلات واشتغلت كويس
بس رجعت تعمل تاني
ومش عارف السبب

يبقى كده من قواطيش البطاريه طالما رجعت تانى وانت مغيرها
وبعدين الموضوع عندى مرتبط بالسخونه يعنى مبتعملش كده الا وهيا سخنه

**المجرى** · 01-04-2014 01:54 PM

المشاركة الأصلية كتبت بواسطة hazem_ahmed

اصلا لما بتعمل كده لا بتسمع صوت تكه ولا غيره كانك فاتح كونتاكت وخلاص يعنى سامع صوت طلمبه الكهربا وشايف لمبه البطاريه والزيت منورين ف التابلوه وكل اضاءه العربيه شغاله ولا حياه لمن تنادى مش بتقوم غير بعهدها من 3 الى 10 دقائق تسمع بقا لقط المارش بس بيكون ضعيف جدا ولما العربيه بتدور بيبقى صوتها واطى جدا يعنى لو الصبح وفى زيطه مش هتسمع صوت المكنه الا لما تزود اللى محيرنى ف النقطه دى يقى ان ار بي ام طبيعى مش واطى ولا حاجه
وع ما اعتقد ان لو المشكله ف الشربون بتاع المارش يبقى هيقطع خالص مش مره اه ومره لا وهيا سخنه بس

شوف ياغالى انا المشكلة دى كانت من عندى والحمد لله اتحلت
انا كنت شاكك فى فبرة الكونتاكت لانى بس الكهربائى اكدلى انها المارش لانة العربية مش لاقطة وسامع طرمبة البنزين بس
راح خابط المرش راح داير
قالى المارش ياغالى راح فاكة ومنضفة وحاطط لة شحم وغير شربون والمشكلة انتهت الحمد لله والمارش بيلقط من اول تكة
الله ماصلى على النبي

**ehab_mansour** · 01-04-2014 02:43 PM

نصيحة مني فك المارش اعمله صيانة و تنظيف و مراجعه علي الشربون و عمله بالكامل و لو لقيت حاجه فيها مشكلة و اتحلت يبقي تمام ... مافيش يبقي بعدها تعملك وصلة خارجية للمارش لما مينطقش يبقي توصلها مباشر بالبطارية و تشوف هيشتغل ولا لأ
لو دار و دور العربية تبقي فبرة كونتاكت و لكن انا استبعدها اساسا بالمرة

العيب عندك يا في المارش ... يا في كهربته و محتاج فعلا كتاوت خارجي عشان يتاخد مباشر
يا البطارية هي السبب الاساسي

هتقلي ليه البطارية هقلك ... نوع بطاريتك ايه بالضبط ... سائلة ولا جافه ؟؟؟؟

و بالتوفيق

**Hazem_Ahmed** · 01-04-2014 04:25 PM

المشاركة الأصلية كتبت بواسطة المجرى

شوف ياغالى انا المشكلة دى كانت من عندى والحمد لله اتحلت
انا كنت شاكك فى فبرة الكونتاكت لانى بس الكهربائى اكدلى انها المارش لانة العربية مش لاقطة وسامع طرمبة البنزين بس
راح خابط المرش راح داير
قالى المارش ياغالى راح فاكة ومنضفة وحاطط لة شحم وغير شربون والمشكلة انتهت الحمد لله والمارش بيلقط من اول تكة
الله ماصلى على النبي

ربنا يباركلك وياريت يطلع كده ويريحينى

-

-

-

الموضوع: مشكله مع المارش على ما اعتقد - ابيزا 94

LinkBack

أدوات الموضوع

عرض

مشكله مع المارش على ما اعتقد - ابيزا 94 - انشر الموضوع فى :

-

-

-

-

-

-

المواضيع المتشابهه

تقرير تصليح تكة المارش اللى فى الكونتاكت، ابيزا 94

اعتقد انها مشكله بجهاز الانذار

مشكله في افتيس على ما اعتقد

مشكله في المارش

مشكله في المارش

الكلمات الدلالية لهذا الموضوع

المفضلات

المفضلات

ضوابط المشاركة